Loma 7:2 - Livulu lya Shukulu Kalunga

² Munakazi wakushomboka nakutiwa na lishiko kuli munalume wendi omo munalume wendi acili nakuyoya, oloni nga munalume wendi atsa, asinoni uje munakazi napatuka ku lishiko lije lyamukutile kuli munalume wendi.

Loma 7:2 Iomraidhean Croise

Loma 7:3

Ngecivene, nga akala na munalume weka omo munalume wendi acili nakuyoya, co vamutumbula muka-vupangala, oloni nga munalume wendi atsa, co ashomboka ku munalume weka, ou munakazi napatuka kapu lalo muka-vupangala.

Loma 7:6

Ngecivene, ololo, tunapatuka ku Lishiko, omwo twatsile ku cije catupwisile vinzinda. Kutwesi lalo nakupanga mu ngila yalaja ya lishiko lyakusoneka, oloni mu ngila yaiha ya Munzinzime Wakujela.

1 Kolinte 7:39

Munakazi wakushomboka kapatukile omo munalume wendi acili nakuyoya, oloni nga munalume wendi natsi, co napatuka asa kushomboka kuli woshe yashaka, oloni kuvanga muka-Yesu.

1 Kolinte 7:4

Munakazi kesi na moko ya a muvila wendi embwe, oloni munalume wendi, mu ngila eyi lalo, munalume kesi na moko ya a muvila wendi embwe, oloni munakazi wendi.