Loma 9:30 - Livulu lya Shukulu Kalunga

³⁰ Ngecivene, twendeka ngwetu vaje kesi vaYunda, vaje kuvalipwisile vakevo vavenya vaka-vushunga ku mesho a Njambi, vavapwisile vaka-vushunga ku mesho endi akukulaela,

Loma 9:30 Iomraidhean Croise

Visimo 15:9

Shukulu Kalunga akazivi vunyengwe a vingila vya vaka-vuvi, oloni wazema vanu vaje valinga vya vushunga.

Visimo 21:21

Munu uje alinga vushunga na ngozi, akawana mwonyo, na vushunga na kasingimiko.

Isaya 51:1

Shukulu Kalunga alinakwendeka ngwendi, “Tolilileni kuli yange, yeni mushaka kumyamena, yeni mwija kuli yange mukumikwasa. Yongoleni limanya kuje kumwatundile, na ku mbulu kuje kuvamiindile.

Loma 10:10

Omwo akukulaela kwetu mukemwo vanatupwisa vaka-vushunga ku mesho a Njambi, akulitavela kwetu mukemwo tukovoka.

Loma 10:20

Co Isaya nakusimpa wendekele ngwendi, “Vanjiwanene vaje kuvanjishakezekele, njasholokele kuli vaje kuvanjihwile.”

Loma 10:6

Oloni visoneka vyendeka akupwa muka-vushunga ku mesho a Njambi akukulaela ngwavyo, “Kesi ulihule yove vavenya ngwove, iyajo akalonda mwilu?” (Eci cinapu ngeci, ulinakushulula Kilistu asi).

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Loma 4:11

Vamutuwile, co kutuuka kwendi kwapwile cimweso kumwesa ngeci omwo akukulaela kwendi Njambi wamulaveleleco kupwa muka-vushunga simbu kanda vacimutuule. Ngecivene, Avilahama napu ishe ya voshe vaka-kukulaela kuli Njambi, co Njambi navatambula kupwa vaka-vushunga, nambe kuvatuukile.

Loma 4:13

Omo Njambi wakulaesele Avilahama na vatekulwila vendi ngeci vakashwana kaye, walingile eci, kesi ngwe omo Avilahama wononokele Lishiko embwe, oloni omo wakulaelele, co Njambi wamulaveleleco kupwa muka-vushunga.

Loma 4:22

Omu mukemwo Avilahama, akukulaela, “vamulavelelekwo kupwa muka-vushunga ku mesho a Njambi.”

Loma 4:9

Kuma kuvezika kuje kwendekele Ndaviti kwakundama lika kuli vaka-kutuuka ndi? Mwa vushunga vene embwe! Kunakundama lalo na kuli vaje vaka-kujeneka kutuuka. Omwo tunamono laja mu visoneka ngwavyo, “Avilahama wakulaelele kuli Njambi, co omwo akukulaela kwendi Njambi wamulaveleleco kupwa muka-vushunga.”

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

Loma 9:14

Vikajo twendeka? Kuma Njambi kesi muka-vushunga ndi? Embwe, kesi ngoco.

Loma 9:31

oloni vanu va Njambi vaje vashakezekele lishiko ngeci livapwise vaka-vushunga ku mesho a Njambi, kuvaliwanene.

Ngalatiya 2:16

Oloni twazivuka ngeci munu apwa muka-vushunga ku mesho a Njambi akukulaela lika kuli Yesu Kilistu, kesi ngwe mukulinga vije vishakiwa ku Majwi a Lishiko embwe. Netu lalo tunakulaela kuli Kilistu vatupwise vaka-vushunga ku mesho a Njambi akukulaela kuli Kilistu, kesi ngwe mukulinga vije vishakiwa ku Majwi a Lishiko embwe. Omwo ku vilinga vya mashiko munu naumo wai akovoka.

Ngalatiya 3:24

Ngecivene, Mashiko apwile muka-kushika kuli yetu noo Kilistu wezile, ngeci vatupwise vaka-vushunga ku mesho a Njambi akukulaela.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Ngalatiya 5:5

Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Efeso 2:12

A simbu ije mwangunukile kuli Kilistu. Mwapwile mu vangenzi kumwakundamene ku vanu va Njambi vakwangula. Kumwakele na mutambela mu mazivasano, aje emanene a vikulaeso vya Njambi kuli vanu vendi, co yeni mwayoyele ano a kaye kujeneka cinyangavili nakujeneka Njambi.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.

1 Timateo 6:11

Oloni ali yove munu wa Njambi, tewa vyuma vyoshe vije. Kavangeya vushunga na vu Njambi nakukulaela na cizemo na lukakateya na kwoloka.

VaHevelu 11:7

Akukulaela, Nowa wazivile kunangula kwa Njambi a vyuma vya kulutwe vije kasele kumona. Wononokele, ngeci washongele vwato muje ikeye na vana vendi vovokelele. Mu ngila ije, vahisile kaye koshe, co Nowa watambwile kuli Njambi vushunga vuje vwatundile akukulaela.

1 Petulu 4:3

Mwombilile simbu yakama kunima mukulinga vivakazeme kulinga vaje vaka-kujeneka kukulaela. Mwombilile kuyoya kweni mu vuvi na mu mashungu amavi na mukupenda na mukukina na mu vimunga vyakunwa na mu vunyengwe vwakulemesa tumponya.