Luka 10:14 - Livulu lya Shukulu Kalunga

¹⁴ Njambi akatetela manene vanu va ku Tile na Sindone a Litangwa Lyakusompa kutuvakana yeni!

Luka 10:14 Iomraidhean Croise

Njwele 3:4

“Vikajo mushaka kulinga kuli yange, yeni vaka-Tile na Sindone na mafuti oshe a Filisitiya? Yeni mushaka kunjiilwisila cuma cimo ndi? Nga mukemwo, co nange vwasi-vwasi njikamifweta!

Amose 1:9

Shukulu Kalunga alinakwendeka ngwendi, “Vanu va ku Tile vanalingi vuvi kushwakumo, omwo cuma eci mwa vushunga njikavanyanyamesa. Vatwalele muyati woshe mu vunzinda mu lifuti lya Endome, co kuvanyungile lizivasano lya vusamba vuvalingile.

Amose 3:2

“Ku miyati yoshe ya ano asi yeni lika vanjangwile nakuminyunga mwamuvwa. Evi vikevyo vyanenesa vivi vyeni kupwa vyakukomokesa, ngecivene, njikaminyanyamesa omwo vuvi vweni.”

Mateo 10:15

Mwa vushunga njimileka ngwange, a Litangwa Lyakusompa Njambi akamwesa vaka-Sondoma na vaka-Ngomola mema ku mbunge kutuvakana nganda ije!

Mateo 11:21

“Ngongo yove Kolazine! Ngongo yove Mbetesainda! Omwo vizivukiso evi vanalingi kuli yeni, nga vavilingilile mu Tile na mu Sindone, nga vanu vamwo vazalele vikeleya nakulikwita lito kumwesa ngeci vanatenguluka ku vivi vyavo!

Yowano 3:19

Co omu mukemwo mucikapanga cihiso, ceke cinaija ano a kaye, oloni vanu vazema lisusulungu kutuvakana ceke, omwo vilinga vyavo vyapwa vyavivi.

Loma 2:1

Ngecivene, yove musamba wange, kuma ukahisa vakweni ndi? Kuli yove kukwesi kusamba embwe, nameme vene yove iya. Omwo nga uhisa vakweni, co ulinga vyuma vije vivalinga vakevo, ulinakulihisa yove vavenya.

Loma 2:27

Co yeni vaYunda vakamihisa kuli vaje kesi vaYunda omwo mukapokola Lishiko, nameme vene vanamisonekelalyo, co yeni mwatuuka, oloni vakevo valinakwononoka Lishiko, nambe kuvatuukile ku cisemwa.