Luka 11:18 - Livulu lya Shukulu Kalunga

¹⁸ Ngecivene, nga vumwene vwa Satana vulyangunuka mu vimunga nakulilwisa, co vwasa kwishwala vatijo? Yeni mwendeka ngweni yange njikatundisa minzinzime yakujwala omwo Mbelezembulu ikeye akanjana nzili yakulinga ngacije.

Luka 11:18 Iomraidhean Croise

Mateo 10:25

Ngecivene, ndongisi napande kulilongesa ngeci apwe amo na mulongisi wendi, co ndungo lalo napande kupanga ngeci apwe amo na shukulu yendi. Nga vavenya njuvo vamutumbula ngwavo Mbelezembulu, cooni naanga ya mu njuvo ije vakavatumbula mazina amavi manene!

Mateo 12:26

Co nga Satana atundisa Satana, ikeye nalyangununa ikeye vavenya, vumwene vwendi vukakola vatijo?

Mateo 4:10

Yesu wamukumbulwile ngwendi, “Tunda kuli yange, Satana! Omwo visoneka vinendeka ngwavyo, ‘Ukalemesa Shukulu Kalunga Njambi yove nakumupangela ikeye lika.’ ”

Mateo 4:24

Lutsimo lwendi lwetele na ku lifuti lyoshe lya Silya, co vamunenelele vaje voshe vakele nakuvinja, vakele na mishongo yakuliseza-seza yoshe na mishongo yeka, na vaje vayandele manene na minzinzime yakujwala, na vaka-kushinya, na vaka-kayekele, co Yesu wavakangwisile voshe.

Luka 11:15

oloni vamo vendekele ngwavo, “Mbelezembulu mwene ya minzinzime yakujwala ikeye alinakumwana nzili yakuvatundisa.”