Luka 12:48 - Livulu lya Shukulu Kalunga

⁴⁸ Oloni ngamba uje kazivuka vyashaka shukulu yendi, co alinga vije kuvyamupandele vakamupupa makote amandondo. Woshe uje ivanaana vyavingi kuli ikeye lalo vakatonda vyavingi, co kuli uje ivanasezela vyavingi ikeye lalo vakamwihula vyavingi.

Luka 12:48 Iomraidhean Croise

VaLevi 5:17

“Nga munu akalinga vuvi kujeneka kuzivuka, co apokola lishiko limo lya mashiko a Shukulu Kalunga, ikeye ali na mulonga, co ngongo yendi vavenya.

Kulava 15:27

“Nga munu alingila vuvi ku nzimba, co ikeye akakombelele muna membe wa lwavo wa mwaka umolika kupwa n̄ombelo ya a vuvi.

Mateo 13:12

Omwo munu woshe alinavyo vakamuwezelela vikwavo lalo, co akakala na vyavingi, oloni uje kesi navyo, nameme cije alinaco vakamunyekaco.

Mateo 23:14

Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukakwisa vifwile nakuvevila vinjuvo vyavo, co mukalimwesa ku vanu akulombela malombelo amalaja. Omwo a vyoshe evi, cihiso ceni cikapwa cakama manene.

Luka 12:41

Petulu wendekele kuli Yesu ngwendi, “Mwene, eci cisimo unacitela yetu lika indi na vanu voshe?”

Luka 12:49

“Njezile nakushwameka tuhya ano asi, njishaka nga tunashwama laja!

Luka 16:2

co shukulu yendi wamusanene nakumwihula ngwendi, ‘Vika evi njinazivi ali yove? Njane vukaleo vwa vyuma vyoshe vya vufuko vwange, omwo kuukapu lalo katumwa kange.’

Yowano 15:22

Nga kunjezile nakwendeka kuli vakevo ngwe kuvakele na mulonga wa vuvi, oloni kuvasa kulyola malambi a vuvi vwavo.

Vilinga vya Miluwa 17:30

Njambi watetelele vanu omo vakele ku nzimba, oloni ololo alinakushika vanu voshe kwoshe-ikwoshe ngeci vatenguluke ku vilinga vyavo vyavivi.

Kwituluka mu Mashiko 25:2

Co nga lyaako ashika kupupa uje muka-mulonga, co vanapande kumuvulumanesa ku mesho a lyaako nakumupupa makote ngwe ku mulonga wendi.

1 Timateo 1:11

Kulongesa oku tuciwana mu lijwi lije livanjikundikile mukulyambulula, Vin̄anda Vyavivwa vyakutunda kuli Njambi wa vumpau nakuvezika.

1 Timateo 1:13

nambe akulivanga njendekele vyuma vyavivi ali ikeye nakumupakesa nakumushaula. Oloni Njambi wanjizivilileko mema ku mbunge omwo te kanda njikulaele, co kunjazivukile cuma muka cije njakele nakulinga.

1 Timateo 6:20

Ove Timateo, nyunga mwamuvwa vije vanakundika ku vunyungi vwove. Ongoloka visimutwiya vyangoco vya vu Njambi na vimata vya vulema vije vamo vanu vavitumbula mu ngila kesi ikeyo ngwavo “Mana.”

Tito 1:3

co wausholwele a simbu yaivwa mu lijwi lyendi. Eci vanjikundikileco yange, co njicambulula akushika kwa Njambi Muyosesi wetu.

Yakomba 3:1

Vasamba vange, kucapandele muvavangi mupwe mu valongisi. Omwo mwazivuka ngweni yetu valongisi vakatusompa manene na vukalu kutuvakana veka.