Luka 1:7 - Livulu lya Shukulu Kalunga

⁷ Oloni vakevo kuvakele na mwana omwo Elizaveta wapwile mumba, co voshe vavali vapwile tukulukazi.

Luka 1:7 Iomraidhean Croise

Kushangumuka 17:17

Asinoni Avilahama watsikamene nakukulamena asi, oloni washangumukile kujola omwo wayongwele ngwendi, “Kuma munu asa kukita mwana omo ali laja na myaka 100? Kuma Sala lalo asa kukita mwana omo ali laja na myaka makumi atanu na awana ndi?”

Kushangumuka 18:11

Avilahama na Sala a simbu ije te vanakuluvala laja, na Sala natinika laja.

Kushangumuka 25:21

Isake walombelele kuli Shukulu Kalunga ali munakazi wendi Lembeka, omwo Lembeka wapwile mumba. Co Shukulu Kalunga wazivile lilombelo lyendi ngeci Lembeka wakele na kafumba.

Kushangumuka 30:1

Omo Lakele wamwene ngeci ikeye kesi na mwana yanakiti kuli Yakomba, co wazivilile ndokazi yendi lifuwa, wendekele kuli Yakomba ngwendi, “Nange njishaka kukita, nga kunjikiti, co njitsa.”

1 Vimyene 1:1

Ololo Mwene Ndaviti nakuluvala laja, co nameme vangamba vendi vakele nakumufwika kambilititi, oloni kasele kuziva ntwima.

2 Vimyene 4:14

Elisha wehwile Ngehazi ngwendi, “Vikajo njasa kumukwasa ou munakazi?” Co Ngehazi wakumbulwile ngwendi, “Mwa vushunga ou munakazi kesi na mwana, co lalo munalume wendi nakuluvala.”

Luka 1:5

A matangwa a Helonde, mwene wa Yundeya, kwakele muka-kukombelela lizina lyendi Zakaliya, wa ku cikota ca Aviya. Lizina lya munakazi wendi lyapwile Elizaveta, nendi lalo wapwile wa ku naanga ya vaka-kukombelela.

Luka 1:6

Voshe vapwile vaka-vushunga ku mesho a Njambi, vendele mwamuvwa nakwononoka mashiko oshe a Shukulu Kalunga.

Luka 1:8

A litangwa limo Zakaliya wakele nakupanga vipangi vyendi vyakukombelela mu Njuvo ya Shukulu Kalunga, a simbu yendi ya vipangi vyakukombelela.

Loma 4:19

Avilahama a simbu ije wakele na myaka 100, oloni kukulaela kwendi kukwazeyele omo wayongwele a muvila wendi uje wakele kuyehi na kutsa, nambe a cuma cije ngeci Sala kasa kukita vana.

VaHevelu 11:11

Akukulaela, Avilahama wapwile cisemi nambe ikeye wakuluvalele manene, co na Sala lalo kasele kukala na vana. Wakulaelele kuli Njambi kunyunga cikulaeso cendi.

1 Samwele 1:2

Elekana wambatele vanakazi vavali, umo lizina lyendi Hana, co mukwavo lizina lyendi Penina. Penina wakele na vana, oloni Hana kakele na vana.