Loma 9:27 - Livulu lya Shukulu Kalunga

²⁷ Co Isaya atambeka ali vaIsalele ngwendi, “Nameme vanu va Isalele vanatumu ngwe lishen̄avu lya ku kenge ya mema a kalunga, oloni vavandondo lika vakovoka,

Loma 9:27 Iomraidhean Croise

Kushangumuka 22:17

Njikakuvezikisa nakutumisa vatekulwila vove ngwe vingongonosi vya mwilu, nambe ngwe lishen̄avu. Co vatekulwila vove vakafungulula vitozi vavo.

Ezela 9:14

Cooni vatijo twombwanesa mashiko ove lalo nakulyambatela na vanu ava vaka-vivi? Nga tulingamo, co yove ukaluvala manene nakutunyongesa njwa, co naumo wai lalo akasalao.

Ezela 9:8

Co ololo mu kasimbu lika, yove Shukulu Kalunga Njambi yetu, unatuzivila mema ku mbunge, watavele vamo vetu kuputumuka ku vunzinda, nakuyoya mwamuvwa mu mwela ou wakujela. Unatupatula ku vunzinda nakutwana mwonyo wauha.

Isaya 1:1

Cimona ca Isaya muna Amoze, cije camwene ca a Yunda na Yelusalema simbu ije omo Uziya, na Yotame, na Ahaze, na Hezekiya vapwile vimyene va mu Yunda.

Isaya 1:9

Nga Shukulu Kalunga Muka-nzili yoshe kasezeleo vanu vamo, nga Yelusalema yoshe yanyongele, ngwe muvyanyongele vinganda vya Sondoma na Ngomola.

Isaya 11:11

Omo litangwa lije likaija, Shukulu Kalunga akapangesa nzili yendi nakwilwisa vanu vendi vaje vasalele ku Asilya na ku Ingito, na ku Patelose, na ku Sundane, na ku Elame, na ku Mbambilone, na ku Hamate, na ku man̄anda ku mema a kalunga.

Isaya 24:13

Miyati ya vanu vanavanyeka vyuma vyavo vyoshe, vanapu ngwe miti ya olive nambe mikolovozi ya vushuka vwa vinyu a simbu yakumanesa kuteja.

Njelemiya 44:14

Naumo wai wa ali vanu va mu Yunda vaje vasaleleo vaile kukakala ku Ingito vakayoya nambe kwiluka ku Yunda, kuje valinakushaka ngeci vakakaleko lalo simbu yakama. Naumo wai akelukako kuvanga vavandondo lika.”

Njelemiya 5:10

Njikatuma vitozi vakashinja vitungu vya mikolovozi ya vushuka vwa vinyu ya vanu vange, oloni kuvakainyongesa yoshe, njikavaleka ngeci vajokoleko minango, omwo kesi vanu vange embwe.

Ezekiyele 6:8

“Oloni njikecela vamo vakayoye, co njikavashandwela akati ka miyati,

Hoziya 1:10

Vanu va mu Isalele vakapwa ngwe lishen̄avu lya ku mema a kalunga, lije kuvasa kulilava nambe kuseteka. Ngecivene, ololo Njambi alinakwendeka kuli vakevo ngwendi, “Yeni kesi mu vanu vange,” oloni litangwa lilinakwija omo akendeka kuli vakevo ngwendi, “Yeni munapu vana va Njambi wakuyoya!”

Njwele 2:32

Co cikapwa ngeci woshe akatambakana lizina lya Shukulu Kalunga akovoka. Ngeci mwendekele Shukulu Kalunga ngwendi, ‘Kukakala vamo vakaputumuka mu Yelusalema, vaje vanjaangwile vakovoka.’ ”