Loma 8:1 - Livulu lya Shukulu Kalunga

¹ Kukwesi cihiso ololo kuli vaje valinakuyoyela muli Kilistu Yesu.

Loma 8:1 Iomraidhean Croise

Isaya 54:17

Oloni kukwesi citwa cikasa kukuvulumuna, ukasa kukumbulula vaje voshe vakendeka majwi a makuli ali yove. Njikemanena vangamba vange nakuvahyanesa.” Mwanendeka Shukulu Kalunga.

Ezekiyele 18:9

Munu wa cifwa cangacije muka-kwononoka kushika kwange nakunyunga mwamuvwa mashiko ange. Ikeye muka-vushunga, co akayoya. Mwalinakwendeka Shukulu Kalunga wa Akamwa ya Vyoshe.

Yowano 14:20

Omo litangwa lije likaija, mukazivuka ngeci yange njili muli Tate neni muli yange, ngwe omo yange njili muli yeni.

Yowano 15:4

Kaleni muli yange, co nange njikakala muli yeni. Ngwe munango kuwasa kwima vushuka awolika, kuvanga lika nga ukala a mukolovozi. Mu ngila eyi vene neni kumwasa kwima vushuka kuvanga mukale muli yange.

Yowano 5:24

“Mwa vushunga njimileka ngwange, woshe aziva majwi ange, co akulaela kuli uje wanjitumine, ali na mwonyo wa myaka yoshe. Kuvakamusompo embwe, oloni natundu ku kutsa nakovela ku mwonyo.

Loma 16:3

Njilinakutuma viindu kuli Pilisila na Akwila, vaka-kupanga nange mu vipangi vya Kilistu Yesu,

Loma 16:7

Viindu lalo kuli Andolonikase na Njuniyase, vakwetu vaYunda vaje mutwakelelele mu kamenga, vapwa vakutsimana akati ka miluwa, co vapwile vaka-Yesu simbu kanda yange njikulaele.

Loma 5:1

Ngecivene, omo vanatupwisa vaka-vushunga ku mesho a Njambi akukulaela, co tuli mu kwoloka na Njambi ali Mwene yetu Yesu Kilistu.

Loma 5:16

Co kuli kutepesa akati ka vwana vwa Njambi na vuvi vwa munu umolika. Munima ya vuvi vumolika, kwezile kusompa kwa “Kuhisa”, oloni munima ya vivi vyavingi, kunaija vwana vwakujeneka kupangela vwa “Kusambesa!”

Loma 7:17

Ngecivene, kesi yange mwa vushunga njilinakulinga cuma eci, oloni vuvi vuje vulinakuyoya muli yange.

Loma 7:20

Nga njilinga cije kunjashakele kulinga, eci cinalumbunuka ngeci, kesi yange njilinakucilinga, oloni vuvi vuje vuli muli yange vukevwo vulinakucilinga.

Loma 8:11

Nga Munzinzime wa Njambi, uje wasangwile Yesu ku vatsi, akala muli yeni, co uje wasangwile Kilistu ku vatsi ikeye lalo akana mwonyo ku mivila yeni ya kutsa a Munzinzime wendi uje ali muli yeni.

Loma 8:14

Omwo voshe vaje Munzinzime wa Njambi alinakuvatwamenena vanapu vana va Njambi.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

Loma 8:34

Iyajo asa kuvahisa? Kesi Kilistu Yesu, uje watsile, eyo, uje wasangukile ku vatsi, co ali ku livoko lya cilyo lya Njambi, mukutulambelelako kuli Njambi!

Loma 8:39

nambe cuma cili mwilu, nambe cuma cili mwisi, nacimo cai cakutanga casa kututundisa ku cizemo ca Njambi cije cinapu cetu muli Kilistu Yesu Mwene yetu.

Loma 8:4

Njambi walingile eci ngeci vilinga vya vushunga vya Lishiko vavishulise muli yetu vaje valinakuyoya ali Munzinzime, kesi mu vusitu.

Loma 8:9

Oloni yeni kumwesi mu vusitu, oloni muli mu Munzinzime, nga Munzinzime wa Njambi akala muli yeni. Woshe uje kesi na Munzinzime wa Kilistu, co Kilistu kesi muli ikeye.

1 Kolinte 1:30

Oloni Njambi namyaka amo muli Kilistu Yesu, co Njambi napwisa Kilistu mana etu. Ali ikeye tunapu vaka-vushunga ku mesho a Njambi, tunapu vana va Njambi vakujela, co vanatupatula.

1 Kolinte 15:22

Omwo vanu voshe vatsa omwo vali amo na Andama, mu ngila eyi vene voshe vakavasangwila ku mwonyo omwo vali amo na Kilistu.

2 Kolinte 12:2

Njazivuka munalume umo wa Muka-Yesu uje ivatwalele mwilu te kuneti laja myaka likumi na iwana (kunjasa kuzivuka nga eci mwa vushunga calingiwile, nambe wamwene cimona, kuvanga Njambi lika azivuka.)

2 Kolinte 5:17

Ngecivene, woshe uje ali muli Kilistu, napu munu wamuha, vyuma vyalaja vineti, muli ikeye munaija vuhwa.

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Ngalatiya 3:26

Akukulaela ngeci yeni voshe munapu vana va Njambi muli Kilistu Yesu.

Ngalatiya 3:28

Ngecivene, kukwesi kulyangunuka akati ka vaYunda na vaje kesi vaYunda, akati ka vindungo na vanu vakupatuka, akati ka vanalume na vanakazi, yeni voshe munapu mumo muli Kilistu Yesu.

Ngalatiya 5:16

Evi vikevyo njendeka ngwange, eceleni Munzinzime atwamenene myonyo yeni, co mukenukwa mashungu a cisemwa ca vunu.

Ngalatiya 5:25

Munzinzime natwana mwonyo, co napande lalo kunyunga myonyo yetu.

Efeso 1:1

Mukanda wakutunda kuli yange Paulu, ku cizango ca Njambi njinapu muluwa wa Kilistu Yesu. Njilinakusonekela kuli vanu va Njambi vaje vali mu Efeso, kuli vaje vaka-kukulaela kuli Kilistu Yesu.

Filipu 3:9

ngeci njikale muli ikeye. Yange kunjesi na vushunga vwange vavenya vwai, vuje vasa kuwana akwononoka Lishiko. Ololo njili na vushunga vuje vananjana akukulaela lika kuli Kilistu, vushunga vuje vutunda kuli Njambi, co nsina yavwo inapu kukulaela.