Luka 13:33 - Livulu lya Shukulu Kalunga

³³ Nameme ngoco njinapandele kwenda lelo nai mene na indele, omwo kesi mwamuvwa kuli muka-kwimanena kutsila kweka embwe kuvanga mu Yelusalema.

Luka 13:33 Iomraidhean Croise

Mateo 20:18

Wavalekele ngwendi, “Tolilileni, tulinakuya ku Yelusalema kuje Muna Munu vakamwana ku mavoko a vakulunu va vaka-kukombelela na kuli valongisi va majwi a Lishiko. Co vakamihisa nakumitwala ku kutsa,

Mateo 21:11

Co mbunga ije vendekele ngwavo, “Ou ikeye Yesu muka-kwimanena wa ku Nazaleta mu Ngalileya.”

Luka 9:53

Oloni vanu vakele kuje kuvamutambwile, omwo casholokele ngeci vungenzi vwendi vwapwile vwakuya ku Yelusalema.

Yowano 11:54

Ngecivene, Yesu kendele citona-mesho mu Yunda, oloni watundileko waile ku mutambela weka kuyehi na mambo, ku nganda vatumbwile ngwavo Efalime. Co wakele kuje amo na vandongisi vendi.

Yowano 11:9

Yesu wendekele ngwendi, “Litangwa lyakala na maola likumi na avali indi kesi ngoco? Ngecivene, woshe enda mu mutanya katanuka, omwo amona ceke ca ano a kaye.

Yowano 12:35

Yesu wakumbulwile ngwendi, “Ceke cikakala akati keni kasimbu lika kakandondo. Endeni omo muli na ceke, ngeci lisusulungu kesi likamifwike, omwo uje enda mu lisusulungu kazivuka kuje alinakuya.

Yowano 4:34

Yesu wendekele kuli vakevo ngwendi, “Vyakulya vyange vinapu kwononoka cizango ca uje wanjitumine nakumanesa vipangi vyanjanene ngeci njivilinge.

Yowano 9:4

Tunapande kupanga vipangi vya uje wanjitumine omo kucili mutanya, vutsiki vulinakwija omo naumo wai asa kupanga.

Vilinga vya Miluwa 10:38

Mwazivuka vya Yesu wa ku Nazaleta na muje Njambi wamuvwavesele Munzinzime Wakujela na nzili. Wendanganene kwoshe-ikwoshe nakulinga vyavivwa nakukangwisa voshe vaje vakele mwisi ya nzili ya Liyavola, omwo Njambi wakele amo nendi.

Vilinga vya Miluwa 13:27

Omwo vanu vaje valinakuyoya mu Yelusalema na vantwama vavo omwo kuvazivukile ngeci ikeye napu Muyoyesi, nambe kuzivisisa majwi a vaka-kwimanena aje avakalava a Litangwa na Litangwa lyoshe Lyakuhwima. Nameme ngoco valingisile majwi a vaka-kwimanena kupwa a vushunga omo vawanenene Yesu mulonga.