Loma 8:38 - Livulu lya Shukulu Kalunga

³⁸ Omwo njazivuka ngwange mwa vushunga nacimo cai casa kututundisa ku cizemo ca Njambi, nambe kutsa nambe mwonyo, nambe tungelo nambe vaka-kushwana vakala mwilu nambe vaka-nzili vakala mwilu, nambe simbu ya ololo nambe simbu ya kulutwe,

Loma 8:38 Iomraidhean Croise

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Loma 14:7

Naumo wai wetu waliyolela endi lika, naumo wai wetu walitsila endi lika.

Loma 14:8

Nga tuyoya, tulinakuyoyela kuli Mwene, co nga tutsa, tulinakutsila kuli Mwene. Ngecivene, nambe tuyoya nambe tutsa, tunapu vanu va Mwene.

Loma 4:21

Wakolesele ngwendi Njambi asa kulinga vije vyanakulaesa.

Loma 6:23

Omwo fweto ya vuvi inapu kutsa, oloni vwana vwa Njambi vunapu mwonyo wa myaka yoshe muli Kilistu Yesu Mwene yetu.

1 Kolinte 15:24

Asinoni kukotoka kukaija, Kilistu akafungulula voshe vaka-kushwana, vaka-moko, na vaka-nzili, co akana Vumwene kuli Ishe Njambi.

2 Kolinte 11:14

Mukemwo vene, kutwasa kukomoka, nambe vene Liyavola akalipwisa ikeye vavenya ngwe kangelo wa mutanya!

2 Kolinte 4:13

Visoneka vyendeka ngwavyo, “Njendekele omwo njakulaelele.” Mu munzinzime wa cifwa cimolika lalo twendeka omwo tukulaela.

Efeso 1:21

Kilistu alinakushwana akamwa ya voshe vaka-kushwana mwilu na vaka-moko yakama na vaka-nzili na vashukulu voshe, ikeye ali na lizina lili akamwa ya mazina oshe a moko ali muno mu kaye na kaje kakaijako.

Kolose 1:16

Omwo muli ikeye Njambi watangele vyuma vyoshe vya mwilu nevi vya asi, vyuma vije twasa kumona na vije kutwasa kumona, kwakao na vushwana vwa minzinzime ya ano asi na vashukulu na vaka-kushwana na vaka-moko yakushwana. Njambi watangele vyuma vyoshe muli ikeye na omwo ikeye.

Kolose 2:15

Co a cilindakano cije Kilistu walipatwile ikeye vavenya kutunda ku nzili ya minzinzime ije ilinakushwana na moko ya vaka-kushika, walingile eci mutanya mwelu kuli vakevo akuvatwamenena ngwe vinzinda mukuhyana kwendi.

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

VaHevelu 11:13

Vanu voshe ava vatsile mukukulaela, kuvatambwile vyuma vije vyavakulaesele Njambi, oloni vavimwenene kulyala, co vavitambwile mwamuvwa, vatavele mutanya mwelu ngeci vapwile vangenzi na vaka-kwendangana ano asi.

1 Petulu 3:22

uje nai mwilu, co ali ku livoko lya cilyo lya Njambi, alinakushwana akamwa ya tungelo voshe na vaka-moko na vaka-nzili mwilu.