Loma 8:28 - Livulu lya Shukulu Kalunga

²⁸ Tuzivuka ngeci mu vyuma vyoshe Njambi akapanga mwamuvwa na vaje vamuzema, vaje vaanasana ku cizango cendi.

Loma 8:28 Iomraidhean Croise

Kushangumuka 50:20

Yeni mwanjiyongwele kunjilinga mwamuvi, oloni vuvi ovu Njambi wavutengulwile kuvupwisa vuvwa, ngeci vanu vavangi vayoye, ava vacili nakuyoya na lelo lino, omwo a cuma eci calingiwile.

2 Samwele 16:12

Amo Shukulu Kalunga akamona tuyando twange, co akanjana vivezikiso kwingisa mu cisingo cendi.”

Nehemiya 1:5

“Yove Shukulu Kalunga Njambi wa mwilu! Yove Njambi wakama, wakujujwisa. Yove muka-kunyunga cikumiiyo na cizemo cije kucesi kutenguluka kuli vaje vakuzema nakunyunga mashiko ove.

Myaso 69:36

vatekulwila va vangamba vendi, vakashwana muje, co voshe vaje vazema Njambi vakakala kuje.

Kutuuka 20:6

Oloni njikamwesa cizemo cange cije kucesi kutenguluka ku visemwa vyakupwa 1,000 vya vaje vanjizema nakunyunga mashiko ange.

Njelemiya 51:29

Ano asi ali na lyova nakujaja omwo Shukulu Kalunga alinakutumba vutumbe vwakwimwisa Mbambilone mambo, muje mukajeneka kukala vanu.

Zakaliya 13:9

Co njikelula litambelo lyamucitatu vaje vakasalao nakulijelesa ngwe muvakajelesa siliva na tuhya. Co njikavelula ngwe muvakelula ngolinde. Asinoni vakalombela kuli yange, co njikavakumbulula. Njikavaleka ngwange vanapu vanu vange, co vakalitavela ngeci yange njinapu Njambi yavo.”

Mako 12:30

Co munapande kuzema Shukulu Kalunga Njambi yeni na mbunge yeni yoshe, na mwonyo weni woshe, na mana eni oshe, na nzili yeni yoshe.’

Vilinga vya Miluwa 13:48

Omo vaje kesi vaYunda vazivile eci, vavwaelelele nakushangazala lijwi lya Mwene, co vaje vavaangwililile ku mwonyo wa myaka yoshe vakulaelele.

Loma 11:29

Omwo Njambi kesi kutengulula viyongola vyendi kuli vaje aangula nakuvavezikisa.

Loma 8:30

Co vaje vaangunwine Njambi, vakevo vaasanene, co vaje vaasanene, wavapwisile vaka-vushunga ku mesho endi, co wavanene vumpau vwendi.

Loma 9:11

Omo kanda vasemuke nambe omo kanda valinge vyavivwa nambe vyavivi, ngeci cizango ca Njambi cakwangula citwaleleleo, kesi omwo vilinga embwe, oloni omwo kusana kwendi

1 Kolinte 1:2

Ku cikungulukilo ca Njambi cije cili mu Kolinte, kuli vaje voshe vavanasana ngeci vapwe vanu va Njambi vakujela, vaje vanakundama kuli ikeye amo na Kilistu Yesu, amolika na vanu voshe kwoshe-ikwoshe vaje vakalemesa Mwene yetu Yesu Kilistu, Mwene yavo na Mwene yetu.

1 Kolinte 1:24

oloni kuli vaje vaanasana Njambi, vaYunda na vaje kesi vaYunda, muzimbu ou ukewo Kilistu, ikeye napu nzili ya Njambi na mana a Njambi.

1 Kolinte 1:9

Njambi vanapande kumukulaela, Njambi uje wamisanene ngeci mukale mu kulitombola amo na Munendi Yesu Kilistu Mwene yetu.

1 Kolinte 2:9

Nameme ngoco, ngwe muvyendeka visoneka ngwavyo, “Vije naumo wai wavimwene nambe kuviziva, vije naumo wai waviyongwele ngeci vikalingiwa, vikevyo vyuuma vije vyavwaeselele Njambi vaje vamuzema.”

2 Kolinte 5:1

Omwo tunazivuka ngwetu omo mbalaka yetu ya muvila wa ano asi omu tulinakuyoyela nga inasiwuka, Njambi akatwana njuvo mwilu mutukayoyela, njuvo ije yanatungu ikeye vavenya ije ikakala myaka yoshe.

Ngalatiya 1:15

Oloni Njambi mu kutetela kwendi wanjangwile omo kanda njisemuke, co wanjisanene mukumupangela. Co omo wayongwele

Ngalatiya 1:6

Njakomoka kuli yeni! Mu simbu yaindondo yeni voshe munatundu kuli uje wamisanene na kutetela kwa Kilistu, co munatava ku muzimbu weka lalo.

