Luka 10:37 - Livulu lya Shukulu Kalunga

³⁷ Co mulongisi wa majwi a Lishiko wakumbulwile ngwendi, “Uje wamuzivilile mema ku mbunge.” Yesu wakumbulwile ngwendi, “Nove lalo ya ukalinge ngacije.”

Luka 10:37 Iomraidhean Croise

Visimo 14:21

Nga ushaka vivezikiso, kala na ngozi kuli muka-kuutwa, capwa vuvi kuyeluwisa vakweni.

Hoziya 6:6

Njishaka cizemo ceni cije kucesi kutenguluka, kesi vin̄ombelo vyeni vya tusitu embwe. Njishaka ngeci vanu vange vanjizivuke kutuvakana vanjikombelele vin̄ombelo vya kwenyeka.

Mika 6:8

Embwe, Shukulu Kalunga natuleke vije vyavivwa vyashaka kuli yeni vikevyo evi, kulinga vije vya vushunga nakumwesa cizemo cije kucesi kutenguluka nakuyoya mu kulitombola na kulikeesa kuli Njambi yeni.

Mateo 20:28

nameme Muna Munu kezile ngeci vanu vamupangele embwe, oloni wezile mukupanga, nakwana mwonyo wendi ngeci apatule vanu vavangi.”

Mateo 23:23

“Tuyando tweni, valongisi va majwi a Lishiko na vaFaliseo! Eni vaka-civembulu! Yeni mukaana kuli Njambi camulikumi nameme vyuma mukatovesa vyakulya, ngwe visapa-sapa amo akunika, na vyuma vyakunika lalo, na vije vyakunika vikwavo, oloni kumwesi kwononoka majwi a Lishiko lya Njambi, ngwe vushunga, na mema ku mbunge, nakukulaela. Evi munapande kuvilinga, kesi mulikele kulinga vikwavo.

Luka 10:36

Yesu wamanesele ngwendi, “Mu viyongola vyove iya oni akati ka vaje vanu vatatu walingile ngwe mundambo wa uje munu ivalwisile mapwepwe?”

Luka 10:38

Omo Yesu na vandongisi vendi vaile mu ngila yavo, co wetele ku limbo limo kwakele munakazi umo lizina lyendi Mata uje wamutambwile mwamuvwa mu njuvo yendi.

2 Kolinte 8:9

Omwo mwazivuka mema ku mbunge a Mwene yetu Yesu Kilistu, nambe wapwile muka-kufuka, oloni walilingisile kupwa muka-kuutwa vavenya omwo yeni, ngeci amipwise vaka-kufuka a vuutu vwendi.

Efeso 5:2

Endeni mu cizemo ngwe Kilistu mwatuzemene, co wanene mwonyo wendi kuli yetu ngwe mulambu wa lwengo lwaluvwa na n̄ombelo ije ivwaelelesa Njambi.

1 Petulu 2:21

Omwo eci cikeco camisanenene Njambi, omwo Kilistu vavenya wamiyandelele, co namisezela cimweso, ngeci mukavangeye mu myanja yendi.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,