Luka 10:27 - Livulu lya Shukulu Kalunga

²⁷ Co uje munalume wakumbulwile ngwendi, “Zema Shukulu Kalunga Njambi yove na mbunge yove yoshe, na mwonyo wove woshe, na nzili yove yoshe, na mana ove oshe, co zema mukweni ngwe muwalizema yove vavenya.”

Luka 10:27 Iomraidhean Croise

VaLevi 19:18

Kesi ukalinge shambandinga vuvi ku vuvi, nambe likiti-kiti lya kumuzinda, oloni zema mukweni ngwe muwalizema yove vavenya. Yange Kalunga.

Mateo 19:19

singimika isho na vanyoko, co zema mukweni ngwe muwalizema yove vavenya.”

Luka 10:26

Yesu wamukumbulwile ngwendi, “Visoneka vinendeka vati? Ukavinungulula vati?”

Loma 13:9

Mashiko ngwawo, “Kesi ulinge vupangala, kesi utsiye, kesi wive, kesi uliveyele cuma ca mukweni”, co vyoshe evi, na vyeka lalo, vanavipwisa lishiko limolika ngwavo, “Zema mukweni ngwe muwalizema yove vavenya.”

Ngalatiya 5:13

Ngwe ali yeni, vakwetu, vamisanene mukupatuka. Oloni kesi mutave kupatuka oku kupwe lisesa lyakumyecelela ngeci mashungu eni a vunu amipangese. Oloni taveni cizemo cimipwisa vangamba va umo na mukwavo.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 30:6

Co Shukulu Kalunga Njambi yeni akamyononwesa na vatekulwila veni, ngeci mukamuzeme na vimbunge vyeni vyoshe, ngeci mukayoye.

Kwituluka mu Mashiko 6:4

“Tolilileni yeni vaIsalele! Shukulu Kalunga ikeye lika Shukulu Kalunga Njambi yetu.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

VaHevelu 8:10

Co kengeni, eci cikeco cikumiiyo njikalinga ololo kuli vanu va Isalele munima ya matangwa aje. Njikaka mashiko ange mu mana avo, co njikawasoneka mu vimbunge vyavo. Ngeci njikapwe nji Njambi yavo, co vakevo vakapwe vanu vange.

Yakomba 2:8

Mulinga cuma cacivwa nga mwononoka lishiko lya Vumwene, lije tuwana mu visoneka ngwavyo, “Zema mukweni ngwe muwalizema yove vavenya.”

1 Yowano 3:18

Vana vange vavandondo, cizemo cetu kucapandele kupwa ca majwi nakwendeka lika embwe, oloni cinapande kupwa ca vushunga, cije cilisholola cikeco vavenya mu vilinga.