Luka 1:30 - Livulu lya Shukulu Kalunga

³⁰ Co kangelo wendekele kuli ikeye ngwendi, “Kesi uzive lyova Maliya, omwo unawana kutetela kuli Njambi.

Luka 1:30 Iomraidhean Croise

Kushangumuka 6:8

Oloni Shukulu Kalunga wavwaelelele na Nowa.

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 41:14

Shukulu Kalunga nendeka ngwendi, “Isalele nameme munapu muvavandondo, kesi muzive lyova. Yange Njambi wakujela wa Isalele, njikamyamena nakumyovola.

Isaya 44:2

Yange Kalunga uje wamitangele, tunde a simbu ije mwasemukile, njinamikwasa. Kesi uzive lyova, yove unapu ngamba yange, vanu vange vakwangula vaje vanjazema.

Mateo 14:27

Oloni Yesu wendekele navo ngwendi, “Simpeni! Yange, kesi muzive lyova!”

Mateo 28:5

Oloni uje kangelo wendekele kuli vaje vanakazi ngwendi, “Kesi muzive lyova. Omwo njinazivuka ngwange mushakezeka Yesu, uje ivashukikile a cilindakano.

Luka 1:13

Oloni kangelo wendekele kuli ikeye ngwendi, “Kesi uzive lyova Zakaliya! Njambi nazivi lilombelo lyove, munakazi wove Elizaveta akakita mwana wa munalume, co ukamuluka lizina lyendi Yowano.

Luka 12:32

“Kesi muzive lyova, yeni mbunga yaindondo, omwo Ishweni navwaelela kumyana Vumwene.

Vilinga vya Miluwa 27:24

nakwendeka ngwendi, ‘Kesi uzive lyova, Paulu! Unapande kwimana ku mesho a Nguvulu. Co Njambi nakunyungila voshe ava ulinakujavuka navo mu vwato.’

Loma 8:31

Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

VaHevelu 13:6

Ngecivene, tupweni vaka-kusimpa nakwendeka ngwetu, “Shukulu Kalunga ikeye mukwasi wange, co kunjizivi lyova. Munu asa kunjilinga vikajo?”