Luka 10:2 - Livulu lya Shukulu Kalunga

² Wendekele kuli vakevo ngwendi, “Vimbuto vinatumu, oloni vaka-kuviteja vavandondo. Ngecivene, lombeleni kuli vavenya vimbuto ngeci atume vaka-kuteja vimbuto vyendi.

Luka 10:2 Iomraidhean Croise

1 Vimyene 18:22

Asinoni Elinja wendekele ngwendi, “Ange lika muka-kwimanena wa Shukulu Kalunga njinasalao, oloni kuno kuli vaka-kwimanena va Mbale 450.

Myaso 68:11

Shukulu Kalunga washikile lishiko, co vanakazi vavangi vambulwile muzimbu ngwavo,

Njelemiya 3:15

Njikamyana vaka-kushwana vaje vanjononoka, co vakamishika na mana nakuzivisisa.

Zakaliya 11:17

Kanyungi uje wakujeneka seo navindama! Naseze vutanga vwendi. Mwa vushunga nzita ikamanesa nzili yendi. Livoko lyendi likasekwa, co lisho lyendi lya ku cilyo likatsa.”

Zakaliya 11:5

Vavenyavo vakavatsii, oloni kuvesi kuvanyanyamesa. Vakalandesa situ nakwendeka ngwavo, ‘Shangazaleni Shukulu Kalunga! Tunafuku oni!’ Nameme tunyungi twa vaje vimanga kuvesi kuvatetela embwe.”

Kulava 11:17

Co njikashelumuka nakwendeka nove kuje vene, njikavana moko ngeci mukalikwase kwendesa vanu vange kuukavanyungu ove lika embwe.

Kulava 11:29

Oloni Mosesa wamukumbulwile ngwendi, “Kuma yove unjizivila lifuwa ndi? Capandele ngeci Shukulu Kalunga aake Munzinzime wendi ali vanu vendi voshe ngeci voshe vapwe ngwe vaka-kwimanena!”

Mateo 20:1

“Omwo vumwene vwa mwilu vunalifu ngwe vavenya lihya lya mikolovozi ya vushuka vwa vinyu uje watuukile mutondo-tondo waile nakulanya vaka-vipangi ngeci vakapange mu lihya lya mikolovozi ya vushuka vwa vinyu lyendi.

Mako 13:34

Eci cikapwa ngwe munu atunda ku njuvo yendi aya vungenzi, omo aseza njuvo yendi, mu mavoko a vangamba vendi, munu na munu wakele na vipangi vyendi vyalingile, co muka-kunyunga ku cikolo wamushikile ngwendi akengelele.

Mako 16:15

Co wendekele kuli vakevo ngwendi, “Yeni ku mafuti oshe a ano a kaye nakwambulula Vin̄anda Vyavivwa kuli vanu voshe.

Mako 16:20

Vandongisi vaile nakwambulula kwoshe, co Mwene wapangele amo navo nakushulisa ngeci kwambulula kwavo kwapwile kwa vushunga a vizivukiso vije vyalingiwile.] [ 9 Vanakazi vaile kuli Petulu na vasamba vendi, co vavalekele vukaleo vwa vyuma vyoshe vije vavalekele. 10 Munima yevi, Yesu ikeye vavenya watumine vandongisi vendi kutunda mu ngangela kutwala mu kangombe ka yambi ngeci vatwale lijwi lyakujela lyakwovoka kwa myaka yoshe.]

Luka 9:1

Yesu wasanene vandongisi likumi na vavali vaije kuli ikeye, co wavanene nzili na moko yakutundisa minzinzime yakujwala yoshe nakukangwisa mishongo.

Vilinga vya Miluwa 11:19

Vaka-kukulaela vamo vaje vashandokele a mapakeso a simbu ije vatsiile Setefano vaile kulyala ku Fonisiya na ku Sepulasi na ku Antyoke vambulwile lijwi kuli vaYunda lika.

Vilinga vya Miluwa 13:2

A simbu ije vapangelele Mwene nakulikela kulya, co Munzinzime Wakujela wendekele kuli vakevo ngwendi, “Njaangunwineniko Mbanambase na Saulu vapange vipangi vije njinavasanena.”

Vilinga vya Miluwa 13:4

Ngecivene, omo Munzinzime Wakujela wavatumine, Mbanambase na Saulu vaile ku Seleusiya, co vatundile kuje vajavukile nakuya ku lin̄anda lya ku Sepulasi.

Vilinga vya Miluwa 20:28

Ngecivene, linyungeni, co lalo nyungeni vutanga vwoshe vuje vwanamyana Munzinzime Wakujela ngeci muvunyunge. Pweni tunyungi va cikungulukilo ca Njambi, cije calilingililile ikeye vavenya a n̄ombelo ya kutsa kwa Munendi.

