Luka 12:17 - Livulu lya Shukulu Kalunga

¹⁷ Co wayongwele mu mbunge yendi ngwendi, ‘Kunjesi noku kwakutulikila vimbuto vyange vyoshe. Vati njilinga?’

Luka 12:17 Iomraidhean Croise

Muka-kwambulula 11:2

Aka vyove vije ulinavyo mu mitambela yakuliseza-seza, omwo kuuzivuka litangwa lije tuyando tukwizila.

Isaya 58:7

Lipangeleni vyakulya vyeni na vaje vali na njala, co shokolweleni tuutu na vaka-kuyanda ku vinjuvo vyeni. Aneni vuzalo kuli vaje vanajeneka vyakuzala, co kesi muvyane kukwasa vavushoko vweni.

Mateo 16:7

Co vashangumukile kulikanangana akati kavo ngwavo, “Alinakwendeka evi omwo kutwambatele makende.”

Mateo 5:42

Woshe akulomba mwane kesi umumine, co nga munu ashaka kukumuna cuma kuli yove, mwaneco kesi umumine embwe.

Luka 10:25

Mulongisi wa majwi a Lishiko wezile nakweseka Yesu wehwile ngwendi, “Mulongisi, vika njinapande kulinga ngeci njitambule mwonyo wa myaka yoshe?”

Luka 11:41

Oloni aneni vili mu vinganja vyeni na mu malonga eni kuli tuutu, co vyuma vyoshe vikapwa vyakujela kuli yeni.

Luka 12:16

Ngecivene, Yesu wavatelelele cisimo eci ngwendi, “Kwakele munalume umo wakufuka wakele na lihya lyendi muje mwenine vimbuto vyavingi.

Luka 12:18

Co wendekele ngwendi, ‘Njikalinga ngeci, njikapapulula vishete vyange, co njikatunga vyakama, ngeci njikalongemo vimbuto vyange vyoshe na vufuko vwange.

Luka 12:22

Asinoni Yesu wendekele kuli vandongisi vendi ngwendi, “Njimileka ngwange, kesi mulishoshomwene akuyoya kweni, ngweni tukalya vika, nambe vya mivila yeni ngweni, tukazala vika.

Luka 12:29

“Ngecivene, kesi mulishoshomwene ngweni, ‘Tukalya vika?’ Nambe ‘Tukanwa vika’?

Luka 12:33

Landeseni vyoshe mulinavyo, co aneni vimbongo kuli vaka-kuutwa. Litongeleni vinkombe vije kuvyesi kutuvika, co litulikileni vufuko mwilu, kuje kuvwasa kutepuluka, omwo mwizi kasa kukovelamo, nambe tunembulu kuvasa kuvuviisa.

Luka 16:3

Cooni uje katumwa waliyongwele mu mbunge yendi ngwendi, ‘Ou shukulu yange anjitundisa ku vipangi vyange. Vationi njilinga? Yange kunjesi na nzili yakulima, co lalo njikazivi shwamwa yakulomba-lomba.

Luka 16:9

Yesu watwaleleo kwendeka ngwendi, “Njimileka ngwange, kwateni vusamba na vufuko vwa ano a kaye, ngeci omo vukahwa, co vakamitambula mwamuvwa mu limbo lije lya myaka yoshe.

Luka 18:22

Omo Yesu wazivile evi, wendekele kuli ikeye ngwendi, “Kunalitulu cuma cimo ciwunapande kulinga. Ya ukalandese vyoshe ulinavyo ukaane vimbongo ku tuutu, co ukakala na vufuko mwilu, asinoni wije unjikave.”

Luka 19:17

Co wendekele kuli ikeye ngwendi, ‘Unalingi mwamuvwa manene, u ngamba wamuvwa! Omwo walongwele mu vyuma vyavindondo, ngecivene, njikakupwisa muka-kutwamenena vinganda likumi.’

Luka 3:11

Wavakumbulwile ngwendi, “Ou ali na vikoveyo vivali aaneko cimo uje kesi naco, co ou ali na vyakulya aaneko vakwavo.”

Vilinga vya Miluwa 16:30

Asinoni wavatuwile anja wavehwile ngwendi, “Mwane, vikajo njinapande kulinga ngeci njovoke?”

Vilinga vya Miluwa 2:37

Omo vanu vazivile evi, vazivile mu vimbunge vyavo longoto, co vendekele kuli Petulu na kuli miluwa vakwavo ngwavo, “Eni vakwetu, tunapande kulinga vika?”

Loma 12:13

Lipangeleni vije mulinavyo na vakweni vaka-Yesu vaje vanajeneka, co tambuleni vangenzi mu vinjuvo vyeni.

1 Timateo 6:17

Shika vaje vanafuku mu vyuma vya mwonyo ou ngeci kesi valyalese, oloni vaake cinyangavili cavo, kesi mu vyuma vya cifwa ca vufuko, oloni muli Njambi, uje muka-kushemutwisa vyuma vyoshe kuli yetu ngeci tuvivwaelele.

1 Yowano 3:16

Omu mukemwo twazivuka vati cizemo mucafwa, Kilistu wecelele mwonyo wendi ali yetu. Ngecivene, netu lalo tunapande kwecelela myonyo yetu ali vakwetu!