Luka 1:8 - Livulu lya Shukulu Kalunga

⁸ A litangwa limo Zakaliya wakele nakupanga vipangi vyendi vyakukombelela mu Njuvo ya Shukulu Kalunga, a simbu yendi ya vipangi vyakukombelela.

Luka 1:8 Iomraidhean Croise

1 Mizimbu 24:19

Vanu ava vavasonekele ngwe ku vipangi vyavo omo vakele nakuya ku Njuvo ya Shukulu Kalunga nakupanga vipangi vije vyashangumukile kukulwila yavo Alone, mukwononoka ku mashiko a Shukulu Kalunga Njambi ya Isalele.

1 Mizimbu 24:2

Nandave na Avihu vatsile simbu kanda ishavo atse, co kuvakele na vatekulwila, ngecivene, vandolome vavo Elyazale na Itamale vapwile vaka-kukombelela.

2 Mizimbu 11:14

VaLevi vasezele vulilo vwa vimuna vavo na mitambela ikwavo, vezile ku Yunda na ku Yelusalema, omwo Mwene Yelovowame wa Isalele na vana vendi vavashekele ngwavo kesi vapange vipangi vya vuka-kukombelela kuli Shukulu Kalunga.

2 Mizimbu 31:19

Co mu membo oshe aje akundamene ku vatekulwila va Alone na mu mahya mwoshe mwakulila vimuna vaangwilemo vanalume, co vavasonekele mazina avo ngeci vaane vyakulya kuli vanalume voshe va mu naanga ya vaka-kukombelela na kuli munu woshe uje ivasonekelele ku cikota ca Levi.

2 Mizimbu 31:2

Co Mwene Hezekiya wakolesele lalo vipangi vya vaka-kukombelela na vaLevi, ngwe ku vipangi vya munu na munu. Evi vyapwile kukombelela vin̄ombelo vya kwenyeka na milambu ya kulitombola, na milambu ya cikandelela nakupanga mu Njuvo ya Shukulu Kalunga.

2 Mizimbu 8:14

Akukavangeya mashiko aje aakele ishe Ndaviti, wavwaesele vipangi vya vaka-kukombelela vya a litangwa na litangwa, na vya vaLevi vaje vakele nakulikwasa na vaka-kukombelela kwimba myaso amolika nakupanga vipangi vyavo. Co wemikile lalo vaka-kunyunga ku Njuvo ya Shukulu Kalunga ngeci vase kupanga vipangi vyavo vyakunyunga ku cikolo cimo na cimo a litangwa na litangwa ngwe ku mashiko a Ndaviti, munu wa Njambi.

Ezela 6:18

Co lalo vaakele vaka-kukombelela na vaLevi ku vipangi vya Njuvo ya Shukulu Kalunga mu Yelusalema, ngwe ku vilongesa vije vasoneka mu livulu lya Mosesa.

Kutuuka 28:1

“Sana ndolome yove Alone na vana vendi, Nandave, na Avihu, na Elyazale, na Itamale. Vaangunune kuli vanu va Isalele ngeci vanjipangele vipangi vya vuka-kukombelela.

Kutuuka 28:41

Co ukazika ndolome yove Alone na vana vendi vuzalo ovu, asinoni ukavavwavesa na mazi akuvajelesa nakuvakundika, ngeci vanjipangele kupwa vaka-kukombelela.

Kutuuka 29:1

“Evi vikevyo viwukalinga mukukundika Alone na vana vendi ngeci vanjipangele kupwa vaka-kukombelela. Ambata muna ngombe wa nkomba na majamba vavali va vimanga vakujeneka kapenga.

Kutuuka 29:44

Co njikajelesa Mbalaka na mutula, njikaangununako Alone na vana vendi nakuvajelesa mukunjipangela kupwa vaka-kukombelela.

Kutuuka 29:9

co vazitike miva mu vimbunda vyavo nakuvazika tukofwi ku mitwe yavo. Omu mukemwo muukakundika Alone na vana vendi. Co vakevo na vatekulwila vavo vakanjipangela kupwa vaka-kukombelela ku myaka yoshe.

Kutuuka 30:30

Asinoni vwavesa Alone na vana vendi, nakuvajelesa kupwa vaka-kukombelela mu vipangi vyange.

Kulava 18:7

Oloni yove lika na vana vove mukapanga vipangi vyoshe vya vuka-kukombelela na vyoshe vije vyakundama ku mutula, na vije vili mu Mwela Wakujela Manene. Yange njinamyana vipangi vya vuka-kukombelela kupwa vwana. Co munu woshe akashwenya kuyehi na vyuma vyakujela vakamutsiye.”

Luka 1:5

A matangwa a Helonde, mwene wa Yundeya, kwakele muka-kukombelela lizina lyendi Zakaliya, wa ku cikota ca Aviya. Lizina lya munakazi wendi lyapwile Elizaveta, nendi lalo wapwile wa ku naanga ya vaka-kukombelela.

Luka 1:7

Oloni vakevo kuvakele na mwana omwo Elizaveta wapwile mumba, co voshe vavali vapwile tukulukazi.