Loma 8:2 - Livulu lya Shukulu Kalunga

² Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

Loma 8:2 Iomraidhean Croise

Myaso 51:12

Njivwaesele kujolela kwakwamena kwove, nakunjipwisa muka-kukwononoka.

Ezekiyele 1:21

Ngecivene, a simbu na simbu omo vikashama vendele, nambe kwimana, nambe kukatuka nakupulula, co na aje mavalo alingile vyoshe vije vivakele nakulinga vikashama.

Yowano 4:10

Yesu wamukumbulwile ngwendi, “Nga wazivukile vwana vwa Njambi, co nou akulomba mema akunwa, nga unamulombo, co nga nakwana mema a mwonyo.”

Yowano 4:14

oloni woshe anwa ku mema anjikamwana kakazivi lalo lihwila embwe. Mema aje anjikamwana akapwa lisima lya kavwelu-vwelu muli ikeye lije likamwana mema a mwonyo nakumwana mwonyo wa myaka yoshe.”

Yowano 6:63

Munzinzme wa Wakujela wa Njambi ikeye akaana mwonyo, kesi nzili ya munu. Majwi awa njinendeka kuli yeni akewo a Munzinzime, co anena mwonyo.

Yowano 8:32

co mukazivuka vushunga, co vushunga vukamipatula.”

Yowano 8:36

Ngecivene, nga Mwana amipatula, mwa vushunga mukapwa vaka-kupatuka.

Loma 16:3

Njilinakutuma viindu kuli Pilisila na Akwila, vaka-kupanga nange mu vipangi vya Kilistu Yesu,

Loma 3:27

Asinoni kulishasha kuli kulijo? Kwaiko vene! Omwo twononoka Lishiko ndi? Embwe, oloni omwo tukulaela.

Loma 5:21

Ngecivene, ngwe omo vuvi vwashwanene a kutsa, ngeci lalo kutetela kwa Njambi kulinakushwana a vushunga, nakututwamenena ku mwonyo wa myaka yoshe ali Yesu Kilistu Mwene yetu.

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 6:18

Co vamipatwile ku vuvi, munapu vindungo va vushunga.

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Loma 7:21

Ngecivene, njinawana ngwange lishiko eli lilinakupanga, omo njishaka kulinga vyavivwa, co aje vene vuvi vusholoka.

Loma 7:23

Oloni njimona lishiko lyeka lilinakupanga mu muvila wange, lishiko lije lilinakulwisa lishiko lije linjinatava mu mbunge yange. Linanjipwisa cinzinda ca lishiko lya vuvi lije lilinakupanga mu muvila wange.

Loma 7:4

Neni lalo cifwa cimo, vakwetu. Neni lalo munatsi omwo munapu vilyo vya muvila wa Kilistu, co ololo munakundama kuli ikeye, uje ivasangwile ku vatsi ngeci tupangele Njambi vipangi vyavivwa.

Loma 8:1

Kukwesi cihiso ololo kuli vaje valinakuyoyela muli Kilistu Yesu.

1 Kolinte 15:45

Omwo visoneka vyendeka ngwavyo, “Munu wakulivanga Andama, vamutangele munu wakuyoya”, oloni Andama wakukotokela ikeye mukakwana mwonyo wa Munzinzime.

2 Kolinte 3:17

Co ololo lijwi “Mwene” mu majwi awa linemanena Munzinzime, co kuje kuli Munzinzime wa Mwene, kukekwo kuli kupatuka.

2 Kolinte 3:6

Ikeye natwasesa kupangela cikumiiyo caciha, cije kesi cakusoneka mu lishiko, oloni na Munzinzime. Lishiko lyakusoneka linena kutsa, oloni Munzinzime anena mwonyo.

Ngalatiya 2:19

Omwo njatsile ku Majwi a Lishiko ngeci njiyoye muli Njambi.

Ngalatiya 5:1

Kupatuka kukekwo tulinakwo, Kilistu natupatula! Ngecivene, imaneni ngwe vanu vakupatuka, co kesi mulyecelele yeni vavenya lalo kupwa vindungo.

Ngalatiya 6:2

Likwaseni kulyambatela vitele umo na mukwavo, co mu ngila eyi mukononoka lishiko lya Kilistu.

Yakomba 1:25

Oloni woshe uje akengesesa a mashiko akujela aje akapatula vanu, co uje kawatolilila lika asinoni awevala, oloni awapangesa, munu uje Njambi akamuvezikisa mu vyoshe vije alinga.

Kujombolola 11:11

Munima ya matangwa atatu na litambelo, co muku wa mwonyo watundile kuli Njambi wakovelele muli vakevo, co vemanene, co voshe vaje vavamwene vazivile lyova.

Kujombolola 22:1

Asinoni kangelo wanjimwesele ndonga ya mema a mwonyo, yakuvyakuma ngwe kilisitale, yatundile ku litanda lya Njambi na lije lya Muna Manga,