Luka 10:7 - Livulu lya Shukulu Kalunga

⁷ Kaleni mu njuvo ije vene, lyeni nakunwa vyoshe vije vivakamyana, omwo muka-kupanga napande kutambula fweto yendi. Kesi mukendangane kutunda ku njuvo imo kuya ku njuvo ikwavo embwe.

Luka 10:7 Iomraidhean Croise

Kulava 18:31

Yeni na naanga yeni mukalila a mutambela woshe-iwoshe wa vije vinasalao, omwo eyi inapu fweto yeni yakupanga mu Mbalaka Mwakuliwanena.

Mako 6:10

Co wavalakele lalo ngwendi, “Kwoshe kuje kuvakamitambula mwamuvwa, tumbameni ku njuvo ije vene noo mukatunda ku mwela uje.

Luka 10:6

Nga mu njuvo muje muli munu wazema kwoloka, co taveni kwoloka kweni kukale ali ikeye, oloni nga waimo, co kwoloka kweni kwiluke kuli yeni vavenya.

Luka 9:4

Kwoshe kuje kuvakamitambula mwamuvwa, tumbameni ku njuvo ije vene noo mukatunda mu nganda ije,

Vilinga vya Miluwa 16:15

Co omo vamumbwitikile ikeye na vanu va mu njuvo yendi, co watulanyele ngwendi, “Ijeni mukakale mu njuvo yange nga mwayongola ngweni njinapu njimuka-kukulaela kuli Mwene.” Co watusindiiye ngeci tuye.

Vilinga vya Miluwa 16:34

Asinoni watwalele Paulu na Silasi ku njuvo yendi, co wakavaanene vyakulya. Co ikeye na naanga yendi vavwaelele manene, omwo ololo vanapu vaka-kukulaela kuli Njambi.

Vilinga vya Miluwa 16:40

Ngecivene, Paulu na Silasi vatundile mu kamenga vaile ku njuvo ya Lindiya. Kuje vakaliwanene na vaka-kukulaela, co vendekele kuli vakevo majwi kuvatakamesa, co vaile.

Ngalatiya 6:6

Munu uje valinakulongesa lijwi lya vuka-Yesu napande kulipangela vyuma vyoshe vyavivwa vije alinavyo na mulongisi wendi.

Kwituluka mu Mashiko 12:12

Co mukajolela ku mesho a Shukulu Kalunga Njambi yeni, yeni na vana veni va vanalume, na ava va vanakazi, na vangamba veni va vanalume, na ava va vanakazi, na vaLevi vaje vali mu vinganda vyeni omwo vakevo kuvesi na mutambela nambe vushwana akati keni.

Kwituluka mu Mashiko 18:8

Akakale na vyakulya vyakupwisa amo na vakwavo vaLevi, co napande kutulika vije vyoshe vikatunda ku naanga yendi.

1 Timateo 5:13

Co lalo vanalilongesa kumbila simbu yavo mukwendangana ku njuvo na njuvo, oloni nameme ngoco, vanalilongesa lufwe nakulikovelesa mu vyuma vyambala, nakwendeka vyuma vije kuvyavapandele kuvyendeka.

2 Timateo 2:6

Na ndimi lalo uje naundangana manene mu vipangi napande kuteja vimbuto vyavivwa vyakulivanga