Ngalatiya 5:8

Eci kacilingile Njambi, uje alinakumisana.

Efeso 3:11

Njambi walingile eci ngwe ku vutumbe vwendi vwa myaka yoshe, vuje vwalingile muli Kilistu Yesu Mwene yetu.

Efeso 4:1

Ngecivene, njilinakumisindiya, yange njinapu cinzinda omwo kupangela Mwene ngwange, yoyeleni a mwonyo uje unaliseteka na seteko ije yanamyakela Njambi omo wamisanene.

Kwituluka mu Mashiko 6:5

Zemeni Shukulu Kalunga Njambi yeni na vimbunge vyeni vyoshe, na mwonyo weni woshe, na nzili yeni yoshe.

Kwituluka mu Mashiko 8:16

Muje mu mambo Shukulu Kalunga wamyanene maana ngeci mulye, vyakulya vije vakukulwila veni kuvavizivukile, ngeci amyononwese nakumyeseka, ngeci kulutwe akase kumivezikisa na vyuma vyavivwa.

Filipu 3:14

Ngecivene, njilinakushatukila kulutwe nakushungama kuya ku mamaneselelo ngeci njikatambule cikandelela cije cinapu kusana kwa Njambi ali Kilistu Yesu ku mwonyo uli mwilu.

1 Tesalonika 5:9

Njambi katwangwile kuyandela vukalu vwendi embwe, oloni tukatambule kwovoka ali Mwene yetu Yesu Kilistu,

2 Timateo 1:9

Ikeye watwovwele, co watusanene ngeci tupwe vanu vendi, kesi omwo a vilinga vyetu embwe, oloni omwo a vutumbe na a kutetela kwendi. Watwanene kutetela oku muli Kilistu Yesu ku simbu ya ku san̄ulu,

2 Timateo 2:19

Oloni luvula lwakukola luje lwanajala laja Njambi kuvasa kuluningangesa, co alukelwo vanasonekao majwi awa ngwavo, “Mwene azivuka vaje vanapu vendi” co “Voshe vaje valitumbula ngwavo vanakundama kuli Mwene vanapande kutenguluka kutunda kukulinga vyavivi.”

VaHevelu 9:15

Omwo cuma eci Kilistu ikeye navwaesa cikumiiyo caliha, ngeci vaje vanasana Njambi vakatambule vivezikiso vya myaka yoshe vije vyanavakulaesa Njambi. Eci casa kulingiwa omwo a kutsa kuje vemikile kwakupatula vanu vatunde ku kupenga-penga kuje valingile omo vakele mu cikumiiyo cakulivanga.

Yakomba 1:12

Vanavezika vanu vaje valongwa a simbu ya vyeseko, omwo nga vahyana na kukakateya mu ceseko eci, co vakatambula mwonyo kupwa cikandelela cavo uje wanakulaesa Njambi kuli vaje vaazema.

Yakomba 2:5

Tolilileni, vasamba vange vanjazema! Njambi waangwile tuutu mu kaye kano ngeci vapwe vaka-kufuka mukukulaela, co vakashwane vumwene vuje vwakulaesele kuli vaje vamuzema.

1 Petulu 2:9

Oloni yeni munapu muyati wakwangula, vaka-kukombelela va Mwene, muyati wakujela, vanu va Njambi vavenya, vanamyangula mukwambulula vikomokeso vya vilinga vya Njambi, uje wamisanene kumitundisa mu lisusulungu kuminena ku ceke cendi cakukomokesa.

1 Petulu 3:9

Kesi mwilwisile vuvi ku vuvi nambe cisingo ku cisingo, oloni ilwisileni civezikiso, omwo civezikiso cikeco cakulaesele Njambi kumyanaco omo wamisanene.

1 Petulu 5:10

Oloni omo munayanda kasimbu kakandondo lika, Njambi wa kutetela kwoshe, uje namisana mukulipangela vumpau vwendi vwa myaka yoshe muli Kilistu, ikeye vavenya akamijelesa nakumyana kwimana mbe na nzili na luvula lwaluvwa.

1 Yowano 4:10

Omu mukemwo mucafwa cizemo, kesi yetu twazema Njambi, oloni ikeye watuzemene nakutuma Munendi kupwa n̄ombelo ngeci vivi vwetu vanavisambesa.

1 Yowano 4:19

Tuzema omwo Njambi watuzemene akulivanga.

Kujombolola 3:19

Yange njivindika nakunyanyamesa vaje voshe vanjazema. Ngecivene, nyanyammeni, co tengulukeni ku vivi vyeni.