Luka 1:17 - Livulu lya Shukulu Kalunga

¹⁷ Akaya kulutwe lwa Mwene, na nzili na vukama ngwe Elinja muka-kwimanena. Akelwisila vaishavo na vana amolika, akatengulula vaka-kujeneka kwononoka nakuvelwisila lalo ku ngila yakuyongola ngwe vaka-vushunga, akavwaesela cimweja vanu va Mwene ngeci vamukengelele.”

Luka 1:17 Iomraidhean Croise

1 Vimyene 17:1

Muka-kwimanena umo lizina lyendi Elinja, wa ku Tisheve mu Ngilyande, wendekele kuli Mwene Ahave ngwendi, “Mu lizina lya Shukulu Kalunga, Njambi wakuyoya wa Isalele, ou injipangela, njikuleka ngwange kukukakala lime nambe nyonzi mu myaka ivali nambe itatu kuvanga noo yange njinendekamo.”

1 Vimyene 18:18

Elinja wamukumbulwile ngwendi, “Kesi yange muka-kuyandesa. Muka-kuyandesa napu yove na isho. Kuwesi kwononoka mashiko a Shukulu Kalunga, co ukalemesa tumponya va Mbale.

1 Vimyene 21:20

Omo Ahave wamwene Elinja, wendekele ngwendi, “Wanjiwana oni citozi cange?” Elinja wakumbulwile ngwendi, “Eyo, njakuwana. Yove wakakateya kulinga vije vya vunyengwe ku mesho a Shukulu Kalunga.

2 Vimyene 1:16

co wakendekele kuli ikeye ngwendi, “Omu mukemwo mwanendeka Shukulu Kalunga ngwendi, ‘Yove watumine miluwa kuli Mbalezevuve, njambi wa Ekelone nakumwihula, ngwe mu Isalele kumwesi Njambi wakwihula, co kuukenduka kukuvulumuka kwove, oloni ukatsa!’ ”

1 Mizimbu 29:18

Yove Shukulu Kalunga Njambi ya vakukulwila vetu va Avilahama, na Isake, na Yakomba, nyunga viyongola vyakulinga ngeci mu vimbunge vya vanu vove na kwaka vimbunge vyavo kuli yove.

2 Mizimbu 29:36

Co Mwene Hezekiya amo na vanu vavwaelelele, omwo Njambi wavakwasele kulinga vyoshe evi mu vwasi.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 111:10

Kukomoka Shukulu Kalunga kunapu vushangumukilo vwa mana, voshe vaje vanyunga mashiko endi vali na mana. Vashangazale Shukulu Kalunga ku myaka yoshe!

Myaso 78:8

Vakevo kuvakapu ngwe vakukulwila vavo, vanu vakukaluwa vimbunge nakujeneka kwononoka, vanu vaje kuvakulaelele Njambi, co kuvapwile va kulongwa kuli ikeye.

Isaya 29:24

Vaje voshe vanapu vilema vakazivuka mana, na vaje vaka-kulinyenga simbu yoshe vakononoka vilongesa vyange.”

Amose 4:12

“Ngecivene, yeni vanu va Isalele, njikaminyanyamesa. Omwo njinayongola kulinga cuma eci kuli yeni, co livwaeseleni cimweja kusompa cange!”

Mateo 11:14

Co nga muli na cizango cakukulaela muzimbu wavo, Yowano ikeye vene Elinja uje ivatumbwile ngwavo akaija.

Mateo 14:4

Omwo Yowano Muka-kumbwitika walekele Helonde ngwendi, “Kesi mwamuvwa kwambata Helondiya!”

Mateo 3:3

Omo ou ikeye Yowano uje yatumbwile Isaya muka-kwimanena ngwendi, “Lijwi lya umo atambeka mu mambo ngwendi, ‘Vwaeseni tapalo ya Shukulu Kalunga, sheveni mu ngila yendi ngeci akwitilemo!’ ”

Mateo 3:4

Yowano wazalele vuzalo vwa maka a kamelo, na mwiva wa cipapa mu mbunda yendi, co vyakulya vyendi vyapwile vimbimba mikumbi na vuki.

Luka 1:16

co akelwisila vanu vavangi va Isalele kuli Shukulu Kalunga Njambi yavo.

Luka 1:76

“Co yove munange, vakakutumbula muka-kwimanena wa Njambi wa Akamwa ya Vyoshe. Co ukatwama kulutwe lwa Mwene mukuvwaesa ngila yendi,

Yowano 1:13

Vakevo kuvapwile vana va Njambi ku cisemwa ca ano asi embwe, cisemwa cakusemuka ku munalume, oloni Njambi vavenya ikeye wapwile ishavo.

Yowano 1:34

Co Yowano wendekele ngwendi, ‘Yange njamumwene, co njimileka ngwange ou ikeye Muna Njambi.’ ”

Yowano 3:28

Yeni mu vakaleo vange ngeci muje njendekele ngwange, ‘Kesi yange Wakuvwavesa, oloni vananjitumu kulutwe lwendi.’

Vilinga vya Miluwa 10:33

Ngecivene, njatumine vwasi-vwasi vanu kuli yove, co unavwaesa omo unaija. Ololo yetu voshe tuli kuno ku mesho a Njambi tunavandamena kutolilila vyuma vyoshe ovyo vyanakuleka Mwene ngeci uvyendeke.”

Loma 9:23

Co lalo washakele kusholola vumpau vwendi vwakama, vuje wetilile ali yetu vaje amwesa mema ku mbunge, yetu vaje navwaesa ngeci tutambule vumpau vwendi.

Kolose 1:12

Co nakujolela kandeleleni kuli Tate uje namilingisa ngeci mupwemo mu kukala na mutambela kuli vije Njambi natulikila vanu vendi mu vumwene vwa ceke.

2 Timateo 2:21

Voshe vaje valijelesa vakevo vavenya ku vyuma vyoshe vije vyavivi, vakavapangesa ku vutumbe vwavuvwa, omwo vanalikundika kuli Shukulu yavo kuvapangesa, co vanalivwaesela cimweja kuvapangesa ku vipangi vyavivwa.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Yowano 2:28

Eyo, vana vange, kaleni muli ikeye, ngeci tukashule nakusimpa akajomboloka, kesi tukazive shwamwa ku mesho endi a Litangwa lije omo akaija.

Kujombolola 20:4

Asinoni njamwene matanda, co vaje vatumbameneo vavaanene nzili yakusompa. Co njamwene myonyo ya vaje vavatsiile omwo vambulwile vushunga vuje vwasholwele Yesu amo na lijwi lya Njambi. Kuvalemesele uje cikashama nambe kamponya kendi, nambe vakevo kuvatambwile cizivukiso ca uje cikashama a maholo avo nambe a mavoko avo. Vasangukilile ku mwonyo nakushwana ngwe vimyene amo na Kilistu myaka 1,000.

1 Samwele 7:5

Asinoni Samwele wasanene vaIsalele voshe valiwanene ku Mizipa, co wavalekele ngwendi, “Njikamilombelela kuli Shukulu Kalunga kuje vene.”