Loma 8:31 - Livulu lya Shukulu Kalunga

³¹ Co a vyuma vyoshe evi, twendeka vatijo? Nga Njambi napu wetu, co iyajo asa kutulwisa?

Loma 8:31 Iomraidhean Croise

Kushangumuka 15:1

Munima yevi, Shukulu Kalunga wendekele kuli Avilama mu cimona ngwendi, “Kesi uzive lyova Avilama. Yange nji ntelo yove yakukuzikinina ku vushonde, co cikandelela cove cikapwa cakama manene.”

1 Vimyene 8:57

Shukulu Kalunga Njambi yetu akale amo netu ngwe mwakele amo na vakukulwila vetu, kesi atuseze nambe kutwivala,

2 Vimyene 6:16

Elisha wamukumbulwile ngwendi, “Kesi uzive lyova embwe. Yetu ku mutambela wetu tuli navo vavangi kutuvakana ava vali ku mutambela wavo.”

1 Mizimbu 19:15

Omo vaAmoni vamwene vaSilya valinakutewa, co navo lalo vatewele kutunda kuli Avishai, nakwiluka mu nganda. Asinoni Yowave welukile ku Yelusalema.

1 Mizimbu 5:22

Co vatsiile vitozi vavangi, omwo nzita yapwile ya cizango ca Njambi. Co vatwaleleleo kukala mwamuvwa mu mutambela uje noo ku simbu ya vundungo.

Myaso 118:6

Shukulu Kalunga ali amo nange, kunjizivi lyova, munu asa kunjilinga vikajo?

Myaso 46:11

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 46:7

Shukulu Kalunga Muka-nzili yoshe ali netu, Njambi ya Yakomba ikeye vutewelo vwetu!

Myaso 56:11

Njinakulaela kuli Njambi, co kunjikazivi lyova. Munu asa kunjilinga vikajo?

Myaso 56:4

Njinakulaela kuli Njambi, co kunjizivi lyova, njimushangazala omwo a vije vyanakulaesa. Munu asa kunjilinga vikajo?

Myaso 56:9

Litangwa lije njikatambeka kuli yove, vitozi vange vakeluka munima, omwo njazivuka ngeci Njambi ali amo nange!

Isaya 41:10

Kesi muzive lyova, yange njili neni amo! Kesi mujaje, yange Njambi yeni! Njikamitakamesa nakumikwasa, njikaminyunga nakumyamena.

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Isaya 8:10

Tumbeni matumbe eni! Oloni akapwa angoco. Endekeni vyoshe vimushaka! Oloni vyoshe vikapwa vyangoco, omwo Njambi ali amo netu.

Njelemiya 1:19

Vakevo vakakulwisa, oloni kuvakakufungulula, omwo yange njikakala nove nakukunyunga. Yange Kalunga, njinendekamo.”

Njelemiya 20:11

Oloni yove Shukulu Kalunga, uli amo nange kupwa muka-nzili na muka-kujujwisa, voshe vaje vanjipakesa vakonwa. Vakaziva shwamwa ku myaka yoshe omwo kuvakahyana embwe.

Njelemiya 42:11

Kesi muzivile lyova mwene wa Mbambilone. Yange njili amo neni, co njikamyamena ku nzili yendi.

Kulava 14:9

Oloni kesi mutengulukile Shukulu Kalunga nambe kesi mutewe vanu vali muje. Tukavafungulula omwo Shukulu Kalunga ali netu, ikeye wafungulwile vinjambi vaje vavakulaelele, ngecivene, kesi muvazivile lyova embwe.”

Mateo 1:23

“Kengeni, mumbanda uje kanda alimone na munalume akakala na kafumba, co akakita mwana wa munalume, vakamutumbula Manuwele” (kulumbununa ngwavo, “Njambi ali netu”).

Loma 3:5

Oloni nga vilinga vyetu vya kupenga-penga vije tulinakulinga visholola mwamuvwa vushunga vwa Njambi, twasa kwendeka ngwetu Njambi akalingi mwamuvi omo atunyanyamesa ndi? (Njilinakwendeka mu cifwa ca vanu.)

Loma 4:1

Ngecivene, vatijo twendeka ali kukulwila yetu Avilahama? Vikajo vyalingiwile kuli ikeye?

Kwituluka mu Mashiko 33:29

Wavezika yove Isalele! Kukwesi umo wakufwa ngwe yove wai, muyati wanamena Shukulu Kalunga. Shukulu Kalunga vavenya wapwa ntelo yeni, na mukwale weni, mukumyamena nakumihyanesa. Vitozi veni vakaija nakumilomba ngeci muvazivileko mema ku mbunge, oloni yeni mukavalyatangela.”

Yoshwa 10:42

Yoshwa wafungulwile vimyene voshe ava na mitambela yavo mu simbu imolika omwo Shukulu Kalunga Njambi ya Isalele, waamenene vaIsalele nakuvalwilako.

1 Yowano 4:4

Oloni yeni vana vange vavandondo, munakundama kuli Njambi, co munahyana vaka-kwimanena va makuli, omwo Munzinzime uje ali muli yeni ali manene na nzili kutuvakana munzinzime uje uli muli vaje vanakundama ku kaye.

1 Samwele 14:6

Yonatana wendekele kuli uje mukwenje wambatele vitwa vyendi vya nzita ngwendi, “Tujavuke tuye musambwa mu cilombo ca vaFilisitiya vaje vaka- kuli kukulaela Shukulu Kalunga. Amo Shukulu Kalunga akatukwasa, omwo kukwesi vimuvindika kutuhyanesa, nambe tunapu tuvavandondo lika.”