Luka 1:15 - Livulu lya Shukulu Kalunga

¹⁵ Akapwa wakama ku mesho a Shukulu Kalunga. Kakanu vinyu nameme vyuma vyakulula vije vipendesa. Tunde akusemuka kwendi akashula na Munzinzime Wakujela,

Luka 1:15 Iomraidhean Croise

Kushangumuka 12:2

Njikatumisa vatekulwila vove, co vakapwa muyati wakama. Njikakuvezikisa nakutsimanesa lizina lyove, ngecivene, vavangi vakawana kuvezika muli yove.

Kushangumuka 48:19

Oloni ishe wavyanene, wendekele ngwendi, “Njizivuka munange, yange njazivuka. Vatekulwila va Manase lalo vakakala na vanu vavangi. Oloni ndolome yendi wa mwanike akapwa wakama kumuhyana, co vatekulwila vendi vakapwa muyati wakama.”

1 Mizimbu 17:8

Njakele amo nove kwoshe kuje kuwaile, co njafungulwile vitozi vove voshe ngwe omo wakele nakuya kulutwe. Co njikakutsimanesa kupwa ngwe vantwama vakama va mu kaye.

1 Mizimbu 29:12

Vufuko vwoshe na kasingimiko vyatunda kuli yove, washwana vyuma vyoshe na nzili yove na vukama vwove, co yove wasa kupwisa munu woshe kupwa wakama na nzili.

Myaso 22:9

Oloni yove wanjinyungile tunde akusemuka na simbu yakunjilela.

Njelemiya 1:5

“Njakuzivukile simbu kanda uwile mwimo lya vanyoko, njakwangwile simbu kanda usemuke ngeci upwe muka-kwimanena wange ku miyati ya vanu.”

Njelemiya 35:6

Oloni vakumbulwile ngwavo, “Yetu kutwesi kunwa vinyu, omwo kukulwila yetu Yonandave muna Lekave watulekele ngwendi nambe yetu nameme vatekulwila vetu kesi tunwe vinyu embwe.

VaLevi 10:9

“Yove na vana vove va vanalume kesi mukovele mu Mbalaka Mwakuliwanena omo munanu vinyu nambe vwala. Nga mulingamo, co mukatsa. Eli likelyo lishiko lya ku myaka yoshe limukanyunga na vatekulwila veni voshe ku visemwa vyoshe vya kulutwe.

Zakaliya 9:15

Shukulu Kalunga Muka-nzili yoshe akanyunga vanu vendi, co vakanyongesa vitozi vavo. Vakatambeka mu nzita ngwe vaka-kupenda, co vaketila maninga a vitozi vavo, maninga a vitozi vavo akasindumuka ngwe maninga a vin̄ombelo aje vaketila a mutula kutunda a lilonga!

Luka 1:14

Ukavwaelela nakujolela, co vavangi vakalisamba akusemuka kwendi!

Luka 7:28

Mwa vushunga njimileka ngwange, ku vanu voshe vaje vanakalako, kukwesi umo natuvakana Yowano. Oloni nameme ngoco uje wamundondo mu Vumwene vwa Njambi ikeye natuvakana Yowano.”

Luka 7:33

Omo Yowano Muka-kumbwitika wezile, kalile vyakulya nambe kunwa vinyu, co mwendekele ngweni, ‘Ali na munzinzime wakujwala!’

Yowano 5:35

Yowano wapwile ngwe ndeya, washukumine nakutwa ceke, co mwavwaelelele kasimbu lika mu ceke cendi.

Vilinga vya Miluwa 2:4

Co voshe vashulile na Munzinzime Wakujela, co vashangumukile kwendeka mu vindaka vyeka ngwe omo Munzinzime wavasesele ngeci vendeke.

Ngalatiya 1:15

Oloni Njambi mu kutetela kwendi wanjangwile omo kanda njisemuke, co wanjisanene mukumupangela. Co omo wayongwele

Efeso 5:18

Kesi mupende na vinyu, vije vyasa kumiviisa, oloni shuleni na Munzinzime.

Yoshwa 3:7

Asinoni Shukulu Kalunga wendekele kuli Yoshwa ngwendi, “Ku litangwa lya lelo njikakupwisa uwakama ku mesho a vanu voshe va Isalele ngeci vazivuke ngwavo ngwe muje munjakele na Mosesa mukemwo lalo munjikakala nove.

Yoshwa 4:14

A litangwa lije Shukulu Kalunga waamesele Yoshwa ku mesho a vanu va Isalele, co vamuzivilile lyova nakumusingimika matangwa oshe akuyoya kwendi, ngwe muje muvasingimikile Mosesa.