Loma 7:12 - Livulu lya Shukulu Kalunga

¹² Ngecivene, Lishiko likelyo lyapwa lyakujela, co nakushika kwapwa kwakujela na vushunga na vuvwa.

Loma 7:12 Iomraidhean Croise

Nehemiya 9:13

Ku munkinda wa Sinai washulukile kutunda mwilu, wendekele kuli vanu vove, nakuvana mashiko amavwa, na vilongesa vyavivwa.

Myaso 119:127

Yange njazema mashiko ove kutuvakana ngolinde, kutuvakana ngolinde yaivwa.

Myaso 119:137

Yove wapwa u muka-vushunga Shukulu Kalunga, na mashiko ove lalo apwa a vushunga.

Myaso 119:140

Mwa vushunga vene vikulaeso vyove, vanavyeseka mwamuvwa, ngecivene, yange ngamba yove njivizema.

Myaso 119:172

Njikaimba vya mashiko ove, omwo mashiko ove apwa a vushunga.

Myaso 119:38

Kolesa cikulaeso cove kuli yange ngamba yove, cikulaeso cije ukalingi kuli vaje vakukomoka.

Myaso 119:86

Mashiko ove oshe anapu a vushunga, njikwase Shukulu Kalunga, vanu vaka-makuli valinakunjipesa.

Loma 12:2

Kesi mulipwise ngwe vanu va muno mu kaye, oloni eceleni Njambi atengulule viyongola vya mu vimbunge vyeni. Asinoni mukazivuka cizango ca Njambi, vije vyavivwa nevi vimuvwaelelesa nevi vyakushungama.

Loma 3:31

Kuma eci cinalumbunuka ngeci akukulaela tunavyana Lishiko ndi? Embwe, kesi ngoco, oloni tulinakukolesa Lishiko.

Loma 7:14

Twazivuka ngwetu Lishiko linapu lya ku munzinzime, oloni yange njinapu munu wa muvila wa situ, wakulandesa ngwe ndungo ku vuvi.

Loma 7:16

Omo nga njilinga vije kunjashakele kulinga, eci cimwesa ngeci njatava ngwange Lishiko linapu lya vushunga.

Kwituluka mu Mashiko 10:12

“Co ololo, yeni vanu va Isalele, tolilileni kuli vije vyashaka Shukulu Kalunga Njambi yeni kuli yeni. Lemeseni Shukulu Kalunga Njambi yeni, nakwenda mu vingila vyendi vyoshe. Muzemeni nakumupangela na vimbunge vyeni vyoshe, na mwonyo weni woshe,

Kwituluka mu Mashiko 4:8

Kukwesi muyati weka wakama lalo nambe wakufwa vati, uje uli na mashiko akushungama ngwe awa njamilongesa ku litangwa lya lelo.

1 Timateo 1:8

Twazivuka ngwetu Lishiko lya Njambi lyapwa lyalivwa nga valipangesa muvanapande kulipangesela.