Luka 1:65 - Livulu lya Shukulu Kalunga

⁶⁵ Vandambo voshe vakele na lyova, co muzimbu wa vyuma evi washandokelele mu lifuti lyoshe lya minkinda mu Yundeya.

Luka 1:65 Iomraidhean Croise

Mateo 2:1

Omo Yesu wasemukile mu Mbetelehema, mu lifuti lya Yunda, a simbu ya Mwene Helonde, vaka-mana vatundile mu ngangela, vakevo valilongesele vya vingongonosi, vezile ku Yelusalema

Luka 1:39

A matangwa aje Maliya waile vwasi-vwasi ku lifuti lya minkinda lya mu Yundeya.

Luka 2:18

Co voshe vaje vawazivile valikomokelele a vyuma vije vivendekele tunyungi.

Luka 5:26

Co voshe valikomokelele manene! Vazivile lyova, vashangazalele Njambi vendekele ngwavo, “Lelo tunamono vyuma vyakukomokesa!”

Luka 7:16

Voshe vazivile lyova, co vashangazalele Njambi, vendekele ngwavo, “Muka-kwimanena wakama nasholoka akati ketu, Njambi naija nakwovola vanu vendi!”

Vilinga vya Miluwa 19:17

Co vaYunda voshe na vaje kesi vaYunda vaje vakele mu Efeso vazivile cuma eci, co vakele na lyova, co lizina lya Mwene Yesu valisingimikile manene.

Vilinga vya Miluwa 2:43

Co vikomokeso na vizivukiso vyavingi vivalingile miluwa, co vanu voshe vazivile lyova.

Vilinga vya Miluwa 5:11

Co cikungulukilo coshe na vanu voshe vaje vazivile vyuma evi vakele na lyova lyakama.

Vilinga vya Miluwa 5:5

Aje vene omo Ananiya wazivile majwi awa, wawililile asi watsile, co voshe vacizivile vakele na lyova.

Yoshwa 10:40

Yoshwa wahyanene lifuti lyoshe. Co wafungulwile lalo vimyene va mu lifuti lya malundu, na lifuti lyakungulumuka, na lifuti lya ku vushelumukilo vwa malundu lya mu kangombe ka yambi, na lifuti lyakujeneka mema mu mbwela, naumo wai wasalelemo na mwonyo, co wanyongesele voshe, ngwe muje mwashikile Shukulu Kalunga Njambi ya Isalele.

Yoshwa 10:6

Co vanalume va ku Ngimbiyone vatumine lijwi kuli Yoshwa ku cilombo ca ku Ngilingale ngwavo, “Shukulu, kesi utukengese nima yetu vangamba vove embwe! Zambulako wakutukwase! Twamene! Vimyene voshe va vaAmoli vanalikumbasana amo nakutulwisa!”

Kujombolola 11:11

Munima ya matangwa atatu na litambelo, co muku wa mwonyo watundile kuli Njambi wakovelele muli vakevo, co vemanene, co voshe vaje vavamwene vazivile lyova.