Luka 1:20 - Livulu lya Shukulu Kalunga

²⁰ Oloni yove kuwakulaelele majwi ange, aje akapwa a vushunga omwo simbu yawo iketa. Omwo kuwakulaelele, ukapwa u kaveveve, ukoloka kuluu noo litangwa lije cikulaeso cange kuli yove cikapwa ca vushunga.”

Luka 1:20 Iomraidhean Croise

2 Vimyene 7:19

co uje mwata wakumbulwile ngwendi, “Eci kucikalingiwa embwe, nameme vene nga Shukulu Kalunga atuma nyonzi a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

2 Vimyene 7:2

Co uje katumwa ka mwene wendekele kuli Elisha ngwendi, “Eci kucikalingiwa embwe, nameme vene nga Shukulu Kalunga atuma nyonzi yakama a simbu ino!” Co Elisha wamukumbulwile ngwendi, “Ukacimona omo cikalingiwa, oloni yove kuukaliko vimo ku vyakulya vije.”

Kutuuka 4:11

Co Shukulu Kalunga wendekele kuli ikeye ngwendi, “Iyajo watangele kanwa ka munu? Iyajo wamupwisa kasinda-matwi nameme kaveveve? Iyajo akamumwesa nameme kumupwisa kapuputwa? Kuma kesi yange Kalunga njikalingimo ndi?

Isaya 7:9

Isalele kuyesi na nzili yakutuvakana Samaliya nganda yayo yakama, co samaliya kuyesi na nzili yakutuvakana Mwene Peka. “Nga kukulaela kweni kucikakolesa, co kumukakolesa embwe.”

Ezekiyele 24:27

A litangwa lije vene, kanwa kove kakashokoloka, co ukasimutwiya nendi. Mu ngila eyi vene, ukapwa cimweso kuli vanu, co vakevo vakazivuka ngeci yange njapwa Kalunga.”

Ezekiyele 3:26

Njikakakatesa ndaka yove ku ndakwilo, ngeci kuukasa kunangula vanu ava vaka-kutengulukila.

Ndanyele 10:15

Omo wakele nakwendeka majwi awa kuli yange, co njakengele asi kunjasele kwendeka.

Kulava 20:12

Oloni Shukulu Kalunga wendekele kuli Mosesa na Alone ngwendi, “Yange njapwa wakujela, oloni kumwakulaelele nakunjisingimika ku mesho a vanu va Isalele. Ngecivene, kumukasa kukovelesa mbunga eyi mu lifuti lije njavakulaesele kuvana.”

Mako 16:14

Akukotoka, Yesu walisholwele kuli vandongisi likumi na umo omo vakele nakulya. Co wavaluvalesele, omwo kuvakulaelele, nomwo vakaluwisile vimbunge vyavo omwo kuvakulaelele vaje vamumwene omo wasangukile.

Mako 9:19

Co Yesu wendekele kuli vakevo ngwendi, “Yeni vaka-kujeneka kukulaela! Visimbu vingaijo njikakala neni? Visimbu vingaijo njinapande kuyanda omwo yeni? Neneni owo mukwenje kuno kuli yange!”

Luka 1:19

Co kangelo wamukumbulwile ngwendi, “Yange Ngambiliyele muka-kupangela Njambi uje nanjitumu kwendeka nove nakukunenela muzimbu ou wauvwa.

Luka 1:21

A simbu ije vene vanu vakele nakuvandamena Zakaliya, vakele nakulikomokela omwo weshwalele manene mu Njuvo ya Shukulu Kalunga.

Luka 1:22

Omo Zakaliya watuukilemo, kasele kwendeka kuli vakevo, co vazivukile ngwavo namono cimona mu Njuvo ya Shukulu Kalunga. Akwonwa kwendeka lijwi limo, walingile vimweso kuli vakevo na mavoko endi.

Luka 1:45

Yove unavezika akukulaela ngeci lijwi lya Shukulu Kalunga kuli yove likapwa lya vushunga!”

Luka 1:64

A simbu ije vene Zakaliya wasele kwendeka lalo, co washangumukile kushangazala Njambi.

Loma 3:3

Oloni vatijo nga vamo vavo kuvapwile va kulongwa? Eci cinalumbunuka ngeci Njambi kesi muka-vushunga ndi?

2 Timateo 2:13

Nga kutupu va kulongwa, Ikeye anga wapwa wa kulongwa, omwo kasa kulivyana ikeye vavenya.”

Tito 1:2

vuje vunemana a cinyangavili ca mwonyo uje wa myaka yoshe. Njambi uje kesi kukwisa, watukulaesele mwonyo ou simbu kanda vatange kaye,

VaHevelu 6:18

Ngecivene, kuli vyuma vivali vije kuvitava kuvitengulula nambe a vikevyo Njambi kasa kwendeka makuli. Ngecivene, kuli yetu vaje vanawana kwamena muli ikeye vanatutakamesa manene na lukakateya mbe ku cinyangavili cije vanatutulikila kulutwe.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.