Loma 9:4 - Livulu lya Shukulu Kalunga

⁴ Vanapu vanu va Njambi, navapwisa vana vendi nakuvasholwela vumpau vwendi, walingile vikumiiyo navo nakuvana Lishiko, vakalemesa mwa vushunga, vanatambula vikulaeso vya Njambi,

Loma 9:4 Iomraidhean Croise

Kushangumuka 15:18

A litangwa lije vene, Shukulu Kalunga walikumiiye cikumiiyo na Avilama ngwendi, “Njikulaesa kwana lifuti eli lyoshe ku vatekulwila vove, kutunda ku nginga ya Ingito nakweta ku Ndonga ya Yufuleti,

Kushangumuka 17:10

Eci cikeco cikumiiyo cange cimunapande kunyunga, eci njalikumiiya mukati kange nove na vatekulwila vove vaje vakaija munima yove, ngeci munalume woshe ali akati keni napande kutuuka.

Kushangumuka 17:2

njikalikumiiya cikumiiyo nove, co njikatumisa vatekulwila vove.”

Kushangumuka 17:7

“Njikakolesa cikumiiyo cange kuli yove na kuli vatekulwila vove ku visemwa vyavo vyoshe vya kulutwe. Cikapwa cikumiiyo cije kucesi kuhwa ca ku myaka yoshe, ngeci njikapwa Njambi yove, na Njambi ya vatekulwila vove.

Kushangumuka 32:28

Asinoni uje munalume wendekele kuli ikeye ngwendi, “Lizina lyove kuvakalitumbula lalo Yakomba embwe, oloni Isalele omwo yove unalu na Njambi na vanu lalo, co unahyana.”

1 Vimyene 8:11

ngeci vaka-kukombelela kuvasele kwilukilamo nakupanga vipangi vyavo, omwo vumpau vwa Shukulu Kalunga vwashulisile mu Njuvo ya Shukulu Kalunga.

Nehemiya 13:29

Anuka, yove Njambi, vanu ava vanajwalesa njuvo ya vaka-kukombelela na cikumiiyo ciwalingile na vaka-kukombelela na vaLevi.

Myaso 147:19

Atuma majwi endi kuli vanu vendi, atuma vilongesa vyendi na mashiko endi ku Isalele.

Myaso 63:2

Njamwene nzili yove na vumpau vwove, mu Njuvo yove yakujela.

Myaso 73:1

Mwa vushunga Njambi wakala na ngozi ku Isalele, kuli vaje vanajele mu vimbunge.

Myaso 78:61

Watavele vitozi vavo kwambata Cikasa ca Cikumiiyo, cimweso ca nzili yendi na vumpau vwendi.

Myaso 89:3

Yove wendekele ngwove, “Njinalingi cikumiiyo na uje injinaangula, njinalisingi na ngamba yange Ndaviti,

Myaso 89:34

Kunjikapokola cikumiiyo cange kuli ikeye embwe, nambe kutengulula vije vinjinendeka.

Myaso 90:16

Vilinga vyove visholoke kuli vangamba vove, na vumpau vwove vusholoke ku vatekulwila vetu.

Kutuuka 12:25

Co omo mukakovela mu lifuti lije Shukulu Kalunga walikulaesele kumyanalyo, munapande kunyunga cilika eci.

Kutuuka 34:27

Shukulu Kalunga wendekele kuli Mosesa ngwendi, “Soneka majwi awa, omwo akewo anapu nsina ya majwi awa njilinakulikumiiya cikumiiyo amo nove na vaIsalele.”

Kutuuka 4:22

Asinoni ukendeka kuli mwene ngwove Shukulu Kalunga nendeka ngwendi, ‘Isalele wapwa munange wa munalume, ikeye ntwatwa yange.

Kutuuka 40:34

Asinoni lishelwa lyafwikile Mbalaka, co ceke ca vumpau vwa ku mesho a Shukulu Kalunga cashulisile Mbalaka.

Isaya 41:8

“Oloni yove, Isalele ngamba yange, yeni mwapwa muyati uje unjaangwile, vatekulwila va musamba wange Avilahama.

Isaya 46:3

“Njitolilileni, yeni vatekulwila va Yakomba, yeni voshe mwasalao kuli vanu vange. Njinamilele tunde ku simbu ije mwasemukile.

Isaya 5:2

Waliminemo nakutundisamo mamanya, co wakunine mikolovozi ya vushuka vwa vinyu yaivwa. Co watungile kaposhi kakuvingilila, wendile mbulu yakukamwinamo vinyu. Wavandamenene vushuka vuhye, oloni vushuka vwoshe vwapwile vwakukamata.

Isaya 60:19

“Litangwa kulikapu lalo ceke cove ku simbu ya mutanya, nambe ngonde kutwa lyezi ku simbu ya vutsiki, yange Kalunga, njikapwa ceke cove ku myaka yoshe, Njambi yove ikeye akapwa vumpau vwove,

Njelemiya 31:20

“Isalele, yove wapwa munange injazema manene, wapwa mwana injazema manene kutuvakana. Nameme njishaka kukunyanyamesa, anga vene njikuyongola. Mbunge yange ikushaka manene, co njikakuzivila mema ku mbunge.

Njelemiya 31:33

Cikumiiyo caciha cije njikalikumiiya na vanu va Isalele cikapwa eci, njikaka lishiko lyange muli vakevo, nakulisoneka mu vimbunge vyavo. Yange njikapwa Njambi yavo, navo vakapwa vanu vange.

Njelemiya 31:9

Vanu vange vakaija nakulila, nakulombela omo njivatwamenena mukuvelwisa. Njikavatwamenena ku vana va vindonga vya mema, mu ngila yaivwa muje kuvakasa kutanuka. Yange njapwa ishe ya Isalele, co Efalime ikeye munange wa ntwatwa.”

