Luka 11:9 - Livulu lya Shukulu Kalunga

⁹ Ngecivene, njimileka ngwange, lombeni, co mukatambula, seteleni, co mukawana, toteni, co vakamishokolwela.

Luka 11:9 Iomraidhean Croise

Myaso 118:5

Omo njakele mu tuyando, njatambekele kuli Shukulu Kalunga, co wanjikumbulwile nakunjipatula.

Myaso 27:4

Njehwile Shukulu Kalunga cuma cimolika, cuma cimolika cinjishaka, kukala mu Njuvo ya Shukulu Kalunga simbu yoshe ya mwonyo wange, ngeci njimone vuvwa vwendi, nakumulomba ngeci anjitwamenene.

Myaso 27:8

Omo wendekele ngwove, “Ija unjilemese,” co njakumbulwile ngwange, “Njiija, Shukulu Kalunga,

Myaso 34:10

Vana va vindumba vajeneka vyakulya, co vaziva njala, oloni vaje valemesa Shukulu Kalunga kuvakajeneka cuma cacivwa nacimo cai.

Myaso 34:4

Njalombelele kuli Shukulu Kalunga, co wanjikumbulwile, ikeye wanjipatwile ku lyova lyange lyoshe.

Myaso 50:15

Tambekeni kuli yange a litangwa lya tuyando, co njikamyamena, co mukanjishangazala.”

Myaso ya Solomoni 5:6

Njashokolwelele muka-cizemo cange, oloni kumuwana nai laja. Njashakele manene kuziva lijwi lyendi! Njamushakezekele, oloni kunjamuwanene, njamusanene, oloni kanjitavele.

Isaya 45:19

Kunjendekele mu vushweke embwe, nambe kushweka vutumbe vwange. Kunjashakele vanu va Isalele ngeci vanjishakezeke mu vingundu vyangoco embwe. Yange njapwa Kalunga, muka-kwendeka vushunga, njizivuka vyuma vije vinapu vya vushunga.”

Njelemiya 29:12

Asinoni mukatambeka kuli yange. Co mukaija nakulomba kuli yange, njikamikumbulula.

Njelemiya 33:3

Njihule, co njikakukumbulula, nakukuleka vyuma vyakama vyakukomokesa.

Ndanyele 9:3

Co njalombelele manene kuli Shukulu Kalunga Njambi, nakulambelela kuli ikeye, nakulikela kulya, co njazalele cikeleya, nakutumbama mu lito.

Mateo 21:22

Nga mukulaela mukatambula vyuma vyoshe vimukalomba.”

Mateo 21:31

Iyajo akati kaava vanu vavali walingile cizango ca ishavo?” Vamukumbulwile ngwavo, “Uje mwana wa mukulunu.” Ngecivene, Yesu wendekele kuli vakevo ngwendi, “Mwa vushunga njimileka ngwange, vaka-kutambula lisimu na vikwizi vakalivanga kukovela mu Vumwene vwa Njambi, yeni mukakotokela.

Mateo 6:29

Oloni njimileka ngwange, nameme Mwene Solomoni mu vufuko vwendi vwoshe kazalele vuzalo vwavuvwa ngwe vwa vishani evi.

Mako 11:24

Ngecivene, omwo a cuma eci njimileka ngwange, omo mulomba cuma, kulaeleni ngeci munacitambula, co vyoshe mulomba vakamyanavyo.

Mako 13:37

Co evi njendeka kuli yeni, asinoni njilinakuvyendeka kuli voshe ngwange, kengeleleni!”

Luka 11:10

Omwo woshe alomba atambula, co woshe asetela awana, co woshe atota vakamushokolwela.

Yowano 14:13

Co njikalinga cuma coshe-icoshe cije cimukalomba mu lizina lyange, ngeci vumpau vwa Tate vukasholoke ali Mwana.

Yowano 15:16

Kesi yeni mwanjangwile embwe, oloni yange njamyangwile nakumituma ngeci muye nakwima vushuka vwavungi, vushuka vuje vwa ku myaka yoshe. Ngecivene, cuma coshe mukalomba kuli Tate mu lizina lyange ikeye akamyanaco.

Yowano 15:7

Nga mukala muli yange na majwi ange akala muli yeni, cuma coshe cimulomba mukacitambula.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Loma 2:7

Vamo vanu valinakulinga mwamuvwa nakushakezeka vumpau na kasingimiko na mwonyo wa myaka yoshe, kuli vakevo Njambi akavana mwonyo wa myaka yoshe.

2 Kolinte 6:2

Tolilileni vika Njambi alinakwendeka ngwendi, “Njamitolililile mu simbu yange yaivwa, njamikwasele mu litangwa lyakwovoka.” Kengeni, eyi ikeyo simbu yaivwa, kengeni, lelo likelyo vene litangwa lyakwovoka!

VaHevelu 11:6

Naumo wai asa kuvwaelelesa Njambi akujeneka kukulaela, omwo uje aija kuli Njambi napande kukulaela ngeci Njambi kwali na ikeye muka-kwana cikandelela kuli vaje valinakumushakezeka.

VaHevelu 4:16

Ngecivene, tupweni vaka-kusimpa, akushwenya ku litanda lya Njambi, tukatambule mema ku mbunge na kutetela kuje akatukwasa omo tunajeneka.

Yakomba 1:5

Oloni nga kuli umo weni najeneka mana, alombe kuli Njambi, uje akamwanawo, omwo Njambi akana kuli vanu voshe nakushemutuka na kutetela.

Yakomba 5:15

Co kulomba oku mukukulaela kukovola uje muka-kuvinja, co Mwene akamukangwisa, nga ikeye nalingi vuvi, co vakamusambesa.

1 Yowano 3:22

Tukatambula kuli ikeye cuma coshe tumulomba, omwo tukononoka mashiko endi nakulinga vije vimuvwaelelesa.

Kujombolola 2:24

“Oloni vungi vweni muli mu Tiyatila kumwakavangeyeye vilongesa evi vyavivi, yeni kumwalilongesele vije vivanatumbula vakweni veka ngwavo, ‘cisin̄iko ca kulova ca Satana.’ Kunjikamitwiki citele ceka lalo.