Loma 7:4 - Livulu lya Shukulu Kalunga

⁴ Neni lalo cifwa cimo, vakwetu. Neni lalo munatsi omwo munapu vilyo vya muvila wa Kilistu, co ololo munakundama kuli ikeye, uje ivasangwile ku vatsi ngeci tupangele Njambi vipangi vyavivwa.

Loma 7:4 Iomraidhean Croise

Isaya 54:5

Ishamatanga wove akapwa ngwe munalume wove, ikeye Shukulu Kalunga Muka-nzili yoshe, Njambi wakujela wa Isalele, ikeye muka-kushika a kaye koshe, co akakwamena.

Isaya 62:5

Ngwe mukwenje ambata mumbanda uje kanda alimone na munalume kupwa shombolwa yendi, uje wakutangele akakwambata. Ngwe muka-kwambata avwaelela na shombolwa yendi, ngeci Njambi yove akavwaelela muli yove.

Mateo 26:26

Omo vakela nakulya, Yesu wanonele likende, walombele lilombelo lyakukandelela, co walipazwile, co walyanene kuli vandongisi vendi ngwendi, “Tambuleni mulye. Eli linapu muvila wange.”

Mako 4:20

Oloni vanu vamo vanapu ngwe vimbuto vije vyawililile ku livu lya vwilo. Vakevo vaje vaziva lijwi, nakulitambula, co vaima vushuka, vimo makumi atatu, vikwavo makumi atanu na limo, co vikwavo 100.”

Yowano 15:8

Vumpau vwa Tate vusholoka nga mwima vushuka vwavungi, co mu ngila eyi vene mupwa vandongisi vange.

Yowano 3:29

Uje ali na shombolwa ikeye vavenya vulo, oloni musamba wa vavenya vulo, uje nemana nakumutolilila, avwaelela omo aziva lijwi lya vavenya vulo. Ngecivene, mukemwo mukunapu kuvwaelela kwange.

Yowano 6:51

Yange likende lya mwonyo lije lyatundile mwilu. Nga munu alya ku likende eli, akayoya ku myaka yoshe. Co likende lije linjikamwana linapu muvila wange, uje unjana ngeci vaka-kaye vayoye.”

Loma 6:11

Mu ngila eyi vene munapande kuliyongola yeni vavenya ngweni munatsi, kwesekesa na vuvi, oloni mulinakuyoya muli Njambi ali Kilistu Yesu.

Loma 6:14

Omwo vuvi kuvwapandele kumishwana embwe, omwo kumwesi nakuyoya ku lishiko embwe oloni mu kutetela kwa Njambi.

Loma 6:2

Embwe kesi ngoco! Tunatsi ku vuvi, co vatijo twasa kuyoyelamo?

Loma 6:22

Oloni ololo vanamipatula ku vuvi, co munapu vindungo va Njambi. Fweto yeni inapu mwonyo uje wakulikundika kuli ikeye, cikeco cinena mwonyo wa myaka yoshe.

Loma 7:3

Ngecivene, nga akala na munalume weka omo munalume wendi acili nakuyoya, co vamutumbula muka-vupangala, oloni nga munalume wendi atsa, co ashomboka ku munalume weka, ou munakazi napatuka kapu lalo muka-vupangala.

Loma 7:6

Ngecivene, ololo, tunapatuka ku Lishiko, omwo twatsile ku cije catupwisile vinzinda. Kutwesi lalo nakupanga mu ngila yalaja ya lishiko lyakusoneka, oloni mu ngila yaiha ya Munzinzime Wakujela.

Loma 8:2

Omwo lishiko lya Munzinzime, lije litunenela mwonyo muli Kilistu Yesu, linanjipatula ku lishiko lya vuvi na kutsa.

