Luka 12:4 - Livulu lya Shukulu Kalunga

⁴ “Njimileka vasamba vange ngwange, kesi muzivile lyova vaje vatsiya muvila, oloni kutundao nacimo vasa kulinga cai.

Luka 12:4 Iomraidhean Croise

Visimo 29:25

Kuzivila vanu lyova kunapu kulitela nganjo yove vavenya, oloni nga ukulaela kuli Shukulu Kalunga ukovoka.

Myaso ya Solomoni 5:1

Njinaija mu citungu cange, ndokazi yange, shombolwa yange. Njilinakukungulula miila na malimangango, njinali vuki vwange, na ngenga yange ya vuki, njinanu vinyu vyange na mavele ange. Vaka-cizemo, lyeni nakunwa noo munapwisamo na cizemo!

Myaso ya Solomoni 5:16

Kwendeka kwendi kwakuvwa manene, co ikeye napu wamuvwa mu vyuma vyoshe. Yeni vanakazi va mu Yelusalema, ou ikeye muka-cizemo cange, ikeye musamba wange.

Isaya 41:8

“Oloni yove, Isalele ngamba yange, yeni mwapwa muyati uje unjaangwile, vatekulwila va musamba wange Avilahama.

Njelemiya 1:17

Ngecivene, Njelemiya, katuka uye, ya ukavaleke vyuma vyoshe vije vinjikushika. Kesi uvazivile lyova embwe, nga uziva lyova ni, co njikakuzivisa manene lyova ku mesho avo.

Njelemiya 1:8

Kesi uvazivile lyova embwe, omwo yange njikakala nove nakukunyunga. Yange Kalunga, njinendekamo!”

Njelemiya 41:18

Vazivile lyova lya vaMbambilone omwo Ishimela watsiile Ngendaliya, uje yapwisile nguvulu wa mu Mbambilone mwene wa lifuti.

Ezekiyele 2:6

“Oloni yove, muna munu, kuwapandele kuvazivila lyova nambe kuziva lyova lya vije vendeka. Vakevo vakakuleulula nakukuyeluwisa, cikapwa ngwe ulinakukala akati ka manyewe. Nameme ngoco, kesi ukazive lyova lya vaje vaka-kunjitengulukila nambe kuziva lyova lya vije vendeka.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Yowano 15:13

Cizemo cakama manene kutuvakana eci munu asa kukala naco ali vavusamba vendi cikeco kutula mwonyo wendi ali vakevo.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 4:13

Vaka-Munga vakomokele omo vamwene kusimpa kwa Petulu na Yowano nomu vavamwene ngeci vapwile vanu vangoco vakujeneka kulilongesa. Co vavanongonwene ngeci vakevo vakele amo na Yesu.

Filipu 1:28

Kesi mukale na lyova lya vitozi veni, oloni simpeni simbu yoshe, eci cikavasholwela vukaleo ngeci vakevo kuvakahyana oloni yeni mukahyana, omwo Njambi ikeye akamihyanesa.

Yakomba 2:23

Co Visoneka vyapwile vya vushunga vije vyendekele ngwavyo, “Avilahama wakulaelele Njambi, co omwo akukulaela kwendi Njambi wamulaveleleco kupwa vushunga.” Co Avilahama vamutumbwile musamba wa Njambi.

1 Petulu 3:14

Oloni nambe nga muyanda mukulinga vije vya vushunga, co vwaeleleni! Kesi muzivile lyova munu umo, co kesi mulishoshomwene.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.