Loma 7:11 - Livulu lya Shukulu Kalunga

¹¹ Omwo vuvi vwawanene mwela, co vuvi vwanjikwisile nakunjitsiya.

Loma 7:11 Iomraidhean Croise

Kushangumuka 3:13

Shukulu Kalunga Njambi wehwile munakazi ngwendi, “Omwo vikajo walingi eci?” Co munakazi wamukumbulwile ngwendi, “Linyoka nanjikwisile ngeci njinalile.”

Isaya 44:20

Mana angacije vunene anapu ngwe kulya manungu. Viyongola vya munu ou vinapu vya vulema, vinamusevwisa, ngeci kukwesi seo lalo yai. Kanangukile ngeci ngwendi aka kamponya kanakwata mu livoko lyendi kukapwile njambi embwe.

Njelemiya 17:9

“Mbunge ya munu yapwa ya makuli kutuvakana vyuma vyoshe, yapwa yaivi manene, iyajo aizivuka?

Njelemiya 49:16

Kulyalesa kweni kunamikwisa. Naumo wai akamizivila manene lyova ngwe mumunayongola. Yeni mwakala akamwa ya mamanya ashongo-shongo ya minkinda, oloni nameme mwakala akamwa ngwe ngonga, Shukulu Kalunga akamiwisila asi. Mukemwo mwanendeka Shukulu Kalunga.”

Ovandiya 1:3

Mbunge yove ya kulyalesa inakukwisa, yove wakala mu cimpaka ca mamanya, nakutungila limbo lyove akamwa ya minkinda, co ulyendekesa mu mbunge yove ngwove, ‘Iyajo asa kunjiwisila asi?’

Loma 3:20

Omwo munu naumo wai napu muka-vushunga ku mesho a Njambi navilinga vya majwi a Lishiko, omwo majwi a Lishiko akewo anaija ngeci munu azivuke ngwendi nalingi vuvi.

Loma 7:13

Oloni kuma eci calumbunuka ngeci cije cacivwa cikeco canenele kutsa kuli yange ndi? Kesi ngoco embwe! Eci calingiwile omwo vuvi, akupangesa cije cacivwa, vuvi vwanenele kutsa kuli yange, ngeci cifwa cavwo cisholoke ngeci mwa vushunga vunapu vuvi. Co mu ngila yakushika oku vuvi vunasholoka kupwa vwavuvi manene.

Loma 7:8

Oloni vuvi vwawanene mwela mukushangumuna mashungu amavi amangi muli yange. Nga lishiko lyai, nga vuvi kuvwesi na nzili.

Efeso 4:22

Ngecivene, umbileni kuti vunu vweni vwalaja, vuje vwamilingisile ngeci muyoye ngwe muje mwayoyele, vunu vwalaja vuje vuya nakunyonga na mashungu avwo a makuli.

VaHevelu 3:13

Oloni umo weni kesi vuvi vumukwise nakukaluwisa mbunge yendi, munapande kulinangula umo na mukwavo a litangwa na litangwa, ngwe mulinendeka lijwi mu visoneka ngwalyo “Lelo” lilinakupanga kuli yetu.

Yakomba 1:22

Kesi mulikwise yeni vavenya mukupwa vaka-kuziva lijwi lyendi lika, oloni pweni vaka-kulipangesa.

Yakomba 1:26

Nga munu umo ayongola ngwendi ikeye muka-kulemesa, co kononwesa ndaka yendi, kulemesa kwendi kunapu kwangoco, co alinakulikwisa ikeye vavenya.