Loma 9:17 - Livulu lya Shukulu Kalunga

¹⁷ Omwo visoneka vyendeka kuli mwene wa Ingito ngwavyo, “Njakupwisile mwene ngeci njikupangese mukusholola nzili yange nakutsimanesa lutsimo lwange mu kaye mwoshe.”

Loma 9:17 Iomraidhean Croise

Esita 4:14

Nga yove woloka ngoco kuluu a simbu yakufwa ngwe ino, co zivuka ngwove vaYunda vakatambula vukwaso kweka, co yove na naanga ya isho mukanyonga. Oloni iyajo wazivukile ngwendi a simbu ino omo yove unapu lishano kukaija simbu yakufwa ngeci?”

Myaso 76:10

Mwa vushunga nameme vanu vanaluvala vakakushangazala, vaje vanovoka ku vinzita vakanyunga viwano vyove.

Kutuuka 9:16

Oloni akukumwesa nzili yange, njakutavele kuyoya ngeci lizina lyange likatsimane mu kaye mwoshe.

Visimo 16:4

Cuma coshe catangele Shukulu Kalunga, cili na vutumbe vwaco, co vutumbe vwa vaka-vuvi vunapu kunyonga.

Isaya 19:12

Mwene wa Ingito, vali kulijo vaje vaka-kunangula vove vakunyanyama? Amo vasa kukulekako vutumbe vwalinavwo Shukulu Kalunga Muka-nzili yoshe a Ingito.

Isaya 37:20

Ololo, Shukulu Kalunga Njambi yetu, twamene ku mavoko a vaAsilya, ngeci miyati yoshe ya mu kaye vakazivuke ngeci yove lika Shukulu Kalunga wapwa Njambi.”

Ndanyele 4:22

“Ngecivene, yove shukulu, yove unapu muti uje waulaja na nzili. Yove unapu uwakama ngeci nzili yove kuyesi naa ayahwila, vukama vwove vunete ano a kaye oshe.

Yowano 17:26

Njasholwele lizina lyove kuli vakevo, co anga njikalisholola, ngeci cizemo cije wanjizema naco cikale muli vakevo, co nange njikale muli vakevo.”

Loma 11:4

Njambi wamukumbulwile vatijo? Wamukumbulwile ngwendi, “Njinatulika vanalume vakupwa 7,000 vaje kanda valemese kamponya Mbale.”

Ngalatiya 3:22

Oloni visoneka vyendeka ngwavyo kaye koshe kali mwisi ya nzili ya vuvi, co vwana vwa cikulaeso vwa kukulaela muli Yesu Kilistu vanavwana kuli vaje vakulaela.

Ngalatiya 3:8

Co visoneka vyenikile ngeci Njambi akaka vaje kesi vaYunda kupwa vaka-vushunga ku mesho endi akukulaela. Ngecivene, visoneka vyambulwile Vin̄anda Vyavivwa kuli Avilahama ngwavyo, “Muli yove Njambi akavezikisa miyati yoshe ya vanu.”

Ngalatiya 4:30

Oloni visoneka vyendeka vatijo? Vyendeka ngwavyo, “Sheka munakazi wa ndungo na munendi amo, omwo mwana wa munakazi wa ndungo kakakala na mutambela wa vufuko vwa ishe amolika na mwana wa munakazi wakupatuka.”

Yoshwa 9:9

Vamukumbulwile ngwavo, “Shukulu, tutunda ku lifuti lya kulyala. Omwo tunazivi vya Shukulu Kalunga Njambi yeni, co twazivile lutsimo lwendi a vyuma vyoshe vije vyalingile mu Ingito,

1 Samwele 4:8

Iyajo asa kutwamena ku nzili ya vinjambi va cifwa cangacije? Vakevo vinjambi vaje vatsiile vaka-Ingito mu mambo!