Luka 11:35 - Livulu lya Shukulu Kalunga

³⁵ Ngecivene, zivuka ngwove ceke cili muli yove kesi cipwe lisusulungu.

Luka 11:35 Iomraidhean Croise

Visimo 16:25

Kuli ngila ije amona munu ngeci inapu ya vushunga, oloni mamaneselelo ayo inapu ngila ya kutsa.

Visimo 26:12

Cilema natuvakana munu uje aliyongola ikeye vavenya ngeci napu muka-mana kuma kesi nao.

Mateo 6:22

“Omwo mesho ove akewo anapu ngwe ndeya ya muvila wove. Ngecivene, nga mesho ove anapu amavwa, muvila wove woshe ukala na ceke.

Luka 11:34

Mesho ove akewo anapu ngwe ndeya ya muvila wove. Nga mesho ove anapu amavwa, co na muvila wove ukakala na ceke, oloni nga mesho ove anapu akutsisivala, co muvila wove uli mu lisusulungu.

Luka 11:36

Nga muvila wove woshe unashulu na ceke, co mutambela naumo wai uli mu lisusulungu, co woshe ukakala na ceke, ngwe omo ndeya itwa ceke ali yove.”

Loma 1:22

Vendeka ngwavo vanapu vaka-mana, oloni vanapu vilema,

2 Petulu 1:9

Oloni nga kumwesi navyo, munapu tupuputwa, kumwasa kumona, co munevala ngeci vanamijelesa ku vuvi vweni vwalaja.

2 Petulu 2:18

Vakevo vakendeka na kulyalesa na majwi a vulema, co vakapangesa mashungu amavi a muvila mukukwata vaje vashaka kuputumuka akati ka vanu vaje valinakuyoya mwamuvi.

Kujombolola 3:17

Omwo wendeka ngwove, ‘Yange nji muka-kufuka njapwisamo, vyoshe njitonda njilinavyo.’ Oloni yove kuuzivuka vuutu na tuyando ulinatwo! U kautu, uli na vuzu, co lalo u kapuputwa.