Vilinga vya Miluwa 22:21

Co Mwene wendekele kuli yange ngwendi, ‘Ya, omwo njikakutuma kulyala kuli vaje kesi vaYunda.’ ”

Vilinga vya Miluwa 8:4

Vaka-kukulaela vaje vashandokele vaile kwoshe-ikwoshe nakwambulula lijwi.

1 Kolinte 12:28

Mu cikungulukilo, Njambi naaka vyoshe mu mwela umo, mu mwela wakulivanga miluwa, mu mwela wamucivali vaka-kwimanena, co mu mwela wamucitatu valongisi, asinoni vaje vaka-kulinga vizivukiso, kwatako vaje vavanaana nzili yakukangwisa nambe kukwasa vakwavo nambe kuvatwamenena nambe kwendeka vindaka vyaviha.

1 Kolinte 15:10

Oloni a kutetela kwa Njambi njinapu muje munjinapu, co kutetela kuje wanjanene kucapwile cangoco. Oloni mu ngila ikwavo, njinaundangana manene kutuvakana miluwa voshe, nameme eci kucapwile cipangi cange vavenya, oloni capwile kutetela kwa Njambi cije cakele nakupanga nange.

2 Kolinte 6:1

Ngecivene, njimilomba ngwange, mu vipangi vyetu vyakupanga amo na Njambi, yeni munatambula mema ku mbunge a Njambi, co kesi muvyecelele ngwe vyangoco.

Filipu 2:21

Munu na munu alinakulimwena vyendi vavenya, kesi a vin̄anda vya Yesu Kilistu.

Filipu 2:25

Njayongola ngwange cinapande ngeci njitume ndolome yetu Epafolonditu, uje wapangele nakulwila ku mutambela wange, co napanga ngwe ngamba yeni mukunjikwasa.

Filipu 2:30

omwo waanene mwonyo wendi, co washakele kutsa omwo a vipangi vya Kilistu, ngeci anjikwase kuli vije yeni kumwasele kunjana.

Kolose 1:29

Akupanga evi njiwundangana nakulwa nakupangesa nzili yoshe ije yalinakunjana Kilistu, co ilinakupanga muli yange.

Kolose 4:12

Viindu vyeni kuli Epafalase, mukweni umo wakundama ku munga yeni uje napu ngamba ya Kilistu Yesu. Ikeye simbu yoshe akamyanuka mu malombelo endi, nakulomba Njambi ngeci amikolese nakwimana mbe, ngwe vaka-Yesu vanakolo mu vu Yesu, na na mukwononoka kwoshe ku cizango ca Njambi.

1 Tesalonika 2:9

Mwa vushunga vene anukeni, vakwetu, vati twapangele nakuundangana! Twapangele vutsiki na mutanya ngeci kesi tupwe citele kuli yeni omo twambulwile Vin̄anda Vyavivwa vyakutunda kuli Njambi.

1 Tesalonika 5:12

Vakwetu, tumilomba ngwetu aneni kasingimiko kakavwa kuli vaje valinakupanga akati keni, vaje vamitwamenena nakuminangula mukuyoya kwa vuka-Yesu.

2 Tesalonika 3:1

Akukotoka, vakwetu, netu tulombeleleniko lalo ngeci lijwi lya Mwene liye kulutwe nakushandoka vwasi-vwasi ngeci valitambule na kalemeso, ngwe mumwalitambwile akati keni.

1 Timateo 4:10

Omwo tuundangana nakupanga manene na nzili, omwo tunaaka cinyangavili cetu muli Njambi wakuyoya, uje napu Muyoyesi wa vanu voshe, vunene kuli vaje vakulaela.

2 Timateo 4:5

Oloni yove unapande kulinyunga mu vyuma vyoshe, kakakateya mu tuyando, linga vipangi vya muka-kwambulula Vin̄anda Vyavivwa, co panga vipangi vyove ngwe ngamba ya Njambi.

Filimoni 1:1

Mukanda wakutunda kuli yange Paulu, cinzinda ca Kilistu Yesu, unatundu lalo kuli ndolome yetu Timateo. Kuli Filimoni musamba wetu na mukwetu mu vipangi,

VaHevelu 3:6

Oloni Kilistu wapwile wa kulongwa ngwe Mwana ashika vya mu njuvo ya Njambi. Yetu tunapu njuvo yendi nga tukakateya nakusimpa nakutakamesa kwetu mu vije tuli navyo na cinyangavili.

Kujombolola 2:1

Kuli kangelo wa ku cikungulukilo ca mu Efeso soneka ngwove, “Eli likelyo lijwi lyatundu kuli uje nakwata vingongonosi vitanu na vivali mu livoko lyendi lya cilyo, uje alinakwendangana akati ka vitumbikilo vya vindeya vya ngolinde vitanu na vivali.