Luka 12:19 - Livulu lya Shukulu Kalunga

¹⁹ Cooni njikendeka ngwange, njinavezika! Njili na vyuma vyavingi vije vinjetesa ku myaka ya kulutwe. Njinapande kuhwima nakulya nakunwa nakujolela!’

Luka 12:19 Iomraidhean Croise

Yombi 14:1

“Munu woshe wakusemuka ku munakazi, matangwa endi apwa amandondo, ashula na tuyando.

Myaso 49:18

Nameme munu napwisamo nakuvwaelela mukuyoya kwa cifwa eci, nakumushangazala omwo alinakuya kulutwe,

Myaso 62:10

Kesi mukulaele mu vyuma vya vupapoki, kesi mukulaele akuwana vyuma mu ngila ya vwizi embwe, nameme kukulaela mu vufuko vwavungi.

Visimo 10:2

Vufuko vwakuwana mu ngila yaivi kuvwesi na seo, oloni kulongwa kwamena mwonyo wove.

Visimo 14:24

Vaka-mana vakatambula cikandelela ca vufuko, oloni vilema vakavazivukila a vulema vwavo.

Visimo 18:11

Vaka-kufuka vakayongola ngeci, vufuko vwavo vwasa kuvanyunga ngwe civumbe cacilaja cakukola cakuzengeleka nganda.

Visimo 23:5

Vimbongo vyove vyasa kuhwa vwasi-vwasi, vyasa kupulula ngwe mwakapulula ngonga.

Visimo 27:1

Kesi ulyalesele a imene, omwo kuwasa kuzivuka vije vikasholoka mukati ka lelo na imene.

Muka-kwambulula 11:9

Vakwenje vwaeleleni a vukwenje vweni, pweni vaka-kuvwaelela simbu mucili mu vakwenje. Lingeni vyoshe vimushaka kulinga, co kaveni mashungu a vimbunge vyeni. Oloni anukeni ngweni, Njambi akamisompa a vije vyoshe vimulinakulinga.

Muka-kwambulula 2:24

Kukwesi cuma cacivwa ku munu cije cinatuvakana kulya, nakunwa, nakukala mwamuvwa mu vipangi vyendi. Njazivukile ngeci vyuma evi vinapu vwana vwakutunda kuli Njambi.

Isaya 22:13

Oloni yeni mwavwaelelele, co mwalisambele. Mwatsiile vimanga na vingombe, co mwalile nakunwa vinyu. Mwendekele ngweni, “Tunapande kulya nakunwa! Imene tutsa.”

Isaya 5:11

Ngongo yeni! Yeni mumenekela kunwa vwala mutondo-tondo, co mupenda vutsiki vwoshe.

Isaya 5:8

Ngongo yeni! Mulinakulanda vinjuvo vyavingi na mahya ngeci muwezelele ku vije mulinavyo laja. Co kukukakala lalo mutambela wakutungila vanu, co mukakala mu lifuti eni lika.

Isaya 56:12

Vendeka ku umo na mukwavo ngwavo, ‘Twambateni vinyu tunwe ngwe mutunashakela! Co imene tukalinga lalo ngwe mutuli nakulinga lelo!’ ”

Hoziya 12:8

Vendeka ngwavo, ‘Tunapu vaka-kufuka. Tunavezika. Co naumo wai akatwana mulonga a vufuko ovu vwoshe tunawana mu ngila ya makuli.’

Amose 6:13

Yeni mulinakulishasha akufunguluka kwa nganda ya Londembale. Mulishasha ngweni, “Twapwile tu vaka-nzili ngeci twafungulwile Kalenaime.”

Hambakuke 1:16

Vakalemesa manimbwa avo nakuwakombelela vin̄ombelo ngwe vinjambi, omwo manimbwa avo akavapangela cipangi cacivwa.

Luka 12:18

Co wendekele ngwendi, ‘Njikalinga ngeci, njikapapulula vishete vyange, co njikatunga vyakama, ngeci njikalongemo vimbuto vyange vyoshe na vufuko vwange.

Luka 16:19

“Kwakele munalume umo muka-kufuka wazalele vuzalo vwavuvwa vwa ndando yakama, co walile vyakutovala a litangwa na litangwa.

Luka 21:34

“Nyanyameni! Kesi mushote manene vimbunge vyeni akulya na akunwa na a vishoti vya mwonyo ou, kutewa Litangwa lije likamikasumuna ngwe muukamwashuka mweto.

1 Kolinte 15:32

Vika njiwanao, nga njendeka vya ku cisemwa ca vanu ngwange njalwile na tusitu muno mu Efeso? Nga cili vatsi kuvasangukila ku mwonyo, co ngwe muvyaya vyendeka ngwavyo, “Tulyeni nakunwa, omwo imene tutsa.”

Filipu 3:19

Vakevo valinakuya ku mbulu ya tuhya, omwo njambi yavo napu mashungu a mivila yavo. Vakevo valyalesa na vyuma vije vyapandele kuvazivisa shwamwa, co valinakuyongola lika vyuma vyakundama ku vije vili ano asi.

1 Timateo 5:6

Oloni fwile uje alyana ikeye vavenya mu senga yangoco natsi laja, nambe alinakuyoya.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

2 Timateo 3:4

vakapwa vaka-kuluwanganya, vakakulupozoka kwendeka, vaka-kushula na kulyalesa, vakakuzema manene senga kutuvakana kuzema Njambi,

Yakomba 5:5

Kuyoya kweni kwa ano asi kunapu kwa mbwase nakuvwaelela. Munalinunisa yeni vavenya ku litangwa lyakumitsiya.

1 Petulu 4:3

Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.

Kujombolola 18:7

Mumweseni manene n̄avava na tuyando ngwe muje mwalyanene ikeye vavenya vumpau nakujolelala. Omwo alinakulyendekesa ikeye vavenya ngwendi, ‘Njinatumbama ngwe nji vamwene! Kesi nji fwile embwe, kunjikazivi vusiwa!’

1 Samwele 30:16

Co watwalele Ndaviti kuli vakevo, vawanene vaje vitozi vanashandokela mu mitambela mwoshe, nakulya, nakunwa, nakulisamba a vyuma vije vapukwile nakufungulula mu lifuti lya vaFilisitiya na Yunda.