Luka 11:4 - Livulu lya Shukulu Kalunga

⁴ Tusambese ku vivi vyetu, ngwe yetu lalo mutukasambesa vaka-kutuvulumwina. Kesi ututwamenene ku vyeseko.’ ”

Luka 11:4 Iomraidhean Croise

Kushangumuka 48:16

Kangelo, uje wanjipatwile kukuvulumuka kwoshe, avavezikise! Lizina lyange na lizina lya tate Avilahama na Isake liyoye ali vanike ava! Vakale na vana vavangi na vatekulwila vavangi!”

1 Vimyene 8:34

co vatolilile omo mwilu muuli. Sambesa vivi vya vanu vove nakuvelwisila lalo ku lifuti lije liwaanene kuli vakukulwila vavo.

1 Vimyene 8:36

co vatolilile omo mwilu muwakala. Sambesa vuvi vwa mwene na vwa vanu vendi va Isalele. Valongese kulinga vije vyavivwa. Cooni, Shukulu Kalunga, nyokesa nyonzi mu lifuti lyove, eli waanene kuli vanu vove kupwa vufuko vwa myaka yoshe.

Myaso 121:7

Shukulu Kalunga akakunyunga mwamuvwa ku vushonde vwoshe.

Myaso 25:11

Omwo a lizina lyove yove Shukulu Kalunga, njisambese ku vuvi vwange, omwo vwavungi manene.

Myaso 25:18

Yongola tuyando twange na n̄avava yange, co njisambese ku vuvi vwange vwoshe.

Ndanyele 9:19

Shukulu Kalunga, tuzive. Shukulu Kalunga, tusambese. Shukulu Kalunga, tutolilile, co panga vipangi vyove! Ngeci munu woshe akazivuke ngwendi yove wapwa Njambi, kesi wishwale embwe! Nganda eyi yapwa yove na vanu ava vapwa vove.”

Hoziya 14:2

Ilukeni kuli Shukulu Kalunga, co taveni lilombelo eli kupwa n̄ombelo yeni kuli ikeye, “Tusambese ku vuvi vwetu vwoshe, nakutambula lilombelo lyetu, co yetu tukakushangazala ngwe muje twakukulaesele.

Mateo 18:35

Co Yesu wamanesele kwendeka ngwendi, “Mukemwo mwakalinga Tate wa mwilu ku munu woshe, nga kuusambesa mukweni na mbunge yove yoshe.”

Mateo 26:41

Toneni nakulombela kutewa mukovela mu vyeseko. Mbunge ishaka vene, oloni muvila unazeye.”

Luka 11:5

Yesu wendekele kuli vandongisi vendi ngwendi, “Iya akati keni ali na musamba wendi, co aya ku njuvo yendi akati ka vutsiki nakumuleka ngwendi, ‘Musamba, njilombako mikasha itatu ya makende.

Luka 13:4

Vati ali vaje vanu likumi na vatanu na vatatu mu Siloame vaje vatsile omo kaposhi kavawililile? Mwayongola ngweni vapwile vaka-vuvi kutuvakana vanu voshe vakwavo vaje vakele mu Yelusalema ndi?

Luka 22:46

Wendekele kuli vakevo ngwendi, “Omwo vika munalala? Indukeni mulombele, kutewa mukakovela mu vyeseko.”

Luka 8:13

Co vije vimbuto vyawililile a mamanya vinemanena vaje vaziva lijwi, co valitambula nakujolela, oloni kulyasa kukovela manene muli vakevo, vakulaela lika kasimbu, oloni omo vyeseko vija, co aje vene valikela.

Yowano 17:15

Kunjikulombo ngeci uvatundise ano a kaye embwe, oloni njikulomba ngwange uvanyunge kuli Citozi.

1 Kolinte 10:13

Vyeseko vyoshe vilinakwija kuli yeni vinapu ngwe vije vakeseka navyo vanu voshe. Oloni Njambi akanyungu cikulaeso cendi, co katava ngeci vamyeseke na vyeseko vyakutuvakana nzili yeni ngeci mwimane mbe, a simbu ije vamyeseka, ikeye akamyana nzili yakukolesa, co amisholwela ngila ngeci mwase kutundamo.

Kolose 3:13

Pweni vaka-kulimanena umo na mukwavo, co lisambeseni umo na mukwavo nga umo weni alinakulinyenga ali mukwavo. Munapande kulisambesa umo na mukwavo ngwe mwanamisambesa Mwene.

2 Tesalonika 3:3

Oloni Mwene ikeye wa kulongwa, co akamitakamesa nakuminyunga kuli uje Muka-vuvi.

2 Timateo 4:18

Mwene akanjamene ku vipangi vyoshe vyavivi, co akanjambata mu kwoloka kunjitwala ku Vumwene vwendi vwa Mwilu. Kuli ikeye kukale vumpau ku myaka na myaka! Ewa.

Yakomba 2:13

Omwo Njambi kakasholola kutetela kwendi omo asompa munu uje kesi kutetela vakwavo, oloni kutetela kukekwo kwakama kutuvakana kusompa.

Kujombolola 2:10

Kesi ulishoshomwene a n̄avava ije ukamona. Tolilila! Liyavola akamyaka mu ceseko mukwaka vamo veni mu kamenga, co tuyando tweni tukapwa twa matangwa likumi. Ngecivene, pwa muka-kulongwa kuli yange noo kutsa, co njikakwana cilongo ca mwonyo.

Kujombolola 3:10

Omwo unanyungu lijwi lyange nakupwa muka-kusimpa, co lalo njikakunyunga a simbu ya tuyando tuje tulinakwija mu kaye koshe nakweseka vanu voshe va ano asi.