Luka 10:15 - Livulu lya Shukulu Kalunga

¹⁵ Nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi!”

Luka 10:15 Iomraidhean Croise

Kushangumuka 11:4

Asinoni valyendekesele ngwavo, “Tutungeni nganda yakama amo na kaposhi kakalaja kakete kwilu, ngeci tutsimane kutewa tukashandokela ano asi oshe.”

Isaya 5:14

Vukalo vwa vatsi vulinakuvashungwiya, vuneshama kanwa kavwo, ngeci kaleule vaka-kufuka va mu Yelusalema amo na mbunga ya muyoyo wa vanu vangoco.

Njelemiya 51:53

Nameme nga Mbambilone yasa kulonda mwilu, nakutungamo vimpaka vyakukola, anga njasa kutumamo vanu nakukayinyongesa. Yange Kalunga, njinendekamo.”

Ezekiyele 26:20

Njikakushelumwisa kwisi mu lifuti lya vukalo vwa vatsi, ukalipandakana na vanu vaje vakeleko ku simbu ya ku san̄ulu. Ukakala muje mu lifuti lya vatsi myaka yoshe nakulipandakana amo na vatsi. Kuje vene kuukasa kwiluka mukutambula mutambela wove lalo mu lifuti lya vaka-kuyoya.

Ezekiyele 31:18

“Muti unapu mwene wa Ingito na vanu vendi voshe. Kukwesi miti ya mu Endeni yapwile yailaja ngacije na vuvwa. Oloni ololo, ngwe ku cifwa ca miti ya Endeni, muti ou ukashelumukila ku vukalo vwa vatsi, nakulipandakana na vaje vaka-kujeneka kukulaela, na vaje vatsiilile mu nzita. Munjinendeka yange Kalunga wa Akamwa ya Vyoshe.”

Ezekiyele 32:18

“Muna munu, lila omwo mbunga yakama ya vanu va mu Ingito. Vashelumwise amo na vakwavo vaka-miyati ya nzili ku lifuti lya vatsi.

Ezekiyele 32:20

“Vaka-Ingito vakalala amo na vaje vavatsiilile mu nzita. Mukwale vanaushomwena cimweja mukuvatsiya voshe.

Ezekiyele 32:27

Vakevo kuvavatsindile ngeci muje vatsindile vingenyenye va ku laja vaje vavatsindile na vitwa vyavo vya nzita, vavaakele mikwale yavo kwisi ya mitwe yavo, na vintelo vavyakele a mivila yavo. Vingenyenye ava a simbu imo vapwile va nzili mukuzivisa lyova lifuti lya vaka-kuyoya.

Ovandiya 1:4

Nameme upulwila mwilu ngwe ngonga, nakutungila njuvo yove akati ka vingongonosi, oloni nambe ngoco njikakuwisila asi.

Mateo 10:28

Kesi muzivile lyova vaje vatsiya muvila oloni kuvasa kutsiya mwonyo, oloni zivileni lyova Njambi, uje asa kunyongesa vyoshe mwonyo na muvila muje mu mbulu ya tuhya.

Mateo 11:23

Co nove lalo Kapenauma! Washakele kulijundwila yove vavenya mwilu ndi? Ukashelumuka ku vukalo vwa vatsi! Omwo vizivukiso vije vyalingiwile muli yove, nga vyalingiwile mu Sondoma, nga nganda ije anga kuyicili nakweta kulelo lino.

Mateo 4:13

Katumbamene kuje ku Nazaleta embwe, oloni waile ku Kapenauma, limbo lije lyakele kuyehi na Lishali lya Ngalileya, mu lifuti lya Zembuloni na lifuti lya Nafetali.

Luka 13:28

Mukalila nakulingenjenga ku mayo omo mukamona Avilahama na Isake na Yakomba na vaka-kwimanena voshe mu Vumwene vwa Njambi, a simbu ije vamyumbila anja!

Luka 16:23

Ikeye wakele mu tuyando twakama mu Mbulu ya Tuhya, co wakengele kwilu, wamwene Avilahama ali kulyala, na Lazalu ali ku mati yendi.

Kwituluka mu Mashiko 1:28

Tuyila kulijo? Tuli na lyova omwo vandolome vetu vaje twatumine kuje vanatuzivalesa ku vimbunge nakutuleka ngwavo vaje vanu vali kuje vali na nzili manene na vulaja kutuvakana yetu, co vakevo lalo vakala mu vinganda vya vivumbe vyakweta ndo na kwilu. Co kuje lalo vakamweneko makisi-kisi!’

2 Petulu 2:4

Omwo Njambi katetelele tungelo vaje valingile vuvi, oloni wavombilile mu mbulu ya tuhya muje vanavakutiiya mu malyenge mu lisusulungu, nakuvandamena Litangwa Lyakusompa.