Luka 12:42 - Livulu lya Shukulu Kalunga

⁴² Co Mwene wamukumbulwile ngwendi, “Iya napu ngamba wa kulongwa nakunyanyama? Ikeye uje shukulu yendi namusezela kunyunga njuvo yendi, nakwana vyakulya kuli vakwavo vangamba a simbu yaivwa.

Luka 12:42 Iomraidhean Croise

Kutuuka 36:4

Asinoni vanalume vatongwe vaje vakele nakupanga vipangi vezile

Visimo 12:8

Munu muka-mana vakamushangazala, oloni cilema vakamukenga na shwamwa.

Visimo 15:23

Kukumbulula cihula a simbu yaivwa, kunenela vanu kuvwaelela.

Visimo 27:18

Uje avwaesa muti wa mukuyu, akalya vushuka vwawo, na munu lalo uje ononoka Shukulu Kalunga kendi, vakamusingimika.

Visimo 31:15

Enduka omo kanda litangwa lituuke, mukuvwaesela naanga yendi vyakulya, nakuleka vangamba vendi va vambanda vije vivanapande kupanga.

Isaya 50:4

Shukulu Kalunga wa Akamwa ya Vyoshe nanjilongesa vije vyakwendeka, ngeci njase kutakamesa vaje vanajuka. A mutondo na mutondo akanjiindula ngeci njizive vije vyanjilongesa.

Njelemiya 23:4

Njikemika vaka-kushwana ngeci vavanyunge. Vanu vange kuvakazivi lalo lyova nambe kutewa, co naumo wai akazimbalao lalo. Yange Kalunga, njinendekamo.”

Ezekiyele 34:3

Yeni munwa mavele, nakuzala vuzalo vwa maka a vimanga, mutsiya nakulya vimanga vavavwa vakununa. Oloni kumwesi kunyunga vimanga.

Mateo 13:52

Co wavakumbulwile ngwendi, “Ngecivene, mulongisi woshe wa majwi a Lishiko, uje ivanalongesa vya Vumwene vwa mwilu nalifu ngwe vavenya njuvo atuwisa vyuma vyendi vyaviha nevi vyalaja mu mulili wendi wakutulikila.”

Mateo 20:8

“Co omo vetele ku cingwezi, vavenya lihya walekele muka-kutwamenena vaka-vipangi ngwendi, ‘Sana vaka-vipangi uvane fweto yavo, shangumukila kuli vaka-kukotokela nakutwala kuli vaka-kulivanga.’

Luka 12:43

Navezika ngamba uje omo shukulu yendi akaija, co akumuwana alinakulinga ngeci.

Luka 7:13

Omo Mwene wamumwene, co wamuzivilileko mema ku mbunge, co wendekele kuli ikeye ngwendi, “Kesi ulile.”

Luka 7:19

wavatumine kuli Mwene nakumwihula ngwavo, “Yove vene uje yatumbwile Yowano ngwendi akaija, indi tuvandamene weka lalo?”

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

1 Timateo 3:15

Oloni nga njishwala, ou mukanda ukewo wakumileka ngeci muzivuke vati futisi yetu inapande kupwa ku vanu mu naanga ya Njambi, ikeyo cikungulukilo ca Njambi wakuyoya, manda na vwimaneno vwa vushunga.

1 Timateo 5:17

Vakulunu vaje valinakupanga mwamuvwa ngwe vantwama vanapande kuvayongola na kasingimiko kakama, vunene kuli vaje valinakuundangana mukwambulula nakulongesa.

2 Timateo 4:2

ambulula lijwi, kakateya akwendeka nambe a simbu yaivwa nambe kesi a simbu yaivwa, vayesa, endekela na mukutakamesa, longesa na lukakateya lwoshe.

Tito 1:7

Omwo ntwama wa cikungulukilo napu kanyungi ka vipangi vya Njambi, napande kupwa wakujeneka mulonga. Kapandele kupwa muka-kulyalesa nambe muka-kuluvala vwasi, nambe muka-kupenda, nambe muka-lwozi, nambe muka-cipululu ku vimbongo,

VaHevelu 13:17

Ononokeni vantwama veni nakukava mashiko avo. Vakevo valinakuminyungilako myonyo yeni kujeneka kuhwima, omwo vanapande kulyambulwila vipangi vyavo kuli Njambi. Nga yeni muvononoka, co vakalinga vipangi vyavo nakujolela, nga kesi ngoco, co vakavilinga nakuviilila, co nacimo cai cikamikwasa.

VaHevelu 13:7

Anukeni vantwama veni va ku san̄ulu, vaje vamilekele lijwi lya Njambi. Yongoleni vya kunima vati vakevo vayoyele na kutsa, co tembunwineni kukukulaela kwavo.

VaHevelu 3:5

Mosesa wapwile wa kulongwa mu njuvo ya Njambi ngwe ngamba, co wendekele vyuma vije vyakendeka Njambi kulutwe.

1 Petulu 4:10

Umo na umo, ngwe muka-kupangesa mwamuvwa vwana vwa Njambi vwakuliseza-seza, napande kupangesa vwana vwendi vwanatambula kuli Njambi mukukwasa vakwavo veka.