Luka 10:28 - Livulu lya Shukulu Kalunga

²⁸ Yesu wakumbulwile ngwendi, “Unendeka mwamuvwa, linga ngeci, co ukayoya.”

Luka 10:28 Iomraidhean Croise

Nehemiya 9:29

Wavanangwile ngeci vononoke vilongesa vyove, oloni mu kulyalesa kwavo vavyanene mashiko ove, nameme kunyunga Mashiko ove ikeyo ngila ya ku mwonyo. Mukuzikwa kwavo, na mukukaluwa kwa vimbunge vyavo, vavyanene kwononoka.

Visimo 19:16

Uje anyunga mashiko a Njambi, akayoya oloni uje avyana kwononoka mashiko endi akatsa.

Ezekiyele 20:11

Co njavanene mashiko ange nakuvalongesawo, mashiko aje aana mwonyo kuli munu na munu uje awononoka.

Ezekiyele 20:13

Oloni nameme mu mambo vanjitengulukilile. Vapokwele mashiko ange, nakuwavyana, mashiko aje aana mwonyo kuli munu na munu uje awononoka. Mwa vushunga vene vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange muje mu mambo nakuvanyongesa.

Ezekiyele 20:21

“Oloni cisemwa cije lalo vanjitengulukilile. Vapokwele mashiko ange, co kuvanyungile kushika kwange, mashiko aje aana mwonyo kuli munu na munu uje awononoka. Vazilwile Litangwa Lyakuhwima. Njalivwaeselele kuvatava ngeci vazive nzili ya vukalu vwange vwoshe muje mu mambo, nakuvatsiya voshe.

VaLevi 18:5

Kavangeyeni vingila na mashiko awa njilinakumyana, nga mulinga ngacije, co mukayoya. Yange njapwa Kalunga.

Mateo 19:17

Co Yesu wamukumbulwile ngwendi, “Vikajo unjihwila a vyuma vyavivwa? Kwali Umolika ikeye wamuvwa. Nga ushaka kukovela mu mwonyo wa myaka yoshe, co nyunga mashiko.”

Mako 12:34

Co Yesu wanangukile kukumbulula kwendi kwa mana, co wamulekele ngwendi, “Yove kuwesi kulyala na Vumwene vwa Njambi.” Munima yevi munu naumo wai wehwile lalo Yesu vihula vikwavo.

Luka 7:43

Simoni wakumbulwile ngwendi, “Njayongola ngwange uje wakele na vyavingi ikeye yasambesele manene.” Yesu wamulekele ngwendi, “Unayongola mwamuvwa.”

Loma 10:4

Omwo Kilistu namanesa Lishiko, ngeci munu woshe uje akulaela vamupwise muka-vushunga ku mesho a Njambi.

Loma 3:19

Ololo tunazivuka ngeci vyuma vyoshe mu Lishiko vyakundama kuli vaje vali ku Lishiko, mukuvindika kulisambesa kwoshe kwa vanu nakunena kaye koshe kukusompa kwa Njambi.

Loma 7:10

co njatsile. Co kushika kuje kwapandele kunena mwonyo, kwanenele kutsa kuli yange.

Ngalatiya 3:12

Oloni Majwi a Lishiko kuwasa kulinga cimo akukulaela. Oloni ngwe muvyendeka visoneka ngwavyo, “Woshe alinga vyuma vyoshe vije vishakiwa ku Majwi a Lishiko akayoya.”

Kwituluka mu Mashiko 6:24

Ngecivene, Shukulu Kalunga Njambi yetu watushikile kwononoka mashiko oshe awa nakumusingimika, ngeci tukakale mwamuvwa matangwa oshe a kulutwe, co akatunyunge mukuyoya kwetu kwoshe.