Luka 11:29 - Livulu lya Shukulu Kalunga

²⁹ Mbunga ya vanu vazengelekele Yesu, co wakele nakwendeka ngwendi, “Vanu vavavi va matangwa ano vashaka lika cizivukiso, oloni cizivukiso nacimo cai vakamona kuvanga lika cizivukiso ca Yona.

Luka 11:29 Iomraidhean Croise

Ezekiyele 24:24

Asinoni njikapwa cimweso kuli yeni, vyuma vyoshe vije vinjinalingi, vikevyo vimukalinga neni. Shukulu Kalunga nendeka ngwendi omo eci cikasholoka, co mukazivuka ngeci ikeye napu Shukulu Kalunga wa Akamwa ya Vyoshe.’ ”

Yona 1:1

Lijwi lya Shukulu Kalunga lyezile kuli Yona muna Amitai ngwalyo,

Mateo 3:7

Oloni omo Yowano wamwene vaFaliseo na vaSanduki vavangi vakele nakwija kuli ikeye ngeci avambwitike, co wendekele kuli vakevo ngwendi, “Eni manyoka! Iyajo naminangula ngeci mutewe vukalu vwa Njambi vuje vulinakwija?

Mako 8:38

Nga munu akanjizivila shwamwa na vilongesa vyange akati ka cisemwa eci ca vupangala na vuvi, asinoni Muna Munu lalo nendi akamuzivila shwamwa omo akaija mu vumpau vwa Ishe amo na tungelo vakujela.”

Luka 11:16

Vamo vamwesekele, vamulombele ngeci alinge cizivukiso cije cisholola ngeci kuma Njambi namutava.

Luka 11:50

Ngecivene, vanu va simbu ino vakavanyanyamesa, a kutsa kuvatsiile vaka-kwimanena voshe tunde akutanga kwa kaye,

Luka 12:1

Vanu vavangi-vangi vakungulukilile amo, co valilyatangelele, Yesu wendekele akulivanga kuli vandongisi vendi ngwendi, “Nyanyameni ku musima wa vaFaliseo, njilumbununa a civembulu cavo.

Luka 9:41

Co Yesu wakumbulwile ngwendi, “Yeni vaka-kujeneka kukulaela na vanu vaka-vuvi! Visimbu vingaijo njikakala neni? Visimbu vingaijo njinapande kuyanda omwo yeni?” Asinoni wendekele kuli uje munalume ngwendi, “Nena kuno munove.”

Yowano 2:18

VaYunda vamwihwile ngwavo, “Cikomokeso mukajo ciwulinga utumwese ngeci uli na moko yakulinga ngeci?”

Yowano 6:30

Ngecivene, vamukumbulwile ngwavo, “Cizivukiso muka ulinga ngeci tucimone, co tukukulaele? Vipangi mukajo ukalinga?

Yowano 8:44

Yeni muli na ishweni, Liyavola, co mushaka kukava mashungu a ishweni. Tunde akulivanga ikeye wapwile muka-kutsiya, co kapwile muka-vushunga embwe, omwo muli ikeye kumwakele vushunga. Omo endeka makuli, endeka muje mwafwila, omwo wapwa muka-makuli, co ikeye ishe ya makuli.

1 Kolinte 1:22

Omwo vaYunda vashakezeka vizivukiso kupwa vukaleo, co vaje kesi va Yunda vashakezeka mana.