Luka 11:13 - Livulu lya Shukulu Kalunga

¹³ Inonwa yeni vaka-vuvi muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana Munzinzime Wakujela kuli vaje vamulomba ndi?”

Luka 11:13 Iomraidhean Croise

Kushangumuka 8:21

Co omo Shukulu Kalunga wazivile vweko vwavuvwa vwa n̄ombelo eyi, wazivile kuvwaa, walyendekesele ikeye vavenya ngwendi, “Kunjikelukilamo lalo kusinga asi a vilinga vya vanu, omo njazivuka ngwange kutunda ku vwanike vwavo viyongola vya vimbunge vyavo vyapwa vyavivi. Kunjikelukilamo lalo kunyongesa vyakuyoya vyoshe ngwe omu njinalingi a simbu eyi.

Myaso 51:5

Kenga, vanjikitilile mu vuvi, na mu vuvi mukemwo muvanjimitilile vanana.

Visimo 1:23

Tolilileni omo njimyendekela, njimyana kunangula kwakuvwa.

Isaya 49:15

Ngecivene, Shukulu Kalunga wakumbulwile ngwendi, “Kuma munakazi kasa kwivala munendi uje ajamwa ndi? Kuma asa kuzinda munendi uje yakitile ndi? Nameme nga vaina ya munu vevala munavo, oloni yange kunjikamivala.

Ezekiyele 36:27

Njikaka Munzinzime wange muli yeni, nakumona ngeci mulinakukavangeya mashiko ange, nakunyunga mashiko oshe anjikamyana.

Njwele 2:28

“Munima yevi njiketila munzinzime wange ali munu na munu. Vana veni va vanalume na ava va vanakazi vakambulula vuka-kwimanena, co tukulukazi veni vakalota vinjozi, vakwenje veni vakamona vimona.

Mateo 5:16

Ngecivene, ceke ceni citwile ku vanu, ngeci vamone vilinga vyeni vyavivwa, co vakashangazala Ishweni ali mwilu.

Mateo 5:45

ngeci mupwe vana va Ishweni ali mwilu. Omwo ikeye akatuwisila litangwa lyendi a vanu vavavi na ali vanu vavavwa, co akanyokesa nyonzi ali vaka-vushunga na ali vaka-vuvi.

Mateo 6:14

“Omwo nga musambesa vakweni ku milonga yavo, Ishweni ali mwilu akamisambesa yeni lalo.

Mateo 6:30

Oloni nga Njambi azika mwila wa mu shwata uje ukalako lelo lika, oloni imene waiko, vaumbila mu liko nakuwenyeka, kuma kasa kumizika ndi? Yeni vaka-kukulaela kwakundondo!

Mateo 6:32

(Omwo vyuma vyoshe evi vikevyo vivakashakezeka vanu vaje vaka-kujeneka kukulaela.) Co Ishweni ali mwilu azivuka ngwendi munajeneka vyuma vyoshe evi.

Mateo 7:11

Inonwa yeni vaka-vuvi, muzivuka kwana vyuma vyavivwa kuli vana veni, kuma Ishweni wa mwilu kakatuvakana manene kwana vyuma vyavivwa kuli vaje vamulomba ndi?

Luka 11:12

Nambe nga munendi amulomba livunda, co ikeye amwana linyewe?

Luka 11:2

Yesu wendekele kuli vakevo ngwendi, “Omo mulombela endekeni ngweni, ‘Tatetu, valemese lizina lyove, vumwene vwove vwije.

Luka 18:7

Kuma Njambi kasa kwakula mu vushunga kuli vanu vendi vaje valinakulilila kuli ikeye vutsiki na mutanya ngeci avakwase? Kuma ngweni akeshwala mukuvakwasa ndi?

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Vilinga vya Miluwa 2:38

Co Petulu wendekele kuli vakevo ngwendi, “Munu na munu napande kutenguluka ku vivi vyendi nakumumbwitika mu lizina lya Yesu Kilistu, ngecivene, amisambese ku vivi vyeni, co mukatambula vwana vwa Njambi, Munzinzime Wakujela.

Loma 5:17

Mwa vushunga a vuvi vwa munu umolika kutsa kwashwanene omwo uje munu umolika. Oloni vyuma vije vinasholoka vyanalingi uje munu umolika, ikeye Yesu Kilistu vinahyana manene! Voshe vaje vanatambula kutetela kwa Njambi kwa myaka yoshe vanavapwisa vaka-vushunga ku mesho endi vakashwana mu mwonyo ali Kilistu.

Loma 7:18

Omwo njazivuka ngwange kumwesi vuvwa muli yange, mu vusitu vwange. Nameme muli yange muli lishungu lyakulinga vyavivwa, oloni kunjasa kulingamo.

Loma 8:32

Njambi kavyanene kwana Munendi umolika, oloni watweceleleye yetu voshe! Uje watwanene Munendi, kuma kasa kutwana vyuma vyoshe ndi?

Tito 3:3

Omwo yetu lalo twapwile tu vilema, vaka-kujeneka kwononoka, nakulinga mwamuvi. Twapwile tu vindungo va mashungu na senga yakuliseza-seza. Twombilile simbu yetu mu vyuma vya muuka na nuna, vakwetu vatuzindile, co netu twavazindile.