Loma 8:26 - Livulu lya Shukulu Kalunga

²⁶ Mu ngila eyi vene Munzinzime aija nakutukwasa mukuzeya kwetu. Omwo kutuzivuka vati tunapande kulombela, oloni Munzinzime akalambelela kuli Njambi na majwi akukemanga aje kutwasa kutumbula.

Loma 8:26 Iomraidhean Croise

Yombi 37:19

Tulongese mutukendekela kuli Njambi, mana etu apwa amupulungwa, kutwesi na vimo vyakwendeka.

Myaso 10:17

Yove Shukulu Kalunga, ukatolilila ku malombelo a vaka-kulikeesa, co ukavatakamesa.

Myaso 102:20

ngeci azive kukemanga kwa vinzinda, nakupatula voshe vaje vavanatumbwila kutsa.”

Myaso 102:5

Njinayondwa manene omwo kukemanga kwange.

Myaso 6:3

Yange njinalijujukila manene. Yove Shukulu Kalunga, njikakala visimbu vingaijo mu cifwa eci?

Myaso 6:9

Shukulu Kalunga nazivi lilombelo lyange, na mutambi wange ngeci anjikwase.

Myaso 69:3

Mwa vushunga vene njinazeye nakulila, mulivu wange unominina, na mesho ange anatsitsivala omo njilinakuvandamena Njambi yange.

Mbimbi 3:56

Omo njakulambelelele ngeci utolilile ku mutambi wange, co yove wanjizivile.

Zakaliya 12:10

“Njikashulisa vatekulwila va Ndaviti na vanu veka va mu Yelusalema na munzinzime wa mema ku mbunge na munzinzime wakulombela. Vakakenga kuli uje ivativile likunga nakumutsiya, co vakamulila ngwe vaje vanatsisa munavo umolika. Vakalila manene, ngwe vaje vanatsisa munavo wa ntwatwa umolika wa munalume.

Mateo 10:20

Omwo majwi amukendeka kesi eni embwe, oloni akatunda kuli Munzinzime wa Ishweni ikeye akendeka muli yeni.

Mateo 20:22

Oloni Yesu wavakumbulwile ngwendi, “Kumuzivuka eci cuma cimunalombo. Kuma mwasa kunwa ku nganja ya kayando ije injikanwa ndi?” Vamukumbulwile ngwavo, “Twasa.”

Luka 22:44

Co omwo a tuyando twakama walombelele manene, co litukuta lyendi lyafwile ngwe maninga andwekelele asi.

Yowano 14:16

Co njikalomba kuli Tate, co akamyana Mukwasi weka, uje akakala neni ku myaka yoshe.

Loma 15:1

Yetu tunakolo mukukulaela tunapande kukwasa vaje kanda vakole mukukulaela kwavo ngeci vambate vitele vyavo. Kutwapandele kulivwaelelesa yetu vavenya embwe.

Loma 7:24

Yange munu wakuvindama! Iyajo akanjamena ku muvila ou wa kutsa?

Loma 8:15

Omwo Munzinzime uje wanamyana Njambi kamipwisile mu vindungo ngeci mukale na lyova, oloni Munzinzime namipwisa vana va Njambi, co na nzili ya Munzinzime tulinakutambeka kuli Njambi ngwetu, “Tate! Tatetu!”

2 Kolinte 5:2

Co ololo tulinakukemanga, tulinakushungwiya manene ngeci vatuzike na njuvo yetu ije itunda mwilu,

2 Kolinte 5:4

Omwo tucili nakuyoya mu mbalaka ya ano asi tulinakukemanga vene nakuyanda, kesi ngwe tushaka vatutundisemo mu muvila wa ano asi embwe, oloni tushaka vatuzike na muvila wa mwilu, ngecivene, cije ca kutsa vakacimwisa ca mwonyo.

Ngalatiya 4:6

Mukumwesa ngeci yeni munapu vana vendi, Njambi watumine Munzinzime wa Munendi mu vimbunge vyetu, Munzinzime uje muka-kutambeka ngwendi, “Tate, Tate.”

Efeso 2:18

Ali Kilistu yetu voshe, vaYunda na vaje kesi vaYunda, tunasa kwija mu Munzinzime umolika ku mesho a Tate.

Efeso 6:18

Lingeni vyoshe evi mukulombela, lombeni Njambi ngeci amikwase. Lombeleni simbu yoshe ngwe omo Munzinzime amitwamenena. Omwo a cuma eci toneni kesi mujuke, lombeleni visimbu vyoshe ali vanu va Njambi.

VaHevelu 4:15

Omwo kutwesi na Muka-kukombelela Wakama uje kasa kututetela kukuzeya kwetu, oloni a cuma eci vene, tuli na Muka-kukombelela Wakama uje ivesekele mu vingila vyoshe ngwe yetu lalo, oloni kalingile vuvi.

VaHevelu 5:2

Omwo ikeye nendi wapwa wakuzeya mu vingila vyavingi, ngeci napu mukalyovwa-ovwa mukukwasa vaje vali ku vinzimba vaka-kuvulumuna milonga.

Yakomba 4:3

Co nameme munalombo kumwasa kuvitambula, omwo viyongola vyeni vyapwa vyavivi, mukalomba vyuma ngeci mulikwase ku senga yeni vavenya.