Luka 11:34 - Livulu lya Shukulu Kalunga

³⁴ Mesho ove akewo anapu ngwe ndeya ya muvila wove. Nga mesho ove anapu amavwa, co na muvila wove ukakala na ceke, oloni nga mesho ove anapu akutsisivala, co muvila wove uli mu lisusulungu.

Luka 11:34 Iomraidhean Croise

Kushangumuka 19:11

Asinoni vazivalesele mesho a vaje vanalume voshe vakele ku cikolo, vakwenje na vakulunu, ngeci kuvasele kuwana cikolo.

Myaso 119:18

Tonesa mesho ange, ngeci njimone vyuma vyakukomokesa vije vili mu mashiko ove.

Myaso 81:12

Ngecivene, njavatavele kulinga vizango vyavo.

Visimo 21:4

Vaka-vuvi valyalesa nakulyaka ku vukama, oloni evi vinapu vuvi.

Visimo 28:22

Vaka-muuka vashaka vwasi kufuka, kuvazivuka vuutu muvukavezila.

Isaya 29:10

Shukulu Kalunga namilalesa manene mu tulo. Vaka-kwimanena vakevo mesho a vanu, oloni Njambi nazivalesa mesho avo.

Isaya 42:19

Kwali umo kapuputwa natuvakana ngamba yange? Nambe kasinda-matwi uje natuvakana muluwa wange injatumu?

Isaya 44:18

Vanu va cifwa cangacije vapwa vilema manene, kuvazivuka vije valinakulinga. Vanashoko mesho avo na viyongola vyavo ku vyuma vya vushunga.

Isaya 5:20

Ngongo yeni! Yeni mutumbula vyavivi ngweni vyavivwa, co mutumbula vyavivwa ngweni vyavivi. Mutengulula lisusulungu kulipwisa mutanya, nakutengulula mutanya kuupwisa lisusulungu. Mutumbula vyakulula ngweni vipwelelela, co mutumbula vyakupwelelela ngweni vyakulula.

Isaya 6:10

Asinoni wendekele kuli yange ngwendi, “Tengulula mana ava vanu ngeci apwe akuzeya, vapwe tusinda-matwi, vapwe tupuputwa, ngeci kesi vase kumona nambe kuziva nambe kuzivisisa. Nga vapwa vavavwa, co vakatengulukila kuli yange mukuvakangwisa.”

Njelemiya 5:21

‘Tolilileni yeni vanu vakujeneka mana, muli na mesho, oloni kumona kwai, co muli na matwi, oloni kuziva kwai.

Mako 4:12

ngecivene, ‘Kumona vamona, oloni kuvakamonesesa, co kuziva vaziva, oloni kuvazivisisa. Omwo nga valingamo, vakatengulukila kuli Njambi, co akavasambesa!’ ”

Mako 7:22

kulinga vupangala, kuliveya, nakulinga vyuma vyoshe vya vivi, kukwisa, mashungu amavi, cipululu, vungumba, kulyalesa, na vulema,

Mako 8:18

Yeni muli na mesho, kuma kumwasa kumona? Yeni muli na matwi, kuma kumwasa kuziva? Co kuma yeni kumwasa kwanuka

Luka 11:35

Ngecivene, zivuka ngwove ceke cili muli yove kesi cipwe lisusulungu.

Vilinga vya Miluwa 13:11

Co livoko lya Mwene likashuluka ali yove ololo vene, co ukapwa kapuputwa kuukasa kumona ceke ca litangwa a simbu imo.” Aje vene Elyamase wazivile mbundu yakuzivala ifwika ku mesho endi, co wendanganene noku-noku kweseka kuwana umo ngeci amukwate ku livoko nakumutwamenena.

Vilinga vya Miluwa 2:46

Co a litangwa na litangwa valikungulwile mu Njuvo ya Shukulu Kalunga, co valile vyakulya amolika mu vinjuvo vyavo, vakele nakulya na vimbunge vyakujolela na kulikeesa,

Vilinga vya Miluwa 26:18

Ukatonesa mesho avo nakuvatundisa ku lisusulungu nakuvatwala ku ceke nakuvatundisa ku nzili ya Satana nakuvatwala kuli Njambi, ngeci akukulaela kwavo kuli yange vakavasambese ku vivi vyavo nakutambula mwela wavo akati ka vanu vaje vanaangula Njambi.’

2 Kolinte 1:12

Omwo kulyalesa kwetu kukekwo oku, citaku-taku cetu ngeci, kuyoya kwetu ano asi, vunene vusamba vwetu neni vanakala nakuvutwamenena mukujela na vushunga vyakutunda kuli Njambi kesi na mana a vunu embwe.

2 Kolinte 11:3

Oloni njili na lyova ngwange ngwe omo linyoka wakwisile Eva nakunyanyama kwendi, amo viyongola vyeni vikazimbalesa kulikundika kweni kwamutunu kwakujela kuli Kilistu.

2 Kolinte 4:4

Vakevo kuvasa kukulaela omwo njambi uje wa vuvi wa kano kaye nazivalesa mana a vaka-kujeneka kukulaela ngeci kesi vamone mutanya uje wa Vin̄anda Vyavivwa vya vumpau vwa Kilisitu, uje vene wafwa cifwa ca Njambi.

Efeso 1:17

nakwihula Njambi ya Mwene yetu Yesu Kilistu, Ishe ya vumpau, amyane munzinzime wa mana nakusholola Njambi kuli yeni, ngeci mumuzivuke.

Efeso 6:5

Eni vindungo, ononokeni kuli vashukulu veni va ano asi na lyova nakujaja, co lingeni eci na mbunge ya lyovwa-ovwa, ngwe vene mulinakupangela Kilistu.

Kolose 3:22

Vindungo, ononokeni kuli vashukulu veni va ano asi mu vyuma vyoshe, kesi lika omo vakevo valinakumikengelela omwo mushaka ngeci vamishangale, oloni cilingeni na mbunge ya lyovwa-ovwa mukukomoka Mwene.