Luka 12:20 - Livulu lya Shukulu Kalunga

²⁰ Oloni Njambi wendekele kuli ikeye ngwendi, ‘Ove cilema! Vutsiki vuno vene vakatambula mwonyo wove, co vyoshe evi unalitulikila yove vavenya vikapwa vyeya?’ ”

Luka 12:20 Iomraidhean Croise

Esita 5:11

Co walishashele kuli vakevo a vufuko vwakele navwo, na vana vangai wakele navo, na ngila ije vamujundwile nayo kuli mwene kupwa wakama, na vukama vuje vwakele navwo kutuvakana vamyata vakwavo.

Yombi 27:8

Cinyangavili mukajo valinaco vaka-vuvi, a simbu ije omo Njambi atundisa myonyo yavo?

Myaso 39:6

unapu wangoco ngwe munzinze, vyoshe vije vyalinga munu vinapu vyangoco, ikeye akakungulula vufuko oloni kazivuka ngeci vukapwa vweyajo!

Myaso 49:10

Munu woshe namono ngeci nameme vanu vakunyanyama vatsa, amolika na vikolokomba na vilema. Voshe valinakuseza vufuko vwavo ku vatekulwila vavo.

Myaso 73:19

Vakaziva lyova lyakama, vakavanyongesa voshe njwa naumo wai akasalao.

Myaso 78:30

Oloni omo lishungu lyavo lyakulya kanda lihwe,

Visimo 10:2

Vufuko vwakuwana mu ngila yaivi kuvwesi na seo, oloni kulongwa kwamena mwonyo wove.

Visimo 11:4

Vufuko vukapwa vwangoco a litangwa lyove lya kutsa, oloni kulongwa kwasa kwamena mwonyo wove.

Visimo 13:7

Vanu vamo vakalipwisa ngwe vaka-kufuka, oloni kuvesi na vufuko, co vamo vakalipwisa ngwe vaka-kuutwa, oloni vali na vufuko vwavungi.

Visimo 27:1

Kesi ulyalesele a imene, omwo kuwasa kuzivuka vije vikasholoka mukati ka lelo na imene.

Visimo 28:8

Uje awezelela vufuko vwendi na kakondweso, nakutambula vya munu mu ngila yalinyanyamena, co vufuko vwove vukaya kuli uje ali na ngozi na tuutu.

Isaya 56:12

Vendeka ku umo na mukwavo ngwavo, ‘Twambateni vinyu tunwe ngwe mutunashakela! Co imene tukalinga lalo ngwe mutuli nakulinga lelo!’ ”

Njelemiya 17:11

Uje awana vufuko mu ngila yaivi, nalifu ngwe kazila atetula mavunda kesi endi. A simbu ya mutanya ya matangwa akuyoya kwendi akavuzimbalesa, co ku mamaneselelo akapwa cilema.

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Nahumi 1:10

Yeni vaka-kupenda vakamyenyeka ngwe mambimbo akulizenga-zenga na vishati vyakuma!

Luka 11:40

Eni vilema! Kuma kesi Njambi watangele vya anja ikeye lalo watangele vya mukati ndi?

1 Tesalonika 5:3

Omo vanu vendeka ngwavo, “Vyuma vyoshe vili mwamuvwa kunoloka kuluu,” asinoni vwasi-vwasi kunyonga kuvawana! Kukaija vwasi-vwasi ngwe mushongo ali munakazi ashaka kukita, co vanu kuvakasa kuputumuka.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Timateo 6:7

Vikajo twezile navyo muno mu kaye? Nacimo cai! Cuma mukajo tukambata ano a kaye? Nacimo cai!

Yakomba 4:14

Yeni kumwazivukile ngweni mwonyo weni ukafwa vati ku litangwa lya imene! Omwo yeni munapu ngwe mbundu, ije isholoka kasimbu kakandondo lika, co inyonga.