Ezekiyele 1:28

co cije ceke cakele na mivembe ya cifwa ca nkongolo. Eci cikeco ceke cakuvyazima cije cisholola vumpau vwa Shukulu Kalunga.

Hoziya 11:1

Shukulu Kalunga alinakwendeka ngwendi, “Omo Isalele wapwile mwanike, njamuzemene, tunde a simbu ije watundile mu Ingito, co njamutumbwile ngwange munange.

Kulava 7:89

Omo Mosesa washakele kwendeka na Shukulu Kalunga, co wakovelele mu Mbalaka Mwakuliwanena, co wazivile lijwi lya Shukulu Kalunga lyakele nakwendeka nendi akamwa ya cikasa ca Cikumiiyo mukati ka vakelumbi va mambava vavali.

Mateo 21:33

Yesu wavalekele ngwendi, “Tolilileni ku cisimo cikwavo. Kwakele munalume umo wakele na citungu ca mikolovozi ya vushuka vwa vinyu, wasitileko cipatanga, wendilemo citeke cakukamwina vinyu, co watungile kaposhi. Asinoni wasezele cije citungu ku vaka-kupanga, co waile vungenzi ku lifuti lyeka.

Yowano 1:17

Omwo Njambi waanene Lishiko lyendi ali Mosesa, oloni kutetela na vushunga vinaija ali Yesu Kilistu.

Yowano 1:47

Omo Yesu wamwene Natanele alinakwija kuli ikeye, co wendekele vyendi ngwendi, “Ou ikeye kaIsalele wa vushunga, muli ikeye kumwesi makuli!”

Vilinga vya Miluwa 2:39

Omwo cikulaeso ca Njambi vacilingile kuli yeni na kuli vana veni, na kuli voshe vali kulyala, vaje voshe vanasana Shukulu Kalunga Njambi yetu vaije kuli ikeye.”

Loma 3:2

Cuma cakama manene mu vingila vyoshe! Mu mutambela wakulivanga, Njambi wakundikile lijwi lyendi kuli vaYunda.

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

Loma 9:6

Kunjendeka ngwange cikulaeso ca Njambi cinonwa embwe, omwo kesi vanu voshe va Isalele vanapu vanu va Njambi embwe.

2 Kolinte 11:22

Vakevo vanapu vaHevelu ndi? Co nange lalo munjinapu. Vanapu vaIsalele? Nange lalo munjinapu. Vanapu vaka-naanga ya Avilahama ndi? Nange lalo munjinapu.

Ngalatiya 3:16

Ololo, Njambi nalingi cikulaeso cendi kuli Avilahama na ku naanga yendi. Visoneka kuvyendekele ngwavyo “Vinaanga,” kulumbununa vanu vavangi, oloni ngwavyo “naanga,” kulumbununa munu umolika, ikeye Kilistu.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Kwituluka mu Mashiko 14:1

“Yeni munapu mu vanu va Shukulu Kalunga Njambi yeni. Ngecivene, omo mukalila a kutsa, kesi mukalicate a mivila yeni nambe kuteula vin̄ambu vya kumukulo wa maholo eni embwe, ngwe muvakalingi vanu vamo.

Kwituluka mu Mashiko 29:1

Awa akewo majwi a cikumiiyo cije cashikile Shukulu Kalunga Mosesa kulinga na vana va Isalele mu lifuti lya Mowavi, mukuwezelela ku cikumiiyo cije calikumiiye Shukulu Kalunga na vakevo a Munkinda wa Sinai.

Kwituluka mu Mashiko 29:14

Shukulu Kalunga kesi nakulikumiiya cikumiiyo eci neni lika embwe,

Kwituluka mu Mashiko 31:16

Co Shukulu Kalunga wendekele kuli Mosesa ngwendi, “Ololo ukatsa, co omo unatsi laja, vanu vakajeneka kunjononoka, co vakapokola cikumiiyo cije njalikumiiye navo. Vakanjiseza nakulemesa vinjambi va mu lifuti lije livakakovela.

Kwituluka mu Mashiko 4:13

Ikeye wamilekele vije mwapande kulinga mukunyunga cikumiiyo cije mwalikumiiye nendi, cakunyunga Mashiko Likumi, aje ikeye waasonekele a vitale vivali vya mamanya.

Kwituluka mu Mashiko 7:6

Shukulu Kalunga Njambi yeni wamyangwile kupwa vushwana vwendi kutuvakana vanu voshe vali ano asi ngeci mukapwe vanu vendi vakujela.

VaHevelu 9:1

Cikumiiyo cakulivanga cakele na mashiko akulemeselamo, co vanu vapangele mwela wakulemesela.

VaHevelu 9:10

omwo vikevyo vinemanena lika ku vyakulya nakunwa, na vilika vyakuliseza-seza vyakulijelesa. Evi vyoshe vinapu mashiko a anja, evi vikalingiwa noo a simbu ije Njambi akatengulula vyuma vyoshe.

VaHevelu 9:3

Kunima ya nanga yamucivali kwakele mbalaka ije vatumbwile ngwavo Mwela Wakujela Manene.

VaHevelu 9:5

Co akamwa ya Cikasa akele vakelumbi vaje vapwile vaka-kwimanena vumpau vwa ku mesho a Njambi, co na mambava avo akujangumuka akamwa ya mutambela wakusambesela vivi. Oloni ino kesi ikeyo simbu yakunungulula vyuma vyoshe cimo na cimo.

VaHevelu 9:6

Eyi ikeyo ngila ivavwaesele vyuma voshe evi. Vaka-kukombelela vakele nakukovela mu Mbalaka ya anja a litangwa na litangwa nakupanga vipangi vyavo,