Luka 13:34 - Livulu lya Shukulu Kalunga

³⁴ “Yelusalema, Yelusalema! Yove ukatsii vaka-kwimanena nakwasha mamanya miluwa va Njambi vaje vaatumine kuli yove! Visimbu vyavingi njashakele kukungulula vanu vove nakuvavumbatela mu mavoko ange ngwe kasumbi akavutikiya vana vendi mu mambava, oloni yove kuwanjitavele!

Luka 13:34 Iomraidhean Croise

Nehemiya 9:26

“Oloni vanu vove vakutengulukilile, nakujeneka kukwononoka, vakengesele nima ku Mashiko ove. Vatsiile vaka-kwimanena vaje vavanangwile nakuvaleka vukaleo vwakuvatengulwila kuli yove. Co vakushawile ku simbu na simbu,

Nehemiya 9:30

A mwaka na mwaka wavanangwile nakusimpa, nakuvambulwila vukaleo ali Munzinzime wove, muli vaka-kwimanena vove, oloni vanu vove vapwile tusinda-matwi, ngecivene, wavakundikile mu mavoko a miyati yeka ngeci vavafungulule.

Myaso 149:2

Vwaelela Isalele omwo Ishamatanga wove, joleleni, yeni vanu va ku Siyone, omwo ali mwene yeni!

Myaso 17:8

Njinyunge ngwe muukanyungu mun̄andi wa lisho, co njinyunge ngwe mwakanyungu kazila vana vendi mu mambava endi

Myaso 36:7

Mucavwaa cizemo cove Njambi, cizemo cije kucesi kutenguluka! Vanu valinakuvanda mu munzinze wa mambava ove.

Myaso 57:1

Njizivileko mema ku mbunge yove Njambi, omwo njiija kuli yove ngeci unjinyunge, ngwe mwakanyungu kazila vana vendi mu mambava, njitewela kuli yove, noo lihunzi lya mankimba akama linahu.

Myaso 81:13

Nga vanu vange vanjitolililile, nambe nga vanjononokele,

Myaso 91:4

Ikeye akakufwika mu mambava endi, nakukunyunga mwamuvwa, vushunga vwendi vukakwamena nakukunyunga.

Isaya 30:15

Shukulu Kalunga wa Akamwa ya Vyoshe, Njambi Wakujela wa Isalele, nendeka kuli vanu ngwendi, “Mukutenguluka namukuhwima mukemwo mumukawana mwonyo, co mu kwoloka namukukulaela mukemwo mumukawana nzili.

Isaya 50:2

“Omwo vikajo vanu vange vonwele kukumbulula omo njaile kuli vakevo ngeci njivamene? Vikajo kuvakumbulwile omo njavasanene? Kuma kunjesi na nzili yakuvamena ndi? Mukuluvala kwange njasa kumisa mema a kalunga, na vindonga kuvitengulula mambo, ngeci visi valimo vatse a mema.

Njelemiya 2:30

Njaminyanyamesele, oloni kucamikwasele ngeci mwa ndumba wa vukalu, yeni mwatsiile vaka-kwimanena vange.

Njelemiya 26:23

Vanenele Uliya kuli Mwene Yehoyakime, co wamutsiile nakumbila muvila wendi mu vimbumbo vya vanu voshe.)

Njelemiya 35:14

Vatekulwila va Yonandave vanononoka lishiko lya kukulwila yavo lyakujeneka kunwa vinyu, nakweta ku litangwa lya lelo kuvesi kunwa vinyu. Oloni yange njinakala nakwendeka kuli yeni simbu yoshe, oloni yeni kumwesi kunjononoka.

Njelemiya 35:17

Ngecivene, ololo, yange Kalunga, Muka-nzili yoshe, Njambi ya Isalele, njikanena ali yeni vanu va mu Yunda na vanu va mu Yelusalema, n̄avava yoshe ije injamitumbwilile. Njikalinga evi omwo kumwatolililile ku vije njendekele kuli yeni, co kumwanjikumbulwile omo njamisanene.”

Njelemiya 6:16

Shukulu Kalunga wendekele kuli vanu vendi ngwendi, “Imaneni a masambwa ngila mumone. Kaveni vingila vije vendele vakukulwila veni, co mukakala mu kwoloka.” Oloni vendekele ngwavo, “Embwe kutukaimo!”

