Loma 9:19 - Livulu lya Shukulu Kalunga

¹⁹ Oloni umo weni endeka kuli yange ngwendi, “Nga cinapu ngacije, co Njambi asa kuwana vati mulonga wa munu na munu? Iyajo asa kukanangana cizango ca Njambi?”

Loma 9:19 Iomraidhean Croise

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Mizimbu 20:6

walombelele na lijwi lyakama ngwendi, “Yove Shukulu Kalunga Njambi ya vakukulwila vetu, yove washwana mwilu na mafuti oshe a mu kaye. Yove wakala na nzili, naumo wai asa kukuyeluwisa.

Yombi 9:19

Yange njasa kumusindiya ndi? Njasa kusindiya Njambi ndi? Njasa kumutwala ku mbanja ndi? Iyajo asa kumutwalako?

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Isaya 29:16

Yeni mukatengulula vyuma vyoshe nakuvitwala mweka. Cuma mukajo cili na seo, muka-kushonga vuma indi vuma vukevwo vavenya? Kuma ndeo ya vuma yasa kwendeka kuli uje naishongo ngwayo, “Kesi yove wanjishongele, yove kuuzivukamo kushonga?”

Ndanyele 4:35

Akakenge a vanu va ano asi kupwa vangoco, tungelo va mwilu na vanu va ano asi vali mwisi yendi. Naumo wai asa kumuvindika nambe kwihula vije vyalinga.

Mako 14:21

Omwo Muna Munu akatsa ngwe muje muvanasoneka, oloni ngongo yendi uje enda vungungu Muna Munu! Mwamuvwa kuli munu uje nga kasemukile!”

Vilinga vya Miluwa 2:23

Njambi mu cizango cendi vavenya wayongwele laja ngeci Yesu vakamwana ku mavoko eni, co yeni mwamutsiile akutava vaka-vivi ngeci vamushukike a cilindakano.

Loma 11:19

Oloni mwendeka ngweni, “Eyo, oloni minango vaijokwele ngeci kusale mwela wetu.”

1 Kolinte 15:12

Ololo, nga lijwi lyetu linapu ngeci Kilistu wasangukile ku vatsi, vati vamo veni vendeka ngwavo vatsi kuvakasangukila ku mwonyo?

1 Kolinte 15:35

Umo ehula ngwendi, “Vatijo vatsi vakasangukila ku mwonyo? Muvila wa cifwa muka vakakala nawo?”

Yakomba 1:13

Nga munu vamweseka na vyeseko vyangacije, co kapandele kwendeka ngwendi, “Vyeseko evi vilinakutunda kuli Njambi.” Omwo Njambi kucitava kumweseka na vuvi, co ikeye vavenya kesi kweseka munu naumo wai.

Yakomba 2:18

Oloni umo endeka ngwendi, “Munu umo muka-kukulaela, mukwavo muka-vipangi.” Kukumbulula kwange kunapu oku, “Njileke vatijo munu asa kupwa muka-kukulaela kujeneka vipangi. Yange njikumwesa kukulaela kwange a vipangi vyange.”