Luka 10:39 - Livulu lya Shukulu Kalunga

³⁹ Mata wakele na ndokazi yendi lizina lyendi Maliya uje watumbamene ku myanja ya Mwene nakutolilila kulongesa kwendi.

Luka 10:39 Iomraidhean Croise

2 Vimyene 4:38

A simbu imo, omo kwakele njala ya lyangengela mu lifuti lyoshe, Elisha welukile ku Ngilingale. Omo wakele nakulongesa mbunga ya vaka-kwimanena, co walekele ngamba yendi kwaka ndeo yakama a liko ngeci avatelekele vyakulya.

Visimo 8:34

Navezika munu uje atolilila kuli yange, munu uje atumbama ku cikolo cange, a litangwa na litangwa, munu uje avandamena ku cikolo ca ku njuvo yange.

Luka 10:42

oloni kuli cuma cimo ciwunapande kulinga. Maliya naangula cuma cacivwa cije naumo wai lalo akamutambulaco.”

Luka 2:46

Co a litangwa lyamucitatu vamuwanene mu Njuvo ya Shukulu Kalunga, natumbama akati ka valongisi va vaYunda, nakuvatolilila nakuvehozola vihula.

Luka 8:35

Co vanu vaileko nakukamona vije vyalingiwile, omo vezile kuli Yesu, co vawanene munalume uje wakele na minzinzime yakujwala natumbama ku mendi a Yesu, nazala mwamuvwa, nalikongomeka, co voshe vakele na lyova.

Yowano 11:1

Kwakele munalume umo lizina lyendi Lazalu, wa ku Mbetaniya, wakele nakuvinja. Mbetaniya yapwile nganda muje mwakele Maliya na ndokazi yendi Mata.

Yowano 11:19

co vaYunda vavangi vezile nakumona Mata na Maliya nakuvazembeleka a kutsa kwa ndolome yavo.

Yowano 12:3

Maliya wambatele mazi a ndando yakama akunika lwengo lwaluvwa avalingile na vyuma vya seo, wavwavesele mendi a Yesu, nakuwasikumuna na vin̄ambu vyendi. Co njuvo yoshe yashulile na lwengo lwaluvwa.

Vilinga vya Miluwa 22:3

“Yange nji kaYunda, njasemukilile ku Talisi mu Silisha, oloni vanjilelelele muno mu Yelusalema, co njalilongesele kuli Ngamalyele. Njatambwile mwamuvwa vilongesa mu Mashiko a vakukulwila vetu, co njalikundikile kuli Njambi ngwe mumunafu yeni voshe mulikuno litangwa lya lelo.

Kwituluka mu Mashiko 33:3

Shukulu Kalunga wazema vanu vendi, nakunyunga vaje vanapu vendi. Ngeci tukatsikama ku mendi endi nakulemesa, co tukononoka mashiko endi.