1 Kolinte 10:16

Nganja ije tukapangesa ku Mesa ya Mwene, ije itukakandelela kuli Njambi, omo tuyinwa tulinakulipangela maninga a Kilistu. Na likende lije tukapazula, omo tulilya, tulinakulipangela muvila wa Kilistu.

2 Kolinte 11:2

Njili na lifuwa ali yeni ngwe lije lyakala nalyo Njambi, omwo munapu ngwe mumbanda uje kanda alimone na munalume uje njinakulaesa kumushombwesa kuli munalume umolika, ikeye Kilistu.

Ngalatiya 3:13

Oloni omwo Kilistu vamupwisile cisingo omwo watupatwile ku cisingo cije majwi a Lishiko acinenele, omwo visoneka vyendeka ngwavyo, “Munu woshe uje vashukika a muti ali mwisi ya cisingo ca Njambi.”

Ngalatiya 5:18

Oloni nga Munzinzime alinakumitwamenena, co yeni kumwesi mwisi ya Mashiko.

Efeso 2:15

Wamanesele lishiko lya vaYunda amo nakushika kwalyo na futisi yalyo, ngeci muli ikeye a miyati ivali atange muyati umolika, ngeci kukale kwoloka.

Filipu 1:11

Kuyoya kweni kupwe kwakushula na vushunga vwavuvwa vyuma vije Yesu Kilistu lika asa kusholola, ku vumpau nakushangazala kwa Njambi.

Filipu 4:17

Kesi ngwe yange njishaka lika vwana kuli yeni embwe, oloni njishaka kumona nganyo yakuwezelela ku mbango yeni.

Kolose 1:10

Asinoni mukasa kuyoya ngwe ku cizango ca Mwene, co simbu yoshe mukasa kulinga vije vimuvwaelelesa. Kuyoya kweni kukaima vushuka vwavungi manene vwa miyati yoshe ya vipangi vyavivwa, co mukakola mu mana eni akuzivuka Njambi.

Kolose 1:22

Oloni ololo, a kutsa kwa Munendi, Njambi namipwisa mu vasamba vendi, ngeci aminene ku mesho endi kupwa vanu vakujela nakulambasa nakujeneka mulonga.

Kolose 1:6

Muzimbu ulinakutwalao kunena vivezikiso, co ulinakushandokela mu kaye koshe, ngwe lalo muwalingile akati keni tunde a litangwa lije omo akulivanga mwazivile a kutetela kwa Njambi, co mwauzivukile ngwe muunapu vene.

Kolose 2:14

watundisile cishimbikiya ca makongo etu na mshiko aco, co wacitundisile akucishukika a cilindakano.

Kolose 2:20

Yeni munatsi amo na Kilistu, co vanamipatula kutunda ku minzinzime ije ilinakushwana ano a kaye. Ngecivene, omwo vikajo mulinakuyoya ngwe mwakundama ku kaye kano? Omwo vikajo mucili nakwononoka ku mashiko a cifwa cangacije ngwavo,

VaHevelu 10:10

Omwo Yesu Kilistu walingile vije vyashakele Njambi ngeci avilinge, yetu voshe tunajele ku vuvi a n̄ombelo ije yalingile ya muvila wendi vavenya, wailingile lumo lika.

1 Petulu 2:24

Kilistu vavenya wambatele vuvi vwetu mu muvila wendi a cilindakano, ngeci tutse ku vuvi, co tukayoyele ku vushunga. A viveve vyendi akeo munawana kukanguka.

Kujombolola 19:7

Tujoleleni nakuvwaelela, tushangazaleni vukama vwendi! Omwo simbu inete ya vulo vwa Muna Manga, co shombolwa yendi nalivwaesa laja.

Kujombolola 21:9

Co kangelo umo wa vaje vatanu na vavali vaje vakele na malonga atanu na avali akushula na tuyando tutanu na tuvali twakumanesela wezile kuli yange wendekele ngwendi, “Ija kuno, co njikakumwesa Shombolwa, munakazi wa Muna Manga.”