Mbimbi 1:16

“Omwo vyuma evi mukemwo njilila misozi. Naumo wai anjizembeleka, nambe kunjitakamesa. Vitozi vananjifungulula, co vanu vange kuvesi na cuma cimo cije civanasala naco.

Mbimbi 4:13

Oloni eci calingiwile, omo vaka-kwimanena va mu Yelusalema valingile vuvi, co vaka-kukombelela vamwo vakele na mulonga wakunena kutsa kwa vanu vakujeneka mulonga.

Hoziya 11:2

Nameme yange njamusanene oloni ikeye watundile kuli yange. Vanu vange vakombelelele kuli Mbale, co venyekelele insense ku tumponya.

Hoziya 11:7

Valambelela ngeci vatunde kuli yange. Vakalilila kuli yange omwo mandauluwa ije ili ali vakevo, oloni naumo wai akavatundisayo.

Njwele 2:23

“Vwaeleleni, yeni vanu va mu Siyone, joleleni a vije vyanamilingila Shukulu Kalunga Njambi yeni. Omwo ikeye namyana nyonzi a simbu yaivwa, co ikeye lalo naminyokesela nyonzi ya likuvula-shoke, co lalo naminyokesela nyonzi ya mu Lipepo ya musanda.

Zakaliya 1:4

Kesi mufwe ngwe vakukulwila veni. Ku san̄ulu vaka-kwimanena vavalekele majwi ange, nakuvanangula ngeci kesi vayoye mu vuvi, na mu vingila vyavivi. Oloni kuvanjitolililile nambe kunjononoka.

Mateo 22:3

Co watumine vangamba vendi mukuleka vaje vavalanyele ku ciwano, oloni vakevo vavyanene.

Mateo 22:6

vamoco vakwatele vaje vindungo, vavapupile nakuvatsiya.

Luka 15:28

Co uje mukulunu wendi waluvalele manene kakovelele mu njuvo, ngecivene, ishe wezile wamulambelelele ngeci akovele.

Luka 19:44

Co vakevo vakakunyongesa njwa amo na vanu vove vaje vali mu vivumbe vyove, kuvakaseza limanya limo mu mutambela walyo, omwo yove kuwazivukile simbu omo Njambi wezile nakukwovola!”

Luka 23:28

Yesu watengulukilile kuli vakevo wendekele ngwendi, “Eni vanakazi va mu Yelusalema! Kesi mulilile yange, oloni lilileni yeni vavenya na vana veni!

Vilinga vya Miluwa 7:52

Muka-kwimanena mukajo ivajenekele kuyandesa vakukulwila veni? Vakukulwila veni vatsiile miluwa va Njambi vaje ku san̄ulu vambulwile kwija kwa Ngamba yendi wa vushunga. Co ololo yeni munamwende vungungu nakumutsiya.

Vilinga vya Miluwa 7:59

Co vakele nakwasha mamanya Setefano omo wakele nakulombela ngwendi, “Mwene Yesu tambula munzinzime wange!”

Vilinga vya Miluwa 8:1

Co Saulu watavele kutsa kwa Setefano. A litangwa lije vene cikungulukilo ca mu Yelusalema cashangumukile kuyanda na mapakeso. Vaka-kukulaela voshe, kuvanga lika miluwa, vashandokelele mu mafuti a Yundeya na Samaliya.

Kwituluka mu Mashiko 32:29

Nga vakele na mana ngwe vazivukile vije vyalingiwile, oloni kuvayongwele kuhwa kwavo.

Kwituluka mu Mashiko 5:29

Nga vakala na mbunge yangacije simbu yoshe yakunjizivila lyova nakunyunga mashiko ange, nga vakakala mwamuvwa myaka yoshe na vatekulwila vavo.

Kujombolola 11:8

co mivila yavo vakailangeka mu tapalo ya nganda yakama, kuje kuvashukikilile Mwene yavo. Cizivukiso ca lizina lya nganda ije lyapwa Sondoma nambe Ingito.

Lute 2:12

Shukulu Kalunga akwane cikandelela a vije walingile, Shukulu Kalunga Njambi ya Isalele, kuje kuunaija mukukunyunga, akwane cikandelela cakama cakutunda kuli ikeye!”