Loma 8:36 - Livulu lya Shukulu Kalunga

³⁶ Ngwe muvyendeka visoneka ngwavyo, “Omwo lizina lyove tuli mu vushonde vwa kutsa simbu yoshe, valinakutupwisa ngwe vimanga vaje valinakuya nakuvatsiya.”

Loma 8:36 Iomraidhean Croise

Myaso 141:7

Vitsiya vyavo vili kuyehi na mbumbo, ngwe vitale vyakutavozola.

Myaso 44:11

Yove watavele ngeci vatutsiye ngwe vimanga, co watushandwelele ku mafuti eka.

Myaso 44:22

Oloni omwo ali yove mukemwo valinakututsiya simbu yoshe, valinakutupwisa ngwe vimanga vaje valinakuya nakuvatsiya.

Isaya 53:7

“Vamuyandesele, oloni wolokele kuluu, wolokele kuluu ngwe manga uje vatwala nakumutsiya, ngwe manga uje oloka kuluu kuli vaka-kumuteula.

Njelemiya 11:19

Njafwile ngwe muna manga wa kulongwa, uje vatwala mukumutsiya, co kunjazivukile cuma nacimo cai a matumbe awa. Vakele nakwendeka ngwavo, “Tushinjeni ou muti simbu ucili wauvwa, ijeni tumutsiye ngeci naumo wai akamwanuka.”

Njelemiya 12:3

Oloni Shukulu Kalunga, yove unjizivuka, ukamono vinjikalingi nomu munjakuzema. Kokela vitozi vange kulyala vapwe ngwe vimanga vaje vaya mukuvatsiya, vanyunge noo simbu yavo yeta yakuvatsiya.

Njelemiya 51:40

Njikavatwala mukuvatsiya, ngwe vana va vimanga, na vimembe, na majamba. Yange Kalunga, njinendekamo.”

Yowano 16:2

Vakamisheka mu masinangonge, mwa vushunga simbu ikaija omo woshe uje akamitsiya akayongola ngeci akulinga cuma eci alinakupangela Njambi.

Vilinga vya Miluwa 20:24

Oloni njinayongola ngwange mwonyo wange kuwesi na seo kuli yange, njishaka lika kumanesa vipangi vyange nakumanesa vipangi vije vyanjanene Mwene Yesu ngeci njivilinge, vikevyo kwambulula Vin̄anda Vyavivwa vya kutetela kwa Njambi.

Vilinga vya Miluwa 8:32

Co majwi a mu visoneka alavele akewo awa, “ Wafwile ngwe manga uje vatwala nakumutsiya, ngwe muna manga uje oloka kuluu kuli vaka-kumuteula, oloni wolokele kuluu.

1 Kolinte 15:30

Co ali yetu, omwo vika tulinakulyaka mu vushonde yetu vavenya a simbu na simbu?

1 Kolinte 15:31

Vavusamba vange, njilinakukengelela kutsa a litangwa na litangwa! Kulyalesa kwange muli yeni, mu mwonyo wetu amo na Kilistu Yesu Mwene yetu, cinjilingisa kwambulula evi.

1 Kolinte 4:9

Omwo njamono ngeci Njambi naana mwela wakumanesela kuli yetu miluwa, ngwe vanu vaje vavanasompela kutsa ku mesho a voshe, ngwe kalikengelo ka kaye koshe ka tungelo na vanu.

2 Kolinte 1:9

Twayongwele ngwetu kutsa vene kuli ali yetu. Oloni eci calingiwile ngeci kesi tulikulaela yetu vavenya, oloni kuvanga ali Njambi lika muka-kusangula vatsi.

2 Kolinte 11:23

Vanapu vangamba va Kilistu ndi? Njinapu ngwe munu wakuzaluka, oloni njinapu ngamba wamuvwa kutuvakana vakevo! Omwo njinaundangana manene, vanjakele mu kamenga visimbu vyavingi kutuvakana vakevo, co vanjipupile manene kutuvakana vakevo, co visimbu vyavingi njetele kuyehi na kutsa vene kutuvakana vakevo.

2 Kolinte 6:9

ngwe vanu kuvatuzivuka, kuma voshe vatuzivuka, ngwe tunatsi vene, oloni, tulinakuyoya. Nambe valinakutunyanyamesa, oloni kuvasa kututsiya,

Filipu 3:10

Cuma cinjishaka a vyoshe evi cinapu kuzivuka Kilistu nakumona nzili ya cisangukilo cendi, kulipangela tuyando twendi nakupwa ngwe ikeye mu kutsa kwendi,