Luka 13:19 - Livulu lya Shukulu Kalunga

¹⁹ Vumwene vwa Njambi vunalifu ngwe munu anona kanona kamo ka mbuto ya musalata nakukakuna mu lihya lyendi. Co kakola kapwa muti wakama, co tuzila vaija vakutungila mashwa avo ku minango yawo.”

Luka 13:19 Iomraidhean Croise

Myaso ya Solomoni 4:12

Ndokazi yange, shombolwa yange, unapu ngwe citungu cakusita, unapu ngwe lisima lyakusita nambe ngwe lisima lya kavwelu-vwelu lyakusita.

Myaso ya Solomoni 4:16

Induka, yove lihunzi lya ku kunto. Huwila mu citungu cange, yove lihunzi lya ku mbwela, shulisamo na lihunzi lya lwengo lwaluvwa. Muka-cizemo cange aije mu citungu cendi nakulya vushuka vwamwo vwavuvwa.

Myaso ya Solomoni 6:2

Muka-cizemo cange nai ku citungu cendi, kuje kwamena vishani vyakunika lwengo. Alinakulisa vutanga vwa vimanga vendi mu citungu, nakukungulula man̄anda.

Myaso ya Solomoni 8:13

Yove uli mu citungu, vakweni valinakuvandamena ngeci vazive lijwi lyove, nange njishaka ngeci njizive lijwi lyove.

Isaya 53:1

Vanu vakumbulula ngwavo, “Iyajo asa kukulaela muzimbu wetu? Iyajo namono nzili ya Shukulu Kalunga mu vyuma evi?

Isaya 53:10

Shukulu Kalunga alinakwendeka ngwendi, “Eci capwile cizango cange ngeci ayande, kutsa kwendi kwapwile n̄ombelo yakunena kusambesa. Ngamba yange akayoya simbu yoshe nakumona vatekulwila vendi, co muli ikeye vutumbe vwange vukaya kulutwe.

Isaya 58:11

Co simbu yoshe njikamitwamenena nakumyana vyuma vyavivwa. Njikaminyunga mwamuvwa nakumitakamesa. Mukafwa ngwe lihya lije lili na mema amangi, ngwe lisima lya mema a kavwelu-vwelu lije kulyesi kuma cau.

Isaya 61:11

Mwa vushunga ngwe vimbuto vilinakumena nakukola, Shukulu Kalunga wa Akamwa ya Vyoshe akaamena vanu vendi, co miyati ya vanu voshe vakamushangazala.

Isaya 9:7

Nzili yendi ikakola mbe, co vumwene vwendi vukapwa vwa kwoloka simbu yoshe. Ikeye akainga ali Mwene Ndaviti. Akakolesa nzili yendi a mashiko a vushunga, kutunda ololo nakweta ku shongo. Shukulu Kalunga Muka-nzili yoshe akamona ngeci vyuma vyoshe evi vinapande kulingiwa.

Njelemiya 31:12

Vakaija nakwimba mwaso wakujolela a Munkinda wa Siyone, co vakavwaelela na vwana vwange, vwana vwa vimbuto na vinyu, na mazi a olive, vwana vwa vimanga na vingombe. Vakafwa ngwe lihya lyakutukumwina mema mwamuvwa, vakakala na vyuma vyoshe vije vivashaka.

Ezekiyele 31:6

Miyati yoshe ya tuzila vatungilileko mashwa ku minango yawo, co tusitu vasemenenemo vana vavo mu munzinze wawo. Miyati yoshe ya mu kaye yahwiminine mu munzinze wawo.

Ndanyele 4:12

Maputa awo apwile amavwa, co wemine vushuka vwavungi vuje vwapwilemo mukuvulya kuli munu woshe wa ano asi. Tusitu vahwiminine mu munzinze wawo, co tuzila vatungilile mashwa avo ku minango yawo, co cuma coshe cakuyoya ca ano asi calile ku vushuka vwawo.

Ndanyele 4:21

Maputa awo apwile amavwa, co lalo wakele na vushuka vwavungi vwakulisa kaye koshe. Tusitu vahwiminine mwisi yawo, na tuzila vatungilile mashwa avo ku minango yawo.

Zakaliya 2:11

A simbu ije miyati ya vanu vavangi vakaija kuli Shukulu Kalunga, co vakapwa vanu vendi. Co akakala akati keni, co mukazivuka ngeci kuma ikeye nanjitumu kuli yeni.

Mateo 17:20

Yesu wavalekele ngwendi, “Omwo kukulaela kweni kwakundondo. Mwa vushunga njimileka ngwange nga kukulaela kweni kunapu kwakama ngwe kanona ka mbuto ya musalata, mwasa kwendeka ku munkinda ngweni, ‘Tunda kuno, ya kuje.’ Co ukaya, co nga nacimo cai cimukonwa!

Mako 4:30

Co Yesu wehwile ngwendi, “Vumwene vwa Njambi tukavwesekesa na vika? Nambe tukavulumbununa na cisimo muka?

Luka 17:6

Mwene wavakumbulwile ngwendi, “Nga mwakele nakukulaela kwakama ngwe mbuto ya musalata, ngwe mwasa kwendeka ku muti ou wa mukuyu ngweni, ‘Tukuka ukashimbame mu mema a kalunga!’ Co ukewo umyononoka.

Vilinga vya Miluwa 2:41

Vavangi vavo vakulaelele muzimbu wa Petulu, co vavambwitikile, ku litangwa lije vawezeleleleko vanu vakupwa 3,000 ku mbunga ya vaka-kukulaela.

Vilinga vya Miluwa 21:20

Co omo vazivile evi, voshe vashangazalele Njambi. Co vendekele ngwavo, “Ndolome yetu Paulu, wasa kumona vaYunda vavangi-vangi vanapu vaka-kukulaela ololo, co vakevo lalo vanalikutiiya ku Lishiko.

Vilinga vya Miluwa 4:4

Oloni vavangi vaje vazivile lijwi vakulaelele, co vungi vwa vanalume vapwile 5,000.

Loma 15:19

na nzili ya vizivukiso na vikomokeso, na nzili ya Munzinzime wa Njambi. Ngecivene, mukwenda kutunda ku Yelusalema nakweta ku Ilikyume, njinamanesa kwambulula Vin̄anda Vyaviwa vya Kilistu.

Kujombolola 11:15

Asinoni kangelo wamucitanu na vavali wembile lupembo lwendi, co kwakele majwi akama mwilu endekele ngwawo, “Nzili yakushwana kaye ololo inakundama kuli Mwene yetu na Wakuvwavesa wendi, co akashwana myaka yoshe!”