Loma 9:32 - Livulu lya Shukulu Kalunga

³² Omwo vikajo? Omwo kuvajendamenene akukulaela oloni vajendamenene a vije vivalingile. Co vatanukile a “limanya lyakutanukisa”

Loma 9:32 Iomraidhean Croise

Isaya 8:14

Omwo Akujela kwange kwakukomokesa, njapwa ngwe limanya lyakutanukisa vanu, njapwa ngwe mweto wakukwikiya vanu va vumwene vwa Yunda na Isalele, na vanu va Yelusalema.

Isaya 8:15

Vavangi vakatanuka, vakawa nakutsenuka. Co vakavafungulula nakuvakokela kulyala.”

Mateo 13:57

Co vakevo vamuvyanene. Oloni Yesu wendekele kuli vakevo ngwendi, “Muka-kwimanena kesi na kasingimiko hembo lyendi na ku vavushoko vwendi na ku naanga yendi kuvanga kweka.”

Luka 2:34

Co Simyoni wavavezikisile wendekele kuli Maliya ngwendi, “Mwanike ou vamwangwile kuli Njambi mukunyongesa nakwamena vavangi mu Isalele. Akapwa cizivukiso cakutunda kuli Njambi cije vanu vavangi vakendeka nakucilwisa,

Luka 7:23

Vanavezika vaje kuvesi na vimata ali yange!”

Loma 10:3

Omwo kuvazivukile ngila ije yakapwisa Njambi vanu ngeci vapwe vaka-vushunga ku mesho endi, oloni vakevo vaneseka kupangesa ngila yavo vavenya, ngecivene, kuvasele kulyana vakevo vavenya ku ngila ya Njambi ije yakapwisa vanu ngeci vapwe vaka-vushunga.

Loma 11:11

Ngecivene, njihula ngwange, omo vaYunda vatanukile, kuma vawile nakunyonga ndi? Embwe kesi ngoco! Omwo valingile vuvi, kwamena kunaija kuli vaje kesi vaYunda, ngeci vaYunda vazivile lifuwa vaje kesi vaYunda.

Loma 4:16

Co cikulaeso cajendamenene akukulaela, ngeci cikulaeso vanapande kucikolesa kupwa vwana vwa Njambi ku vatekulwila voshe va Avilahama, kesi lika kuli vaje vononoka Lishiko embwe, ololo na kuli vaje vakulaela ngwe mwalingile Avilahama. Omwo Avilahama napu tate yetu voshe vaka-kukulaela.

1 Kolinte 1:23

Oloni yetu, tulinakwambulula Kilistu wakushukika a cilindakano, muzimbu uje unapu citanukiso kuli vaYunda na vulema kuli vaje kesi vaYunda,

1 Petulu 2:6

Omwo visoneka vyendeka ngwavyo, “Njinaangula limanya lya seo yakama, limanya lya mu mbango mu Siyone, co woshe uje akulaela kuli ikeye kakazivi shwamwa.”

1 Petulu 2:8

Co visoneka vikwavo vyendeka ngwavyo, “Eli linapu limanya lyakutanukisa vanu, likelyo limanya lije likavawisa.” Vatanukile omwo kuvakulaelele ku lijwi, eci capwile cizango ca Njambi kuli vakevo.