Loma 8:23 - Livulu lya Shukulu Kalunga

²³ Oloni kesi vyakutanga lika vilinakukemanga embwe, netu lalo tuli na Munzinzime ngwe vaje vakulivanga kupwa vwana vwa Njambi netu lalo tulinakukemanga omo tulinakuvandamena Njambi ngeci atupwise vana vendi nakupatula mivila yetu.

Loma 8:23 Iomraidhean Croise

2 Mizimbu 31:5

Vwasi-vwasi omo vazivile lishiko eli, co vanu va Isalele vanenele vwana vwavo vwa vimbuto vyavivwa na vinyu na mazi a olive na vuki na vimbuto vikwavo vije valimine, co vanenele lalo cavulikumi ku vyuma vyoshe vije vakele navyo.

Luka 20:36

Vakevo vakafwa ngwe tungelo kuvakasa lalo kutsa. Vakevo vanapu vana va Njambi, omwo vanasanguka ku vatsi.

Luka 21:28

Omo vyuma evi vikashangumuka kulingiwa, katukeni mukenge kwilu, omwo kupatuka kweni kuli muyehi.”

Loma 5:11

Oloni kesi evi lika embwe, tujolela omwo a vije vyanalingi Njambi ali Mwene yetu Yesu Kilistu, uje ololo natupwisa vasamba va Njambi.

Loma 5:3

Tuli lalo nakulishasha a tuyando twetu, omwo tunazivuka ngwetu tuyando tusholola lukakateya,

Loma 5:5

Co cinyangavili eci kucasa kutuzivisa shwamwa, omwo Njambi netila cizemo cendi mu vimbunge vyetu ali Munzinzime Wakujela, ikeye napu vwana vwa Njambi kuli yetu.

Loma 7:24

Yange munu wakuvindama! Iyajo akanjamena ku muvila ou wa kutsa?

Loma 8:19

Omwo vyakutanga vyoshe vili na cizango cakukengelela Njambi ngeci asholole vana vendi.

1 Kolinte 1:7

ngecivene, kumwonwene kutambula civezikiso cimo, omo mulinakuvandamena kusholoka kwa Mwene yetu Yesu Kilistu.

2 Kolinte 1:22

uje naka cizivukiso cendi ali yetu, ngeci atufuke, uje natwana Munzinzime Wakujela mu vimbunge vyetu ngwe cishimbikiya ca vyoshe vije vyanatutulikila.

2 Kolinte 7:5

Nambe omo twetele mu Masendoniya kutwasele kuhwima. Kwoshe-ikwoshe kwakele vipakeso na vimata na vyeka lalo na lyova mu vimbunge vyetu.

Ngalatiya 5:5

Ngwe ali yetu, cinyangavili cetu cinapu ngeci Njambi akatupwisa vaka-vushunga ku mesho endi, co eci cikeco tulinakuvandamena a nzili ya Munzinzime wa Njambi uje alinakupanga mukukulaela kwetu.

Efeso 1:14

Munzinzime ikeye cishimbikiya ngeci tukatambule vije Njambi nakulaesa vanu vendi, co tunasimpi ngeci Njambi akana kupatuka kwamutunu kuli vaje vanapu vendi. Tulemeseni vumpau vwendi!

Efeso 4:30

Co kesi muviililise Munzinzime Wakujela wa Njambi, omwo Munzinzime Wakujela wapwa cimweso ca Njambi ca vundambo ali yeni, napu cishimbikiya ngeci litangwa likaija omo Njambi akamipatula.

Efeso 5:9

omwo ceke cikeco cikakunena kuteja kwakama manene kwa muyati woshe wa vyuma vyavivwa, vyakushungama na vushunga.

2 Timateo 4:8

Co ololo cilongo ca vushunga cinanjitumbamena, cije Mwene, ikeye lyaako wa vushunga, akanjanaco a Litangwa lije, co kesi kuli yange lika embwe, oloni akacana lalo kuli voshe vaje vamuvandamena na cizemo ngeci asholoke.

Tito 2:13

ngwe omo tulinakutumbamena Litangwa lyakuvezika lya cinyangavili cetu, omo vumpau vwa Njambi yetu wakama na Muyoyesi Yesu Kilistu vukasholoka.

VaHevelu 9:28

Mu cifwa eci vene, Kilistu lalo walyanene mukulikombelela lumo mukutundisa vivi vya vavangi. Akajomboloka simbu yamucivali, kesi lalo akendeka a vuvi embwe, oloni mukwovola vaje vanamuvandamena.

1 Petulu 1:7

Vutumbe vwa vyeseko evi vunapu kumwesa vukaleo ngeci kukulaela kweni kunapu kwa vushunga. Nambe ngolinde yasa kunyonga, vakayeseka na tuhya, kukulaela kweni lalo kuje kuli na seo yakama manene kutuvakana ngolinde, vanapande kuceseka ngeci kukakateye. Asinoni mukatambula cishangala na vumpau na kasingimiko a Litangwa lije omo Yesu Kilistu akasholoka.

1 Yowano 3:2

Vasamba vange vanjazema, yetu ololo tunapu vana va Njambi, oloni kucasholokele mwamuvwa ngeci yetu tukemuka vati. Oloni tunazivuka ngwetu omo Kilistu akasholoka, tukalifwa nendi, omwo tukamumona ngwe muje vene mwaafwa.