Loma 8:35 - Livulu lya Shukulu Kalunga

³⁵ Iyajo asa kututundisa ku cizemo ca Kilistu? Tuyando, nambe vukalu, nambe mapakeso, nambe njala, nambe vuutu, nambe vushonde, nambe kutsa ndi?

Loma 8:35 Iomraidhean Croise

Myaso 103:17

Oloni cizemo ca Shukulu Kalunga kucesi kutenguluka kuli vaje vamukomoka, cikakalako myaka yoshe, na vuvwa vwendi lalo vukakala ku cisemwa coshe,

Myaso ya Solomoni 3:4

Akuvaseza kasimbu kakandondo, njamuwanene uje injazema mu mwonyo wange. Njamukwatele, co kunjatavele kumwecela, noo njamutwalele mu njuvo ya vanana, ku mulili uje vanjikitilile.

Njelemiya 31:3

njasholokele kuli vakevo alyala. Vanu va Isalele, simbu yoshe njamizema, ngecivene, simbu yoshe njikamwesa cizemo cange cije kucesi kutenguluka.

Yowano 10:28

Njivana mwonyo wa myaka yoshe, co kuvakatsi embwe. Co naumo wai akavacakununa mu livoko lyange.

Yowano 13:1

Simbu litangwa lya Ciwano ca Pasovala kanda lyete, Yesu wazivukile ngeci simbu yendi inete yakutunda muno mu kaye nakuya kuli Ishe. Ikeye wazemene vaje vakele muno mu kaye vaje vapwile vendi, co wavazemene na akukotoka.

Yowano 16:33

Njamileka vyuma evi ngeci mukale mu kwoloka akukala muli yange. Vaka-kaye vakamiyandesa. Oloni simpeni! Njinafungulula vaka-kaye!”

Vilinga vya Miluwa 14:22

Vakolesele vaka-kukulaela nakuvatakamesa ngeci vapwe vaka-vushunga mukukulaela. Vavalongesele ngwavo, “Tunapande kwita mu tuyando twatungi ngeci tukovele mu Vumwene vwa Njambi.”

Loma 2:9

Kukakala tuyando nakukemanga kuli vanu voshe vaje valinga vuvi, omwo akulivanga kuli vaYunda, co lalo na kuli vaje kesi vaYunda.

Loma 8:17

Omwo tunapu vana vendi, tukatambula vivezikiso vije Njambi natulikila vanu vendi, co lalo tukatambula muli Kilistu vije vyanamutulikila Njambi, omwo nga tuyanda amo na Kilistu, co lalo tukakala amo mu vumpau vwendi.

Loma 8:37

Embwe, mu vyuma vyoshe evi yetu tunahyana muli ikeye uje watuzemene!

Loma 8:39

nambe cuma cili mwilu, nambe cuma cili mwisi, nacimo cai cakutanga casa kututundisa ku cizemo ca Njambi cije cinapu cetu muli Kilistu Yesu Mwene yetu.

1 Kolinte 4:11

A simbu ino vene, tuli na njala na lihwila, tunazala vyakutavozoka, valinakutupupa, twendangana kutunda ku mutambela umo nakuya ku mutambela ukwavo,

1 Kolinte 4:12

co tunajuka na vipangi vya vikalu. Omo vatusinga, co yetu tuvezikisa, omo vatuyandesa, co tukakateya,

2 Kolinte 12:10

Yange njinahwimi mu mbunge akuzeya, mukunjishaula na mukukalekeya na mu mapakeso na mukukaluwa omwo lizina lya Kilistu. Omwo njinazeye, asinoni njikale na nzili.

2 Kolinte 4:17

Co otu tuyando twetu twatundondo lika ngwe twa kasimbu lika nakutunenela vumpau vwa myaka yoshe, vuje vwakama manene kutuvakana tuyando.

2 Kolinte 4:8

Visimbu vyavingi tukakala mu vukalu, oloni kuvesi nakututsena, visimbu vimo tukakala mu vitanga, oloni kutwesi kwombwa,

2 Kolinte 4:9

vitozi vavangi kuvali, oloni kutwesi kujeneka musamba, na visimbu vimo tukavulumuka manene vene, oloni kuvesi kutunyongesa.

Efeso 3:19

Eyo, munapande kuzivuka cizemo cendi, nambe kumwasa kucizivuka mwamuvwa, co mushulilile na cifwa ca Njambi.

2 Tesalonika 2:16

Mwene yetu Yesu kilistu vavenya, na Njambi Tatetu, uje watuzemene na mu kutetela kwendi watwanene kutakama kuje kukwesi kutenguluka na cinyangavili cakukola,

2 Timateo 1:12

eci cikeco cilinakunjilingisa ngeci njiyande. Oloni kunjesi na shwamwa embwe, omwo njinazivuka uje njinakulaela, co njazivuka mwa vushunga ngwange ikeye asa kunyunga mwamuvwa vije vyananjikundika noo ku Litangwa lije.

Kujombolola 1:5

na kuli Yesu Kilistu, mukaleo wa vushunga, mushoke wakulivanga kusanguka ku kutsa, co uje lalo muka-kushwana vimyene va ano a kaye. Watuzema, co a n̄ombelo ya kutsa kwendi natupatula ku vivi vyetu,